<p>ព័ត៌មានអន្តរជាតិ ៖ ខណៈមានវ័យទើបតែបាន ៨ ឆ្នាំ ក្មេងប្រុស Tyler Doohan ត្រូវបានរកអោយ ឃើញថា ពិតជាមានសេចក្តីក្លាហានហួស និងទទួលបានការ កោតសរសើរពីក្រុមមនុស្ស មកពីទូ ទាំងសហរដ្ឋអាមេរិក តែជាអកុសលគេបានស្លាប់បាត់បង់ជីវិត បាត់ទៅហើយ ក្រោយពីជួយសាច់ ញាត្តិទាំង ៦ នាក់ ចេញពីភ្នក់ភ្លើង ខណៈជួយលោកតាពិការ ជាសមាជិក ទី ៧ ចេញពីភ្នក់ភ្លើងមិន បានសម្រេច ពោលគឺ ស្លាប់នៅអំឡុងពេល ជួយលោកតា ពិការរបស់ខ្លួន នេះបើយោងតាមការដក ស្រង់ អត្ថបទផ្សាយ ពីគេហទំព័រ សារព័ត៌មាន បរទេស CNN ។</p>
<p><a class="thickbox" title="" href="http://camnews.com.kh/FileManager/Commons/2014/1/23/5411213-year-old-saves-from-fire-dies-23-01-2014--09-20-25.jpg"><img src="http://camnews.com.kh/FileManager/Articles/mce/2014/1/23/5411213-year-old-saves-from-fire-dies-23-01-2014--09-20-25.jpg" alt="" /></a></p>
<p>គួរបញ្ជាក់ផងដែរថា ជាមួយនឹងសោកនាដកម្មឆេះផ្ទះ បង្កើតបានជាគ្រោះអគ្គីភ័យដ៏សន្ធោសន្ធៅ មួយនេះ បានកើតឡើង កាលពីពេលកន្លងទៅនេះ ក្នុងក្រុង ញ៉ូវយ៉ក សហរដ្ឋអាមេរិក ដោយនៅក្នុង នោះ បានបណ្តាលអោយ Tyler និងជីតា របស់គេ ស្លាប់បាត់បង់ជីវិត នៅក្នុងភ្នក់ភ្លើង ដោយឡែក ពុំទាន់មានសេចក្តីរាយការណ៍ បញ្ជាក់អោយដឹង ពីមូលហេតុ ដែលនាំអោយមានការឆាបឆេះនៅ ឡើយនោះទេ ។</p>
<p>ជាការពិត គ្រោះអគ្គីភ័យមួយនេះ បានកើតឡើង កាលពីវេលាម៉ោង ៤ និង ៤៥ នាទីទាបភ្លឺ (ម៉ោង នៅក្នុងស្រុក សហរដ្ឋអាមេរិក) ភ្លាមៗនោះ Tyler បានស្ទុះទៅដាស់អ្នករាល់គ្នា អោយងើបនឹងជួយ ចេញពីគ្រោះអគ្គីភ័យ បានដល់ទៅ ៦ នាក់ មានតាំងពីក្មេងតូចៗ អាយុ ៤ ឆ្នាំម្នាក់ និង ៦ ឆ្នាំម្នាក់ផង ដែរ តែជាអកុសល ខណៈចេញប្រតិបត្តិការជួយសង្គ្រោះសមាជិកទី ៧ របស់គេ ពោលគឺ លោតា ពិការផ្ទាល់តែម្តង Tyler ពិតជាធ្វើមិនបានជោគជ័យនោះទេ ពោលគឹ ពួកគេទាំងពីរនាក់ បានស្លាប់ បាត់បង់ជីវិត នៅក្នុងភ្នក់ភ្លើងនោះបាត់ទៅហើយ។</p>
<p><a class="thickbox" title="" href="http://camnews.com.kh/FileManager/Commons/2014/1/23/images-23-01-2014--09-20-39.jpg"><img src="http://camnews.com.kh/FileManager/Articles/mce/2014/1/23/images-23-01-2014--09-20-39.jpg" alt="" width="500" height="223" /></a></p>
<p>គួររំឭកផងដែរ ជាមួយនឹងសោកនាដកម្ម ដ៏រន្ធត់ និងគួរអោយកោតសរសើរ កម្លាំងហ៊ានក្លារបស់ ក្មេងប្រុសតូចម្នាក់នេះ ប្រជាពលរដ្ឋ មកពីទូទាំង សហរដ្ឋអាមេរិក បានរៃអង្គាសជាថវិកា បានដល់ ទៅ ២៨,០០០ ដុល្លារ ដើម្បីជាការបរិច្ចាក ដល់ពិធីបុណ្យសពរបស់ Tyler ។</p>
<p><a class="thickbox" title="" href="http://camnews.com.kh/FileManager/Commons/2014/1/23/140122031818-dnt-ny-boy-dies-after-saving-6-from-fire-00001511-story-top-23-01-2014--09-20-52.jpg"><img src="http://camnews.com.kh/FileManager/Articles/mce/2014/1/23/140122031818-dnt-ny-boy-dies-after-saving-6-from-fire-00001511-story-top-23-01-2014--09-20-52.jpg" alt="" /></a></p>
<p>យ៉ាងណាមិញ ប្រភពសារព័ត៌មានដដែល បន្តអោយដឹងថា ស្ថានភាពរបស់ជនរងគ្រោះទាំង ៦ នាក់ ដែលបានរួចផុតចេញពី គ្រោះអគ្គីភ័យនោះ ពុំទាន់បានដឹងជាក់ច្បាស់នៅឡើយទេ។ ផ្ទុយទៅវិញ បើ យោងតាមសម្តីស្រ្តីជាម្តាយ និងមន្រ្តីផ្លូវការប្រចាំ តំបន់ផ្សេងទៀត បានអះអាងយ៉ាងច្បាស់ថា ៖ គេ ពិតជាកំពូលវីរៈកុមារ ដ៏ពិតប្រាកដមែន អ្នករាល់គ្នា ពិតជាមានមោទនភាព ដោយសារតែរូបគេ ៕</p>
<p><object width="499" height="428" data="http://www.youtube.com/v/1KSgaYNJfdY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/1KSgaYNJfdY&rel=1" /></object></p>
<p><object width="499" height="428" data="http://www.youtube.com/v/h8w9n3XPUcQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/h8w9n3XPUcQ&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ CNN</p>