<p>ជាលើកដំបូង ក្រុមអ្នកស្រាវជ្រាវបានរកឃើញមូលហេតុដែលធ្វើឱ្យស្នេហាអាចមានឥទ្ធិពលបណ្ដាលឱ្យមនុស្សយើងមោហ៍បាំង ត្រៀមខ្លួនធ្វើអ្វីគ្រប់យ៉ាង សូម្បីតែពេល “ដឹងខ្លួន” ក៏យល់ថា ជារឿងឆ្កួតៗ មិនសមហេតុផល។</p>
<p style="text-align: center;"><a class="thickbox" title="" href="/FileManager/Commons/2013/11/1/article-2230969-099ebb49000005dc-232468x351-01-11-2013--16-04-54.jpg"><img src="/FileManager/Articles/mce/2013/11/1/article-2230969-099ebb49000005dc-232468x351-01-11-2013--16-04-54.jpg" alt="" /></a></p>
<p>បច្ចេកវិទ្យាស្កែនជីវិតសាស្ដ្រ បានបង្ហើបឱ្យក្រុមអ្នកឯកទេសផ្នែកសរសៃប្រសាទ យល់ដឹងនូវបណ្ដារូបភាពដ៏ចម្លែក ស្ដីអំពីអ្វីដែលបានកើតឡើងក្នុងខួរក្បាលរបស់មនុស្សដែល “ត្រូវស្នេហ៍។</p>
<p>ក្រុមអ្នកវិទ្យាសាស្ដ្របានបង្កើតផែនទីបង្ហាញអំពីការផ្លាស់ប្ដូរក្នុងខួរក្បាល ទន្ទឹមនឹងនេះ ក៏បានរកឃើញផ្នែកមួយចំនួនរបស់ខួរក្បាលដែលត្រូវទទួលឥទ្ធិពល ក៏ដូចជាផ្នែកដែលផ្អាកសកម្មភាពក្នុងអំឡុងពេលមានស្នេហា។<br /><br />នៅពេលមានស្នេហា តំបន់គ្រប់គ្រងភាពភ័យខ្លាច អារម្មណ៍អវិជ្ជមាន ឬការវិនិច្ឆ័យ ក្នុងខួរក្បាលរបស់មនុស្សដែលធ្លាក់ក្នុងអន្លង់ស្នេហ៍ ត្រូវផ្អាកសកម្មភាព។</p>
<p style="text-align: center;"><a class="thickbox" title="" href="/FileManager/Commons/2013/11/1/article-2230969-02379e12000004b0-559468x356-01-11-2013--16-05-32.jpg"><img src="/FileManager/Articles/mce/2013/11/1/article-2230969-02379e12000004b0-559468x356-01-11-2013--16-05-32.jpg" alt="" /></a></p>
<p>ក្រៅពីអារម្មណ៍សុភមង្គល ស្នេហាក៏បណ្ដាលឱ្យមនុស្សក្លាយជាព្រួយបារម្ភ និងទន់ជ្រាយ។ នោះគឺដោយសារតែសារធាតុគីមី dopamine ក្នុងខួរក្បាលរបស់មនុស្សកំពុងមានស្នេហា មានចំនួនច្រើនជាង មនុស្សនៅទំនេរ។</p>
<p>សារធាតុគីមី dopamine មានតួនាទីសំខាន់ចំពោះបទពិសោធរបស់មនុស្ស ទៅលើភាពសប្បាយរីករាយ ទុក្ខសោក ទាក់ទិននឹងមហិច្ឆតា ភាពញៀន និងវេទនារម្មណ៍។ ការកើនឡើងនៃធាតុគីមី dopamine នេះ អាចនាំឱ្យមានអារម្មណ៍ថាទទួលបានរង្វាន់ បណ្ដាលឱ្យមនុស្ស ពិបាកនឹងបោះបង់ស្នេហា។<br /><br />ស្នេហា ដូចទៅនឹងវត្ថុធាតុធ្វើឱ្យញៀន បណ្ដាលឱ្យមនុស្សធ្វើអ្វីៗដើម្បីយកបានវា។ Hormone នេះ ក៏បណ្ដាលឱ្យបេះដូងរបស់យើង លោតដុកដាក់ៗ ក្នុងទ្រូង ហើយបាតដៃ បាតជើង ចេញញើសច្រើន ចំណែកមាត់ប្រែជាស្ងួត ល្វីង នៅពេលឃើញ ឬនៅក្បែរមនុស្សដែលខ្លួនស្រមៃនឹក។</p>
<p style="text-align: center;"><a class="thickbox" title="" href="/FileManager/Commons/2013/11/1/dggg-01-11-2013--16-06-06.jpg"><img src="/FileManager/Articles/mce/2013/11/1/dggg-01-11-2013--16-06-06.jpg" alt="" /></a></p>
<p>ក្រុមអ្នកចិត្តសាស្ដ្រ នៅតែបន្ដប្រឹងប្រែងដើម្បីស្វែងយល់អំពីមូលហេតុដែលនាំឱ្យអ្នកខ្លះ មោហ៍បាំងរហូតដល់បង្កគ្រោះថ្នាក់ និងហ៊ានធ្វើរឿងអ្វីៗ សម្រាប់ស្នេហា។ បណ្ដាមនុស្សដែលងាយនឹងធ្លាក់ក្នុងរណ្ដៅស្នេហា ភាគច្រើនគឺមនុស្សដែលសម្បូរមនោសញ្ចេតនា និងពូកែស្រមើស្រមៃ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/27165/how-to-be-alive-after-car-fell-into-deep-water"><span style="color: #3366ff;">វិធីសង្គ្រោះជីវិតបន្ទាន់ នៅពេលជួបគ្រោះថ្នាក់ រថយន្ដធ្លាក់ចូលទឹកជ្រៅ</span></a></span></p>
<p><span style="color: #3366ff;"><a href="/News/Detail/26483/why-humans-are-so-superstitious"><span style="color: #3366ff;">ហេតុអ្វី មនុស្សមានអបិយជំនឿ ?</span></a></span></p>
<p><span style="color: #3366ff;"><a href="/News/Detail/19306/10-largest-banks-in-the-world"><span style="color: #3366ff;">ធនាគារ ដែលធំជាងគេទាំង ១០ លើពិភពលោក</span></a></span></p>
<p style="text-align: right;"><br /> <br /> <br /><br />ប្រែសម្រួលដោយ ៖ តារា<br />ប្រភព ៖ Dailymail</p>