<p><strong>ភ្នំពេញ៖</strong> តារាចម្រៀងរបស់ ក្រសួងទេសចរណ៍ ស៊ុន ស្រីពេជ្រ ពេលនេះនាងកំពុង ស្នាក់នៅលើ<br />ទឹកដីសម្បូរដុល្លារ យ៉ាងមានក្ដីសុខបំផុត ដោយសារតែទទួលបាន ការស្វាគមន៍យ៉ាងកក់ក្ដៅ ពី<br />សំណាក់បងប្អូនប្រជាជនខ្មែរ ដែលរស់នៅសហរដ្ឋអាមេរិច ដែលតែងតែគាំទ្រនាង ។</p>
<p>ប្រភពពបានខ្សឹបប្រាប់ LookingToday ថា ស៊ុន ស្រីពេជ្រ កំពុងតែសប្បាយនឹងកើប ប្រាក់យ៉ាង<br />ក្រាស់ក្រែល រាល់ការសម្ដែងនាង មនុស្សមើលណែនៗ។ ប្រភពដដែលបានបន្តទៀតថា នាងជា<br />តារាដែលគួរអោយ ស្រលាញ់ចូលចិត្តណាស់ នាងមានចារិតសុភាពរាបសារ ស្លៀកពាក់ថ្លៃថ្នូរ<br /> និយាយដឹងខុសត្រូវ ហើយ នាងត្រូវបានបងប្អូនខ្មែរនៅអាមេរិក ដណ្ដើមគ្នាអញ្ជើញ នាងទៅលេង<br />ផ្ទះរបស់ពួកគេ និងមានកន្លង់ជាច្រើន បានក្រវែលចង់សុំបេះដូង ក្រមុំដែលមានដើមកំណើត នៅ<br />ខេត្តបាត់ដំបងរូបនេះផងដែរ តែនាងហាក់ព្រងើយកន្តើយ មិនខ្វល់ខ្វាយនឹងកន្លង់សម្បូរដុល្លារ <br />អស់ទាំងនោះទេ។</p>
<p>ប្រភពបង្ហើបទៀតថា នៅទីនោះស្រីពេជ្រ មានចរិកនឹងធឹងណាស់ មិនអាចទាក់ទង បានងាយៗទេ<br /> សមជាសុភាពនារីមែន មានតារាសិល្ប:ខ្មែរច្រើនណាស់ ដែរពិបាកទ្រាំណាស់ នៅពេលគេយកដុំ<br />ដុល្លារមកទាក់ តែស្រីពេជ្រ នៅតែធម្មតា បើទោះបីនាងជំពាក់ធនាគារខ្ទង់ម៉ឺនដុល្លារ ដោយសារសង់<br />ផ្ទះ ក៏នាងមិនត្រូវការប្រាក់បាន ដោយលក់កត្តិយសខ្លួនដែរ។ នាងទទួលបានការកោតសរសើរ មិន<br />តិចទេ នៅពេលនាងមានជំហរ រឹងមាំបែបនេះ ។</p>
<p>ស្រីស្រស់ ស៊ុន ស្រីពេជ្រ បានរៀបប្រាប់ LookingTODAY តាមទូរស័ព្ទពីសហរដ្ឋអាមេរិកមកថានាង<br />មានអារម្មណ៍កក់ក្ដៅបំផុតនៅពេលទទួលបានការស្រលាញ់ រាប់អានច្រើនពីសំណាក់ បងប្អូនខ្មែរ<br />យើងដែលរស់នៅទីនោះ។ នាងមិននឹកស្មានថាពួកគាត់មានសន្ដាន ចិត្តល្អម្លឹងៗទេ។</p>
<p>ស្រីពេជ្រ បន្តថា បងប្អូននៅទីនោះតែងអញ្ជើញ នាងទៅលេងផ្ទះពួកគេ។ នាងញុំាមិនសូវបានទេ<br />នៅទីនោះ ឥឡូវនាងស្រកទំងន់ អស់បីគីឡូឯណោះ ដោយសារហត់ពេក តែយ៉ាងណានាងនៅតែ<br />សប្បាយចិត្ត។ ចំនែកឯរឿងគេសុំស្រលាញ់នាង ប្រាបប់បែបអឹមអៀនថា នាងទទួលស្គាល់ថា មាន<br />គេសុំស្រលាញ់ច្រើនដែរ តែនាងមិនទាន់គិតដល់ទេ។ ម្យ៉ាងមិនបានសិក្សា យល់ចិត្តគ្នាផង អោយ<br />ស្រលាញ់ម៉េចកើតទៅ និងម្យ៉ាងនាងបេះដូងត្រូវឱពុកម្ដាយ ជួយមើលថែរដែរ មិនអាចសម្រេចតែ<br />ឯងបានទេ។</p>
<p>ស្រីពេជ្រ ឲ្យដឹងទៀតថា ចំពោះការសម្ដែងនាងទទួល បានជោគជ័យច្រើន តែប្រាក់ចំនូលប្រហាក់<br />ប្រហែល នឹងប្រាក់ចំនូលក្នុងស្រុកដែរ។ បទចម្រៀងទេសចរណ៍ជា ច្រើនបទត្រូវបានសំណូមពរ<br />អោយ ពីរ បីដងក្នុងមួយយប់ពិសេសបទ សម្រស់តាតៃ។ យ៉ាងណានៅទីនោះនាងមានបញ្ហាសុខ<br />ភាពតិចតួច ដោយសារចាញ់អាកាសធាតុ។ កញ្ញា ស្រីពេជ្រ បញ្ជាក់ថា នាងនឹងត្រឡប់មកស្រុក<br />ខ្មែរវិញ នៅចុងខែមេសា ខាងមុខនេះ ដើម្បីមកបំពេញកាងារក្នុងស្រុកវិញ ពិសេសកាងាររបស់<br /> ក្រសួងទេសចរណ៍។</p>
<p>តារាចម្រៀងស្រីរូបនេះ មិនសូវជាខ្វាយខ្វល់ប៉ុន្មានទេ បើទោះជានាងបានខកខាន កាងារក្នុងស្រុក<br />ធំដល់ទៅពីរ គឺខកខានការថតបទចម្រៀងចូលឆ្នាំ និងការប្រគំតន្ត្រីដ៏ធំប្រចាំឆ្នាំរបស់ហង្សមាស <br />តែនាងបានថតចម្រៀង ជាច្រើនអោយក្រសួងទេសចរណ៍ ៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/March/id-017/chetha-61.jpg" alt="Photo by LookingTODAy" width="400" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/March/id-017/chetha-62.jpg" alt="Photo by LookingTODAy" width="400" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/March/id-017/chetha-63.jpg" alt="Photo by LookingTODAy" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>