<p><strong>ភ្នំពេញ៖</strong> ទីបំផុតសេចក្ដីទុក្ខសោក បានធ្លាក់មកលើ នាយ ទុយ និងក្រុមគ្រួសារ ជៀសមិនរួចមែន ដោយសារតែម្ដាយរបស់លោក ដែលបានធ្លាក់ខ្លួនឈឺ រាំរ៉ៃជាច្រើនឆ្នាំមកនោះ បានទទួលមរណៈ ភាពហើយ កាលពីវេលាម៉ោងជាង៥ ទៀបភ្លឺ ថ្ងៃទី២៥ ខែធ្នូ ឆ្នាំ២០១៣នេះ ។ ការទទួលមណៈ ភាពនេះ គឺបន្ទាប់ពី នាយទុយ បានបញ្ជូនម្ដាយទៅសង្គ្រោះបន្ទាន់ ជាថ្មីម្ដងទៀត នៅក្នុងមន្ទីរពេទ្យ មួយក្នុងរាជធានីភ្នំពេញ អស់រយៈពេល២-៣ថ្ងៃមកហើយ តែស្ថានភាពជំងឺ មិនស្រាកស្រាន្តឡើយ រហូតបានស្លាប់បាត់បង់ជីវិត វេលាទៀបភ្លឺនេះតែម្ដង។</p>
<p>គ្រាន់តែម្ដាយបានទទួលមរណៈភាពភ្លាម នាយ ទុយ បានបង្ហោះក្ដីទុក្ខសោកនេះ ក្នុងគេហទំព័រ ហ្វេសប៊ុករបស់លោក ប្រកាសប្រាប់មិត្តភក្តិទាំងអស់ ឲ្យបានជ្រាបជាព័ត៌មាន ពោលគឺនាយ ទុយ បានសរសេរយ៉ាងខ្លីថា "ម្ដាយខ្ញុំបានស្លាប់ហើយ"។ ពេលនោះ លោក ឡាយ អ៊ិន ដែលជាមិត្តភក្តិជិត ស្និទ្ធ បានជួយចូលរួមរំលែកទុក្ខសោកនេះភ្លាមៗ និងបញ្ជាក់បន្ថែម លើដំណឹងនេះ ថា " ពេលនេះ ម៉ោង៥ និង ៤៥ នាទី នៅវត្តសន្សំកុសល ចូលរួមបុណ្យសព ម្ដាយនាយ ទុយ" ។</p>
<p>បន្ទាប់ពីមានការចែករំលែក ព័ត៌មានពីមរណៈភាពនេះ ពីសំណាក់លោក ឡាយ អ៊ិន រួចហើយ ត្រូវ បានមិត្តភក្តិ ជាអ្នកសិល្បៈ ចូលរូមរំលែកទុក្ខជាបន្តបន្ទាប់ ។ ម្ដាយ នាយ ទុយ ត្រូវបានគេស្គាល់ ឈ្មោះថា នៅ សុភី បានធ្លាក់ខ្លួនឈឺ អស់រយៈពេលជិត២ឆ្នាំមកហើយ និងធ្លាប់បញ្ជូន ទៅព្យាបាល នៅក្នុងប្រទេសវៀតណាម ម្ដងរួចមកហើយ ប៉ុន្តែមិនទទួលបានលទ្ធផលល្អទេ ក្រុមគ្រួសារក៏បាន បញ្ជូនមកព្យាបាល នៅស្រុកខ្មែរវិញ ព្រោះមិនអាចទប់ទល់រាល់ការចំណាយបាន ខណៈដែល នាយ ទុយ ក៏ត្រូវបាត់បង់ការងារ នៅ CTN មួយរយៈផងដែរ។</p>
<p>ពេលនោះ នាយទុយ ហាក់បង្ហាញពីភាពពិបាកចិត្តយ៉ាងខ្លាំង ស្ទើរនិយាយលែងចេញ នៅពេល ដែលម្ដាយជាទីស្រឡាញ់ក៏ធ្លាក់ឈឺ ឯការងារក៏ត្រូវបាត់បង់ ប៉ុន្តែជាសំណាងមួយ នាយ ទុយ ត្រូវ បានគេអញ្ជើញឲ្យទៅសម្ដែង នៅអាមេរិក រយៈពេល៣ខែ ជាមួយនឹងតារាចម្រៀង ស៊ឹម ថៃណា និងតារាចម្រៀងផ្សេងទៀត ទើបលោក មានក្ដីសង្ឃឹមឡើងវិញបន្តិច ក្នុងការរកលុយជួយព្យាបាល ជំងឺម្ដាយ ហើយពេលត្រឡប់មកពីអាមេរិក ក៏មានការងារធ្វើនៅCTN ឡើងវិញដែរ។</p>
<p>ប៉ុន្តែទោះបីជាយ៉ាងណា មច្ចុរាជ ពិតជាគ្មានក្ដីមេត្តា បានមកផ្ដាច់សង្ខា ម្ដាយ នាយ ទុយ កាលពី វេលាម៉ោងជាង៥ ទៀបភ្លឺ ថ្ងៃទី២៥ ខែធ្នូ ឆ្នាំ២០១៣នេះ ដោយសាររោគាពាធ ពោលគឺរោគរលាក ខួរក្បាលធ្ងន់ធ្ងរពេក ។ គេហទំព័រ LookingTODAY សូមចូលរួមរំលែកទុក្ខ ដ៏ក្រៀមក្រំនេះ ជាមួយ នាយ ទុយ ក៏ដូចជាក្រុមគ្រួសារ និង សូមឲ្យដួងវិញ្ញាណក្ខន្ធ អ្នកម្ដាយរបស់លោក បានទៅកាន់ ត្រើយក្ដីសុខ និងសុគតិភព កុំបីឃ្លៀងឃ្លាតឡើយ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0343.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0344.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0345.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0346.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0341.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0342.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25940-2013-12-25-02-57-25.html"><span style="color: #0000ff;">ដើមអំពិល</span></a></p>