<p>ប្រសិនត្រូវបានគេយល់ថា នឹងនាំមកនូវភាពចង្រៃ បណ្ដាទារកដែលទើបកើត នឹងត្រូវបានបោះ<br />ឱ្យក្រពើស៊ី ឬបោះចោលទៅក្នុងព្រៃ ដើម្បីកំចាត់បង់គ្រោះទាំងឡាយ។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda1-07-08-2014--10-21-30.jpg"><img src="/FileManager/Articles/mce/2014/8/7/balguda1-07-08-2014--10-21-30.jpg" alt="" /></a></p>
<p style="text-align: center;">អបិយជំនឿ បានសម្លាប់កូនរបស់ស្ដ្រីម្នាក់នេះ ដល់ទៅ ១៥រូប</p>
<p style="text-align: center;"> </p>
<p>យោងតាមទំព័រ Daily Mail ស្ដ្រី Ethiopia ម្នាក់ ឈ្មោះ Balguda Buco ដែលរស់នៅក្នុងភូមិ Duss <br />នៃកុលសម្ព័ន្ធ Karo នៅជ្រលងភ្នំ Omo ភាគខាងត្បូង Ethiopia ត្រូវបានគេចាត់ទុកថា ជាស្ដ្រី<br />ដែលមានការឈឺចាប់ជាទីបំផុត ក្នុងពិភពលោក ដោយសារថា កូនទាំង ១៥នាក់ (ប្រុស ៧ ស្រី<br /> ៨) របស់គាត់ សុទ្ធតែត្រូវបានមេកុលសម្ព័ន្ធកាត់ទោសប្រហារជីវិត ដោយការបោះឱ្យក្រពើស៊ី <br />ឬបោះចោលក្នុងព្រៃ។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda2-07-08-2014--10-23-02.jpg"><img src="/FileManager/Articles/mce/2014/8/7/balguda2-07-08-2014--10-23-02.jpg" alt="" /></a></p>
<p>មេកុលសម្ព័ន្ធយល់ថា កូនទាំងឡាយរបស់ស្ដ្រីម្នាក់នេះ កើតមក សុទ្ធតែត្រូវបណ្ដាសា ហើយ<br />នឹងនាំមកនូវភាពចង្រៃដល់ភូមិ និងកុលសម្ព័ន្ធ។ បញ្ហាបានកើតឡើង មុនពេល Balguda រៀប<br />ការ ដោយសារតែប្ដីរបស់គាត់ មិនបានចូលរួមក្នុងពិធីបុណ្យមួយរបស់កុលសម្ព័ន្ធ ជាពិធីមួយ<br />ដែលបុរសទាំងអស់ត្រូវតែធ្វើ មុនពេលយកប្រពន្ធ។ នៅពេល Balguda រៀបការ មេកុលសម្ព័ន្ធ<br />ប្រកាសថា កូនទាំងអស់របស់ប្ដីប្រពន្ធមួយគូនេះ សុទ្ធតែត្រូវចាត់ទុកជាកូន “ខុសច្បាប់” ហើយ<br />នឹងត្រូវបានកាត់ទោសប្រហារជីវិត បន្ទាប់ពីកើតភ្លាម។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda8-07-08-2014--10-24-00.jpg"><img src="/FileManager/Articles/mce/2014/8/7/balguda8-07-08-2014--10-24-00.jpg" alt="" /></a></p>
<p>ដូច្នេះ កូនទាំងអស់របស់ស្ដ្រីម្នាក់នេះ បានក្លាយជាចំណីរបស់ក្រពើ និងចំណីរបស់សត្វព្រៃ។<br /> បច្ចុប្បន្ន ស្ដ្រីនេះ មានអាយុ ៤៥ឆ្នាំ កំពុងរស់នៅដោយការឈឺចាប់បំផុត ជាមួយនឹងមនុស្សនៅ<br />ក្នុងភូមិ។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda7-07-08-2014--10-24-49.jpg"><img src="/FileManager/Articles/mce/2014/8/7/balguda7-07-08-2014--10-24-49.jpg" alt="" /></a></p>
<p>ក្នុងកុលសម្ព័ន្ធ Omo Valley នៅពេលស្ដ្រីម្នាក់ចាប់មានផ្ទៃពោះ នោះ វាសនារបស់ទារកនឹងត្រូវ<br />បានគេប្រកាស។ មេកុលសម្ព័ន្ធ ឬបុរសដែលមានវ័យចាស់ជាងគេក្នុងភូមិ នឹងជាអ្នកប្រកាស<br />អំពីបញ្ហានេះ។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda10-07-08-2014--10-25-26.jpg"><img src="/FileManager/Articles/mce/2014/8/7/balguda10-07-08-2014--10-25-26.jpg" alt="" width="464" height="313" /></a></p>
