<p>ព័ត៌មានអន្តរជាតិ ៖ បើតាមការអះអាង អោយដឹង ពីអាជ្ញាធរ ផ្លូវការ ប្រចាំ រដ្ឋ Indiana សហរដ្ឋអាមេរិក អោយដឹងថាយ៉ាងហោចណាស់ មនុស្ស ៣ នាក់ បានស្លាប់បាត់បង់ជីវិត ក្រោយពីមានករណីគ្រោះថ្នាក់ ចរាចរណ៍ ដ៏គួរអោយរន្ធត់ ពោលគឺ រថយន្តដឹកទំនិញ ធន់ធំ បុកបន្តកន្ទុយគ្នា ដល់ទៅ ១៥ គ្រឿង នៅ តាមបណ្តោយផ្លូវហាយវេ Interstate 94 ក្នុងរដ្ឋមួយនេះ ផ្ទាល់តែម្តង ខណៈមានអាកាសធាតុត្រជាក់ ធ្លាក់ព្រិលខ្លាំង ។</p>
<p><a class="thickbox" title="" href="http://camnews.com.kh/FileManager/Commons/2014/1/24/three-dead-24-01-2014--11-07-59.jpg"><img src="http://camnews.com.kh/FileManager/Articles/mce/2014/1/24/three-dead-24-01-2014--11-07-59.jpg" alt="" width="476" height="270" /></a></p>
<p>គួរបញ្ជាក់ផងដែរថា ករណីគ្រោះថ្នាក់ ដ៏រន្ធត់មួយនេះ បានកើតឡើង កាលពីថ្ងៃព្រហស្បត្តិ៍ ម្សិលមិញ នេះ ។ យ៉ាងណាមិញ បើយោងតាមសម្តី លោក John Sullivan ជាមន្រ្តីប៉ូលីសផ្លូវការ ប្រចាំតំបន់បាន អះអាងអោយដឹងថា ភ្លាមៗនោះ អ្វីៗគ្រប់យ៉ាង ពិតជា រញ៉េរញ៉ៃ ជាខ្លាំង ។ ជាការពិត មិនត្រឹមតែមាន មនុស្ស ស្លាប់បាត់បង់ជីវិត តែប៉ុណ្ណោះទេ តែនៅក្នុងនោះ ក៏មានក្រុមមនុស្ស មានគ្នាដល់ទៅ ២៣ នាក់ ផ្សេងទៀត ទទួលរងរបួសផងដែរ ក្នុងនោះ ៣ នាក់ ទទួលរង របួសធ្ងន់ ខណៈពេលដែលពួកគេទាំង អស់គ្នា ត្រូវបានមន្រ្តីមាន សមត្តកិច្ច បញ្ជូនទៅសង្គ្រោះ នៅមន្ទីរពេទ្យ ក្នុងស្រុក មានទីតាំងក្បែរកន្លែង កើតហេតុ ជាទីបំផុត។</p>
<p>បន្ថែមពីលើនេះ ប្រភពសារព័ត៌មានដដែល បន្តអោយដឹងថា គេក៏ឃើញមានខ្សែអាថ៍វីដេអូចេញផ្សាយ អោយដឹងពី ទិដ្ឋភាពរួម គ្រោះថ្នាក់ នៅកណ្តាលផ្លូវ ពោរពេញទៅដោយព្រិលធ្លាក់ សក្បុស ខណៈមាន ការផ្តិតវីដេអូ ពីសំណាក់ ឧទ្ធម្ភាគចក្រ ពីខាងលើ។ គួររំឭកផងដែរថា ជាមួយនឹង អាកាសធាតុព្រិល ធ្លាក់ខ្លាំង បើតាមការអោយដឹង មានពេលខ្លះ ពេលដែលបានរថយន្តនោះ គេអាចសម្លឹងមើលឃើញរថ យន្តនៅពីរមុខ តែមួយទៅ ពីរគ្រឿងតែប៉ុណ្ណោះ ៕</p>
<p><object width="475" height="407" data="http://www.youtube.com/v/Re3V0YLYgMk&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Re3V0YLYgMk&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>