<p><span style="color: #000000;">ភ្នំពេញ៖ ថ្មីៗនេះ ប្រភពពីអ្នកសិល្បៈ ដ៏គួរឲ្យទុកចិត្តមួយ បានលួចបង្ហើបឲ្យដឹងថា ក្រុមតារាសម្ដែង មានទាំងតួឯក តួរង និងអ្នកបច្ចេកទេស កាត់ត ថត ក្នុងរឿង«មាសសុទ្ធ» ដែលបានបញ្ចាំងចប់ ក្នុងស្ថានីយទូរទស្សន៍ CTN ហើយត្រូវបានកាត់ត ចេញជារឿងដុំ មានចំណងជើងថា«ភ្លើង» បញ្ចាំងក្នុងរោងភាពយន្ត លុច្ស នាពេលកន្លងមក គឺរហូតមកដល់ពេលនេះ ទាំងក្រុមតារាសម្ដែង ទាំងក្រុមបច្ចេកទេស មិនទាន់ទទួលប្រាក់កម្លាំងពលកម្ម ពោលគឺប្រាក់ថ្លៃថត ពីអ្នកដឹកនាំសម្ដែង ដែលបានហៅតួទាំងនោះ ទៅថតឡើយ ។</span></p>
<p><span style="color: #000000;">ប្រភពដដែល បានអះអាង ទៀតថា ខ្សែភាពយន្តភាគ រឿង« មាសសុទ្ធ» បានចាក់បញ្ចាំងចប់ថ្មីៗនេះ ក្នុងស្ថានីយទូរទស្សន៍ CTN ដែលមានតារាសម្ដែង លោក ប៉ែន ចិន្ដា ជាតួឯកប្រុស និងកញ្ញា ដួង ស្រីពេជ្រ ជាតួឯកស្រី ។ ក្នុងនោះមានតួអង្គសំខាន់ៗ ជាច្រើនទៀត មានដូចជា លោក ទេព រិនដារ៉ូ អ្នកនាង ចន ច័ន្ទលក្ខិណា លោក សាវិន ហ្វីលីព និងតួអង្គជាច្រើនទៀត មិនទាន់ទទួលបានប្រាក់មួយកាក់មួយសេន ពីអ្នកដឹកនាំសម្ដែងឡើយ ។ លើសពីនេះ ខណៈដែលរឿងតែមួយ បានបំបែបចេញជាពីរ( រឿងមាសសុទ្ធ និងរឿងភ្លើង ) បញ្ចាំងចប់រួចរាល់អស់ហើយ សូម្បីតែអ្នកបច្ចេកទេសថត អ្នកកាត់ត ក៏មិនទាន់បានទទួលប្រាក់ឈ្នួល ពីរឿងនេះដែរ ហើយកំពុងតែល្បីសុះសាយពេញពិភពសិល្បៈតែម្ដង ។</span></p>
<p><span style="color: #000000;">ប្រភពព័ត៌មានធ្លាយចេញ បានឲ្យដឹងទៀតថា រឿង «មាសសុទ្ធ» និងរឿង«ភ្លើង» ជាវណ្ណកម្មរបស់ផលិតកម្មរ៉ក់ ដែលមានលោក យឹម សុសត្យា ហៅ លីម៉េង ជាអ្នកគ្រប់គ្រង ក្នុងការផលិត និងមានលោក ផាត់ យុទ្ធ ដែលជាសាច់ញាតិរបស់លោក យឹម សុសត្យា ជាអ្នកដឹកនាំសម្ដែង និងហៅតួមកថត ក្នុងរឿងនេះ ។ ដោយឡែក អ្នកកាន់កាមេរ៉ាថត គឺមានលោក សន វិចិត្រ ។</span></p>
<p><span style="color: #000000;">ប្រភពដដែលបានបន្តថា តារាសម្ដែងទាំងនោះ មានទាំងតួឯក តួរង និងអ្នកបច្ចេកទេស បានរអ៊ូរទាំគ្រប់ៗគ្នា ចំពោះការយឺតយ៉ាវ ក្នុងការឲ្យប្រាក់កម្លាំងថតដល់ពួកគេ ប៉ុន្តែពួកគេហាក់មិនហ៊ាន បញ្ចេញឲ្យខ្ចខ្ចាយខ្លាំងនោះទេ ដោយយល់ថា ជាអ្នករស់នៅក្នុងដំបូលសិល្បៈតែមួយ ទុកមុខរាប់អានគ្នា ។ យ៉ាងណាមិញ ប្រភពបានខ្សឹបប្រាប់ទៀតថា លុយដែលផលិតកម្មរ៉ក់ បានបោះទុនផលិតរឿងខាងលើនេះ គឺត្រូវគេដឹងថា បានប្រគល់ឲ្យមកដល់ដៃ អ្នកដឹកនាំសម្ដែងរួចរាល់អស់ហើយ ប៉ុន្តែគេមិនដឹងទេថា ហេតុអ្វីអ្នកដឹកនាំសម្ដែង( លោក ផាត់ យុទ្ធ) មិនព្រមប្រគល់លុយនោះឲ្យទៅតារាសម្ដែង និងអ្នកបច្ចេកទេសនោះទេ ហើយពេលតារាសម្ដែងជួបមុខ ឬសួរនាំរឿងនេះ គឺបានត្រឹមតែញញឹម និងនិយាយថា ចាំថ្ងៃនេះ ចាំថ្ងៃនោះ ប៉ុណ្ណោះ។</span></p>
