<div class="article-content">
<p><strong>បាត់ដំបងៈ</strong> កម្លាំងអាវុធហត្ថស្រុកភ្នំព្រឹក បានឃាត់ខ្លួនកុមារា អាយុ១៥ឆ្នាំម្នាក់ តាមពាក្យបណ្តឹង<br />របស់ម្តាយជនរងគ្រោះ ពីបទរំលោភក្មេងស្រី អាយុ៥ឆ្នាំ កាលពីវេលាម៉ោង៥និង៣០នាទី ល្ងាច<br />ថ្ងៃទី២៥ ខែកុម្ភៈ ឆ្នាំ២០១៣ នៅចំណុចផ្ទះជនសង្ស័យ ត្រង់ចំណុចភូមិអូរ ឃុំពេជ្រចិន្តា ស្រុកភ្នំ<br />ព្រឹក រួចកសាងសំណុំរឿង បញ្ជូនមកទីបញ្ជាការអាវុធហត្ថខេត្ត ដើម្បីបញ្ជូនបន្តទៅតុលាការខេត្ត<br /> ចាត់ការតាមច្បាប់។</p>
<p>លោក ចោម ចាន់ថន មេបញ្ជាការរងអាវុធហត្ថស្រុកភ្នំព្រឹក បានឲ្យដឹងថា ជនសង្ស័យ ដែល<br />សមត្ថកិច្ចឃាត់ខ្លួន បានមានឈ្មោះ ផាត សុភា ភេទប្រុស អាយុ១៥ឆ្នាំ និងជនរងគ្រោះ មាន<br />អាយុ៥ឆ្នាំ មានផ្ទះជិតគ្នាក្នុងភូមិជាមួយគ្នាខាងលើ។</p>
<p>លោក ចោម ចាន់ថន បានបញ្ជាក់ថា តាមរបាយការណ៍បានឲ្យដឹងថា មុនពេលកើតហេតុ ជន<br />សង្ស័យកំពុងងូតទឹកក្រោយផ្ទះ ស្រាប់តែជនរងគ្រោះ បានមករត់លេងក្រោមផ្ទះជនសង្ស័យ<br /> ពេលនោះជនសង្ស័យ បានហៅជនរងគ្រោះមកជិតខ្លួន ហើយបានធ្វើសកម្មភាព យកម្រាមដៃ<br />មកលូក ខ្វេះប្រដាប់ភេទនាង បណ្តាលមានស្នាមដាច់រលាត់និងហើម ធ្វើឲ្យក្មេងស្រែកយំ ទ្រាំ<br />មិនបានក៏រត់ ទៅប្រាប់ម្តាយនៅផ្ទះ ពីរឿងហេតុនេះតែម្តង។</p>
<p>បន្ទាប់កើតហេតុហើយ ម្តាយជនរងគ្រោះ បានមកដាក់ពាក្យប្តឹង នៅទីបញ្ជាការអាវុធហត្ថស្រុក<br /> ឲ្យជួយអន្តរាគមន៍។ បន្ទាប់ពីបានទទួលពាក្យបណ្តឹង ហើយ សមត្ថកិច្ចបានចុះធ្វើការឃាត់ខ្លួន<br />ជនសង្ស័យ នាំយកមកសាកសួរ។</p>
<p>ជនសង្ស័យបានឆ្លើយសារភាពថា ខ្លួនពិតជាបានហៅនាងមកជិត ខណៈកំពុងងូតទឹកពាងក្រោយ<br />ផ្ទះ ហើយបានធ្វើសកម្មភាព យកម្រាមដៃខ្វេះ ប្រដាប់ភេទនាង ពិតប្រាកដមែន តែមិនបានចាប់<br />រំលោភនាងនោះទេ។ ដោយសារតែផ្ទះនៅជិតគ្នា នាងតែងតែមករត់លេងផ្ទះខ្លួន ជាប្រចាំដូច<br /> ធម្មតា។ លុះដល់ម៉ោងយប់ថ្ងៃដដែល ស្រាប់តែមានសមត្ថកិច្ច មកឃាត់នាំយកទៅសាកសួរតែ<br />ម្តង។</p>
<p>លោកអនុសេនីយ៍ឯក ឡាច ប្រុស នាយការិយាល័យ ស្រាវជ្រាវបទល្មើសព្រហ្មទណ្ឌខេត្ត បាន<br />បញ្ជាក់ថា យោងតាមពាក្យបណ្តឹង របស់ម្តាយជន រងគ្រោះ និងចម្លើយសារភាពរបស់ជនសង្ស័យ<br />រួចមក លោកមេបញ្ជាការអាវុធហត្ថខេត្ត បានបញ្ជាឲ្យការិយាល័យជំនាញ កសាងសំណុំរឿងបន្ថែម<br /> រួចបញ្ជូនទៅតុលាការខេត្ត ដើម្បីចាត់ការបន្តតាមច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0337.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>