<div class="article-content">
<p><strong>ភ្នំពេញ ៖</strong> ស្រ្តីម្នាក់ដេកស្លាប់ ក្នុងផ្ទះតែម្នាក់ឯង រហូតដល់ ធុំក្លិនស្អុយភាយចេញក្រៅ បង្កឲ្យ<br />មានការ ភ្ញាក់ផ្អើលដល់អ្នកស្រុក និងអាជីវករ ផ្សារព្រែកឯង ព្រមទាំង សមត្ថកិច្ច មូលដ្ឋាន ចុះ<br />ទៅពិនិត្យ នារសៀលថ្ងៃ ទី៣០ ខែសីហា ឆ្នាំ២០១៣ ស្ថិតនៅតាម បណ្តោយផ្លូវជាតិលេខ១ ផ្ទះ<br />លេខ៨៦អា ភូមិព្រែកជាងព្រំ សង្កាត់ វាលស្បូវ ខណ្ឌមានជ័យ ។</p>
<p id=":yq">លោកអនុសេនីយ៍ទោ នៅ តារា នាយនគរបាលប៉ុស្តិ៍វាលស្បូវ បានឲ្យដឹងថា ស្រ្តីរងគ្រោះនេះ <br />ឈ្មោះ អ៊ីម ស៊ីណា អាយុ៣២ឆ្នាំ នៅលីវ មានមុខរបរ លក់គ្រឿង សំណង់ នៅផ្ទះកើតហេតុ ។</p>
<p>បើតាមការឲ្យដឹងរបស់ស្រ្តី ឈ្មោះ អ៊ីម ស៊ីនួន ដែលអះ អាងថាជាបងស្រីរបស់ជនរងគ្រោះ បាន<br />និយាយថា ប្អូនស្រីរបស់គាត់ស្នាក់នៅ ផ្ទះនេះតែម្នាក់ឯង ដោយប្រកបរបរលក់គ្រឿង សំណង់<br />នៅក្នុងផ្ទះកើតហេតុ ។ ស្រ្តី ស៊ីនួន បន្តថា ជារៀងរាល់ថ្ងៃ គាត់តែងទូរស័ព្ទ ទាក់ទងសួរសុខទុក្ខ<br />ជា ធម្មតា ប៉ុន្តែនៅថ្ងៃទី២៩ ខែសីហា ឆ្នាំ២០១៣ គាត់បានទូរស័ព្ទចូលទៅលេខប្អូនស្រីដូចរាល់<br />ដង ប៉ុន្តែទូរស័ព្ទរោទ៍ មិនមានអ្នកលើក។</p>
<p>នៅព្រឹកថ្ងៃទី៣០ ខែសីហា ដោយមានការសង្ស័យ ទៅលើប្អូនស្រីដែល មានជំងឺបេះដូងជាប្រចាំ<br />ផង នោះ បងស្រី អ៊ីម ស៊ីនួន បានទូរស័ព្ទចូលទៅលេខប្អូនស្រីម្តងទៀត តែពេលដែលទូរស័ព្ទ <br />អត់ចូលទំនងជាអស់ថ្ម ។</p>
<p>បងស្រី អ៊ីម ស៊ីនួន បានបន្ត ទៀតថា លុះដល់ម៉ោង២ រសៀល ថ្ងៃទី៣០ ខែសីហា មានប្រជា<br />ពលរដ្ឋ នៅជាប់ ផ្ទះជនរងគ្រោះមានធុំ ក្លិនស្អុយភាយចេញពីក្នុងផ្ទះ ក៏បានផ្តល់ដំណឹងដល់<br />សាច់ ញាតិមកដល់គាត់ ។ ភ្លាមៗ បងស្រី ស៊ីនួន បានប្តឹងទៅ សមត្ថកិច្ចមូលដ្ឋាន ហើយសមត្ថ<br />កិច្ច ក៏សម្រេចគាត់ទ្វារផ្ទះរបស់ជនរងគ្រោះ ។ ពេល គាស់ទ្វារបន្ទប់ចូលទៅឃើញស្ត្រីរងគ្រោះ<br />ដេក ស្លាប់រហូតដល់ស្អុយរលួយទៅហើយ។</p>
<p>សមត្ថកិច្ចជំនាញ បានចុះពិនិត្យ និងធ្វើកោសល្យវិច័យ និងបានសន្និដ្ឋានថា ជនរងគ្រោះស្លាប់<br />ដោយជំងឺគាំង បេះដូង។ ក្រោយពិនិត្យ រួចសមត្ថកិច្ចបានប្រគល់សព ជូនទៅសាច់ញាតិ ធ្វើ<br />បុណ្យ តាមប្រពៃណី ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-067/CH-0562.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0561.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0563.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-067/CH-0564.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>