<div>រថក្រោះជាង១០០គ្រឿងត្រូវគេដឹកតាមកប៉ាល់មកដល់កំពង់ផែក្រុងព្រះ សីហនុ កាលពីម្សិល<br />មិញ ដែលមន្ត្រីយោធាកម្ពុជាអះអាងថា ជាតម្រូវការផ្នែកការពារជាតិ និងការហ្វឹកហ្វឺនផ្នែកកង<br />ទ័ព។</div>
<div><br />លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ បានអះអាងថា កម្ពុជានាំយក<br />ឧបករណ៍យោធាជា រថក្រោះ និងសម្ភារៈយោធា គឺដើម្បីប្រើប្រាស់ក្នុងការពង្រឹង សមត្ថភាព<br />កងទ័ពជាធម្មតា។ ទោះជាយ៉ាងនេះក្ដី លោកឧបនាយករដ្ឋមន្ត្រី ទៀ បាញ់ មិនបានប្រាប់ឈ្មោះ<br />ប្រទេស ចំនួន និងប្រភេទសម្ភារៈយោធាទាំងអស់នោះអោយពិតប្រាកដនោះទេ លោកគ្រាន់<br />តែថ្លែងថា រថក្រោះចំនួនពី១០០ ទៅ២០០គ្រឿងនេះ គឺនាំចូលពីអ៊ឺរ៉ុប។</div>
<div></div>
<div><a class="thickbox" title="" href="/FileManager/Commons/2012/11/2/tanks-and-apc-arriving-in-sihanoukville-on-30oct2012-ppp-02-11-2012--11-07-12.jpg"><img src="/FileManager/Articles/mce/2012/11/2/tanks-and-apc-arriving-in-sihanoukville-on-30oct2012-ppp-02-11-2012--11-07-12.jpg" alt="" width="486" height="364" /></a></div>
<div><br /> គួររំលឹកថា ប្រទេសកម្ពុជាធ្លាប់នាំចូលរថក្រោះ៩៦គ្រឿងម្តងកាលពីឆ្នាំ២០១០ នៅពេលកម្ពុជា<br />មានជម្លោះប្រដាប់អាវុធជាមួយប្រទេសថៃ ទាក់ទងនឹងបញ្ហាបូរណភាពទឹកដី ឬដីក្បែរប្រាសាទ<br />ព្រះវិហារ។<br /> </div>
<div>ប្រទេសកម្ពុជាដែលមានខ្ទង់ចំណាយខ្ពស់លើវិស័យការពារជាតិនិងសន្តិសុខ នោះ ត្រូវគេរាយ<br />ការណ៍មកថា បានចំណាយថវិកា៣៥០លានដុល្លារក្នុងចំណោមថវិកាជាតិ សរុបជាង២ពាន់លាន<br />ដុល្លារ កាលពីឆ្នាំ២០១២៕</div>
<div></div>
<div style="text-align: right;">ដោយ ៖ សីហា<br />ប្រភព ៖ VOA</div>