<p><span style="color: #000000;">ងាកមកប្រភពព័ត៌មាន ក្នុង Facebook វិញ មាន Account មួយឈ្មោះថា SoNso Man បានសរសេរក្នុង Facebook ខ្លួនថា« និយាយឲ្យចំ គឺរឿង"មាសសុទ្ធ" ចាប់ចេញថតតាំងពីថ្ងៃទី ០២ ខែកក្កដា ឆ្នាំ២០១៣ ម្ល៉េះ ហើយកាត់ជារឿងដុំ </span><br /><span style="color: #000000;"> "ភ្លើង" ដាក់បញ្ចាំងរោងកុន និងរឿងភាគដាក់បញ្ចាំង នៅប៉ុស្ដិ៍ CTN ទើបតែចប់ថ្មីៗនេះ អ្វីដែលឆ្ងល់នោះ គឺមកដល់ពេលនេះ ទាំងតួសម្ដែង ទាំងអ្នកបច្ចេកទេស មិនទាន់បានលុយផង ។ តើឲ្យភាពយន្តខ្មែរជឿនលឿន ម្ដេចនឹងកើត? បើអាជីពនេះ រស់ក្នុងភាព បោកឯលិចបោកឯកើត យ៉ាងនេះ? »។</span></p>
<p><span style="color: #000000;">ទោះបីជាយ៉ាងណា បន្ទាប់ពីមានប្រភពអះអាង យ៉ាងដូច្នេះក្ដី ប៉ុន្តែនៅពេលនេះ គេហទំព័រ LookingTODAY នៅមិនទាន់អាចស្វែងរកការបកស្រាយ ពីសំណាក់លោក យឹម សុសត្យា ជាអ្នកគ្រប់គ្រងផលិតកម្មរ៉ក់ និងលោក ផាត់ យុទ្ធ ជាអ្នកដឹកនាំសម្ដែង ឲ្យបំភ្លឺបានទេ នៅព្រឹកថ្ងៃនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2015/6/29/63-29-06-2015--17-04-39.jpg"><img src="/FileManager/Articles/mce/2015/6/29/63-29-06-2015--17-04-39.jpg" alt="" /></a></span></p>
<p><br /><a class="thickbox" title="" href="/FileManager/Commons/2015/6/29/64-29-06-2015--17-04-50.jpg"><img src="/FileManager/Articles/mce/2015/6/29/64-29-06-2015--17-04-50.jpg" alt="" /></a></p>
<p><br /><a class="thickbox" title="" href="/FileManager/Commons/2015/6/29/65-29-06-2015--17-04-58.jpg"><img src="/FileManager/Articles/mce/2015/6/29/65-29-06-2015--17-04-58.jpg" alt="" /></a></p>
<p><br /><a class="thickbox" title="" href="/FileManager/Commons/2015/6/29/66-29-06-2015--17-05-06.jpg"><img src="/FileManager/Articles/mce/2015/6/29/66-29-06-2015--17-05-06.jpg" alt="" /></a><a class="thickbox" title="" href="/FileManager/Commons/2015/6/29/65-29-06-2015--17-04-58.jpg"></a><a class="thickbox" title="" href="/FileManager/Commons/2015/6/29/64-29-06-2015--17-04-50.jpg"></a><span style="color: #000000;"><a class="thickbox" title="" href="/FileManager/Commons/2015/6/29/63-29-06-2015--17-04-39.jpg"></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ដើមអម្ពិល</span></p>