<p>ប្រហែលជា ដោយសារតែមានអារម្មណ៍ធុញថប់យ៉ាងខ្លាំង ដែលមួយថ្ងៃៗ នៅក្នុងក្រោល ដើរនៅជុំវិញ តែវាលស្មៅដដែលៗ មេគោមួយក្បាលរបស់លោក Dieter Mueller រស់នៅទីក្រុង Bern ប្រទេស អាឡឺម៉ង់ បានធ្វើដំណើរកំសាន្តមួយ ដ៏ឆ្ងាយ។ ជាក់ស្តែង មិនដឹងជាតាមរបៀបណានោះទេ បានជា វាវង្វេងឡើង លើដំបូលឃ្លាំង របស់គ្រួសារមួយ ហើយក៏ជាប់នៅលើទីនោះតែម្តង។</p>
<p>លោក Rolf Steiner អ្នកដែលបានឃើញផ្ទាល់ភ្នែក នូវហេតុការណ៍នេះបានឲ្យដឹងថា គាត់បានឃើញ មេគោដែលចូលចិត្តផ្សងព្រេងនេះ ឈរនៅលើដំបូលឃ្លាំងកសិដ្ឋានមួយ។ គ្រោះថ្នាក់ជាងនេះទៀត នោះ ដោយសារតែ ជម្រៀលនៃដំបូលឃ្លាំងនោះ រាងជ្រេខ្លាំង។ ដោយមិនជឿលើភ្នែករបស់ខ្លួន លោក Rolf បានញីភ្នែកសម្លឹងមើលដល់ទៅបីដង ទើបហ៊ានធ្វើការកំណត់បញ្ជាក់ នូវរឿងហេតុនេះ។</p>
<p style="text-align: center;"><a class="thickbox" title="" href="/FileManager/Commons/2014/6/18/1406171bo-442e7-18-06-2014--11-59-01.jpg"><img src="/FileManager/Articles/mce/2014/6/18/1406171bo-442e7-18-06-2014--11-59-01.jpg" alt="" /></a></p>
<p style="text-align: center;"><em><span style="color: #808080;">រូបភាពមេគោ វង្វេងឡើងលើដំបូលឃ្លាំង</span></em></p>
<p>តាមរយះលោក Rolf ដដែល បានបន្តឲ្យដឹងថា ទីបំផុតមេគោនោះ បានរកឃើញកន្លែងចុះមកក្រោម វិញដោយខ្លួនឯង ដើម្បីវិលត្រឡប់ទៅក្រោលវាវិញ និងក៏បានធ្វើឲ្យបែកក្បឿងដំបូលឃ្លាំង មួយចំនួន ផងដែរ។</p>
<p>បើយោងតាមការៀបរាប់របស់លោក Dieter ម្ចាស់មេគោរង្វេងផ្លូវនោះ បានឲ្យដឹងថា មេគោនេះ គឺជា មេគោមួយក្បាល ក្នុងចំណោមគោផ្សេងទៀត ដែលមានភាពចចេសរឹងក្បាលជាងគេបំផុត នៅក្នុង កសិដ្ឋានរបស់គាត់។ វាតែងតែចង់ធ្វើអ្វី ទៅតាមចិត្តចង់របស់វា ដោយមិនស្តាប់សំដីម្ចាស់ឡើយ។ ឲ្យតែវាចូលចិត្ត មេគោនេះត្រៀមខ្លួនជាស្រេច នឹងនៅលើដំបូលផ្ទះនោះជារៀងរហូត។ មុនពេលដែល លោក Rolf បានឃើញហេតុការណ៍នេះ លោក Dieter បានខិតខំល្បួង ដើម្បីបញ្ឆោតវាឲ្យចុះក្រោមដែរ តែវាមិនព្រមចុះមកសោះ៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ kenh14</p>