<p style="text-align: center;">មេកុលសម្ព័ន្ធ ដែលធ្លាប់បញ្ជាឱ្យមានការកាត់ទោសប្រហារជីវិតក្មេង ដែលត្រូវគេចាត់ទុកថា ចង្រៃ</p>
<p><br />បើទោះជាស្រឡាញ់កូន ប៉ុន្ដែ ស្ដ្រីនៃកុលសម្ព័ន្ធ Karo នៅ Omo Valley តែងតែខ្លាចភាពចង្រៃ <br />ដែលកើតឡើងដោយសារកូន និងខ្លាចត្រូវគេដេញចេញពីកុលសម្ព័ន្ធ ដូច្នេះ ពួកគេមានតែធ្វើ<br />តាម “ច្បាប់” របស់មេកុលសម្ព័ន្ធ។ កត្តាដែលត្រូវបានគេចាត់ទុកថា ជាមនុស្សដែលនាំមកនូវ<br />ភាពចម្រៃ គឺរួមមាន កូនភ្លោះ ក្មេងដែលដុះធ្មេញលើមុន ធ្មេញក្រោម។ល។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda5-07-08-2014--10-29-03.jpg"><img src="/FileManager/Articles/mce/2014/8/7/balguda5-07-08-2014--10-29-03.jpg" alt="" /></a></p>
<p>មេកុលសម្ព័ន្ធអះអាងថា ក្មេងដែលត្រូវបណ្ដាសា នឹងធ្វើឱ្យកុលសម្ព័ន្ធត្រូវរងគ្រោះធំ ដូច្នេះ ត្រូវ<br />តែសម្លាប់ពួកគេឱ្យអស់ មុនពេលបញ្ហាធំកើតឡើង។ ជារៀងរាល់ឆ្នាំ មានកុមារប្រហែល ៣០០<br />នាក់ នៅ Ethiopia ត្រូវបានគេកាត់ទោសបែបនេះ។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda9-07-08-2014--10-29-55.jpg"><img src="/FileManager/Articles/mce/2014/8/7/balguda9-07-08-2014--10-29-55.jpg" alt="" width="425" height="375" /></a></p>
<p>រដ្ឋាភិបាល Ethiopia បានប្រឹងប្រែងរារាំង និងហាមឃាត់អបិយជំនឿនេះ ប៉ុន្ដែ ជារៀងរាល់ថ្ងៃ<br /> នៅតែមានទារកជាច្រើន ត្រូវបានបោះឱ្យក្រពើស៊ី ឬបោះឱ្យសត្វព្រៃធ្វើជាអាហារ ឬក៏បង្អត់<br />អាហារ រហូតដល់ស្លាប់។ អបិយជំនឿបែបនេះ ពេលខ្លះ ជនរងគ្រោះអាចពីការស្លាប់ ប្រសិនទៅ<br />ប្ដឹងដល់សមត្ថកិច្ចទាន់ពេល។</p>
<p style="text-align: center;"><a class="thickbox" title="" href="/FileManager/Commons/2014/8/7/balguda11-07-08-2014--10-27-10.jpg"><img src="/FileManager/Articles/mce/2014/8/7/balguda11-07-08-2014--10-27-10.jpg" alt="" /></a></p>
<p style="text-align: center;">ការអបរំ គឺជាវិធីមួយ ដើម្បីឱ្យមានការកែប្រែ</p>
<p><br />ជាចុងក្រោយ ក្នុងឆ្នាំ ២០១២ កុលសម្ព័ន្ធ Karo ក៏បានយល់ព្រមបោះបង់អបិយជំនឿដ៏អាក្រក់<br />នេះ ដោយសារកិច្ចប្រឹងប្រែងរបស់ Lale Labuko និង John Rowe ជាស្ថាបនិកនៃអង្គការមនុស្ស<br />ធម៌ Omo Child ។ ក្នុងចំណោមដំណោះស្រាយ និងការបញ្ចុះបញ្ចូល អង្គការមនុស្សធម៌ Omo <br />Child ក៏ស្នើឱ្យគូស្វាមីភរិយា យកកូនទៅឱ្យអ្នកដទៃចិញ្ចឹម ជាជាងសម្លាប់ពួកគេ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail<br /><br /></p>