<p><strong>ភ្នំពេញ៖</strong> នារីវ័យក្មេងម្នាក់ ដោយសារតែ ស្រឡាញ់បុរស ធ្វើការនៅរោងចក្រ ជាមួយគ្នា មិន<br />សមតាមបំណង របស់ឪពុកម្តាយ ហើយបើទោះបីជា ឪពុកម្តាយ ចាប់ វាយដុំ និងចងក្រវ៉ាក់ <br />តែនាង សុខចិត្តស្កាត់ ទៅជួប គូស្នេហ៍របស់ខ្លួន ប៉ុន្តែចៃដន្យអី នៅពេលកំពុងជិះម៉ូតូ ឌុបជា<br />មួយគ្នា នៅតាមផ្លូវ ប្រុងធ្វើដំណើរទៅឆ្ងាយពីផ្ទះ ក៏ត្រូវម្តាយឃើញទៀត ហើយចាប់បោច <br />សក់ និងវាយបណ្តាលឲ្យ ផ្អើលអស់ប្រជាពលរដ្ឋ ដែលធ្វើដំណើរ តាមដងផ្លូវ ហើយត្រូវបាន<br />សមត្ថកិច្ច ប៉ុស្តិ៍បឹងទំពុន ខណ្ឌមានជ័យ នាំខ្លួនទាំង គូស្នេហ៍ និងស្រ្តីជាម្តាយ យកទៅសួរនាំ<br />បន្ត ។</p>
<p>ករណីភ្ញាក់ផ្អើល ស្រ្តីជាម្តាយ ចាប់វាយ បោចសក់ កូនស្រី របស់ខ្លួនខាងលើនេះ បានកើតឡើង<br />នៅ វេលាម៉ោង៨ ៖០០នាទី យប់ថ្ងៃទី២៩ ខែឧសភា ឆ្នាំ២០១៣នេះ ស្ថិតនៅសង្កាត់បឹងទំពន់ <br />ខណ្ឌមានជ័យ ។ ស្រីណែត អាយុ១៩ឆ្នាំ បាននិយាយនៅ កន្លែងសមត្ថកិច្ចថា ខ្លួនបម្រើការងារ<br />នៅ រោងចក្រ កាត់ដេរ នៅម្តុំជម្ពូវ័ន្ត ហើយបានចាប់ ចិត្តស្រឡាញ់ យុវជន ឈ្មោះ ប៉ុល ឡេង <br />អាយុ២០ឆ្នាំ ដែលធ្វើការ នៅជាមួយ គ្នាអស់រយៈពេល ជាង១ឆ្នាំមកហើយ ។</p>
<p>ស្រីណែត បានបន្តរៀបរាប់ដោយទឹកភ្នែកថា ការស្រឡាញ់ យុវជន ឡេង មិនត្រូវឪពុកម្តាយ <br />របស់នាងយល់ព្រមឡើយ ហើយតែងតែធ្វើការ បំបែកបំបាក់ ជារៀងរហូត ដល់ថ្នាក់ចាប់វាយ<br /> និងដាក់ខ្នោះ នាងទៀត មិនឲ្យចេញទៅ ជួបជាមួយ គូស្នេហ៍វ័យ ។</p>
<p>ប៉ុន្តែបើទោះបីជា ឪពុកម្តាយ ដែលជាអ្នកមានគុណ ខិតខំ ធ្វើការបំបែកបំបាក់ យ៉ាងនេះក្តី តែ<br />ដោយសារ ក្តីស្រឡាញ់ ពេញបេះដូង មិនអាចរស់អត់ប្រុស ឡេង បាន រូបនាងសុខចិត្តឈឺ <br />រាល់ការលំបាក និងការចុកចាប់ ទាំងឡាយ ចំពោះការធ្វើទារុណកម្ម របស់ឪពុកម្តាយ។ ស្រី<br />ណែត បានបន្តទៀតថា ខណៈឪពុកម្តាយ ចងច្រវ៉ាក់ នាងនៅផ្ទះ ពេលមួយ នាងមានឱកាស <br />ដោយដោះ ច្រវ៉ាក់ចេញ ហើយរត់ទៅ ជួបគូស្នេហ៍ និងមិត្តភក្រ្ត័ នាំគ្នានៅហូបអី នៅម្តុំវត្តសំ<br />រោងអណ្តែត ។</p>
<p>លុះពេលហូបចប់ រូបនាង និងគូស្នេហ៍ បាននាំគ្នាជិះម៉ូតូឌុប ប្រុងធ្វើដំណើរ ទៅសៀមរាបកន្ទួត <br />ស្រុកកណ្តាលស្ទឹង ខេត្តកណ្តាល ប៉ុន្តែចៃដន្យ ពេលជិះមកដល់ ចំណុចកើតហេតុ បានជួបស្រ្តី<br />ជាម្តាយ ដែលមានផ្ទះនៅ ម្តុំផ្សារដើមថ្កូវ ពេលនោះស្រ្តីជាម្តាយ បានចាប់វាយ និងបោចសក់ <br />បណ្តាលឲ្យផ្អើល ដល់ប្រជាពលរដ្ឋ នៅតាមផ្លូវ ហើយក៏ត្រូវបានសមត្ថកិច្ច ប៉ុស្តិ៍បឹងទំពុន ចុះ<br />មកនាំខ្លួនពួកគេ ទាំងអស់ទៅសួរនាំ ។</p>
<p>នៅចំពោះសមត្ថកិច្ច តួអង្គទាំងពីរនាក់ បានស្រក់ទឹកភ្នែក ហើយបានស្រែក អង្វរដល់សមត្ថកិច្ច <br />ឲ្យជួយសម្របសម្រួល និងដោះស្រាយបញ្ហា របស់ពួកគេផង ធ្វើយ៉ាងណា អនុញ្ញាតឲ្យពួកគេ<br /> ពីរនាក់ បានរស់នៅជាមួយគ្នា។ យ៉ាងណាក៏ដោយ ពួកគេទាំងអស់ ស្ថិតនៅក្រោម ការសាក<br />សួរបន្តទៀត ពីសមត្ថកិច្ចប៉ុស្តិ៍ បឹងទំពុនខណ្ឌមានជ័យ។ ជាមួយគ្នានេះ ដើមអម្ពិលមិន ទាន់អាច<br />សុំការបកស្រាយ ពីស្រ្តីជាម្តាយនៅឡើយទេចំពោះបញ្ហានេះ៕</p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0334.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0335.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0336.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>