<p><span style="color: #000000;"><strong>ភ្នំពេញ ៖</strong> មានមិត្ដអ្នកអាន របស់គេហ ទំព័រមជ្ឈមណ្ឌល ព័ត៌មានដើមអម្ពីល បាន ផ្ញើរូបថតមួយសន្លឹក និងប្រាប់ ពីខ្លឹមសារការ ដែលរូបគាត់បានឃើញ ម្ចាស់រថយន្ដលុច្សស៊ីស ៥៧០ ពណ៌ខ្មៅ ពាក់ស្លាកលេខ ភ្នំពេញ 2Y-5455 យក មេដាយជាតិតូបការ ដែល ព្រះមហាក្សត្រប្រទានជូនទៅបិទគូទរថយន្ដរបស់ខ្លួន ទំនងជាចង់បង្ហាញ ទៅកាន់ ប្រជាពលរដ្ឋ ដទៃទៀតឃើញថា រូបគេ គឺជាអ្នកជួយកសាងជាតិ ទើបទទួល បានមេដាយខ្ពស់ផុតលេខមួយនេះ ។</span></p>
<p><span style="color: #000000;">បើតាមមិត្ដអ្នកអានដដែល ការដែលគាត់ប្រទះ ឃើញម្ចាស់រថយន្ដខាងលើ យកមេដាយជាតិតូបការ ទៅបិទគូទ រថយន្ដរបស់ខ្លួនយ៉ាងដូច្នេះ ខណៈដែលលោកធ្វើដំណើរ ចេញពីចូលរួមពិធីមង្គល ការនៅ មជ្ឈមណ្ឌលកោះពេជ្រ កាលពីយប់ថ្ងៃទី០១ ខែធ្នូ ឆ្នាំ២០១៤ ម្សិលមិញ ។</span></p>
<p><span style="color: #000000;">មិត្ដអ្នកអានរូបនេះ បាននិយាយថា ពេលដែលកំពុងធ្វើដំណើរ ចេញពីកោះពេជ្រនោះ ស្រាប់តែមាន រថយន្ដលុច្សស៊ីស មួយគ្រឿងេ ស៊េរី៥៧០ ពណ៌ខ្មៅ ពាក់ស្លាកលេខ ភ្នំពេញ 2Y-5455 បើកនៅពី មុខរថយន្ដរបស់លោក ដោយឃើញ មេដាយជាតិតូបការ មួយគ្រឿង ត្រូវម្ចាស់រថយន្ដបិទ នៅគូទខាង ក្រោយ ។</span></p>
<p><span style="color: #000000;">ពេលដែលឃើញរូបភាពបែបនេះ មិត្ដអ្នកអានខាងលើ បានលើកឡើងថា ប្រហែលជាម្ចាស់ រថយន្ដ មានមេដាយ ច្រើនហើយ បានជាយកមេដាយ ដែលព្រះមហាក្សត្រប្រទានជូនទៅ បិទនិងគូទ រថយន្ដយ៉ាងដូច្នេះ ដែលធ្វើឱ្យមេដាយ អស់តម្លៃតែម្ដង ។</span></p>
<p><span style="color: #000000;">តាមមិត្ដអ្នកអានរូបនេះ មេដាយខាងលើ ជាមេដាយជាតិតូបការ គឺមេដាយផុតលេខសំដៅ ទៅលើ ឥស្សរជន ដែលខំបម្រើការងារ ជូនសង្គមជាតិ ក្នុងរយៈពេល២០ទៅ៣០ឆ្នាំ ទើបទទួលមេដាយ ប្រភេទនេះ ។</span></p>
<p><span style="color: #000000;">យ៉ាងណាក៏ដោយនេះ គ្រាន់តែជាការ ផ្ញើរូបថតនិងខ្លឹមសារមកជូនឱ្យការិយាល័យ មជ្ឈមណ្ឌលព័ត៌មាន ដើមអម្ពិល ផ្សាយ ហើយការពិតយ៉ាងណានោះ គឺយើងមិនអាចទាក់ទងទៅម្ចាស់រថយន្ដ ដែលមានស្លាក លេខ ដូចខាងលើ បាននោះឡើយថា តើវត្ថុនោះជាមេដាយជាតិតូបការ ពិតប្រាកដឬក៏ជាការបិទ តែមរថយន្ដគ្រាន់លំអតែប៉ុណ្ណោះ ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/2/ch-00025-02-12-2014--15-15-03.jpg"><img src="/FileManager/Articles/mce/2014/12/2/ch-00025-02-12-2014--15-15-03.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>