<p>កាលពីដើមខែឧសភា លោក J.K. Shin នាយកប្រតិតបត្តិរបស់ Samsung Mobile បានធ្វើការបដិសេធ នូវព័ត៌មានចចាមអារាមដែលថា Samsung នឹងធ្វើការបង្ហាញណែនាំ Galaxy Note 5 នៅដើមខែកក្កដា ខាងមុខនេះ។ ជាក់ស្តែង កាលពីពេលថ្មីៗនេះ ព័ត៌មានចចាមអារាមបានលេចចេញមកសារជាថ្មីឲ្យដឹង ថា Samsung នឹងធ្វើការបង្ហាញខ្លួន Galaxy Note 5 នៅក្នុងខែសីហា។</p>
<p><a href="http://www.camnews.com.kh/News/Detail/69385/samsung-official-launched-selfie-smartphone-with-led-flash-on-front-camera"><span style="color: #3366ff;"><em>អាន៖ Samsung បញ្ចេញស្មាតហ្វូនជំនាញ ថតរូប Selfie ជាមួយនឹងការបំពាក់កាមេរ៉ាមុខមាន អំពូល LED flash ជំនួយ</em></span></a></p>
<p><a class="thickbox" title="" href="/FileManager/Commons/2015/6/20/110-20-06-2015--15-03-26.jpg"><img src="/FileManager/Articles/mce/2015/6/20/110-20-06-2015--15-03-26.jpg" alt="" /></a></p>
<p>ជាទម្លាប់ Samsung តែងតែធ្វើការបង្ហាញណែនាំ phablet Galaxy Note នៅខែកញ្ញា ក្នុងព្រឹត្តិការណ៍ IFA។ ជាក់ស្តែង អាចនៅឆ្នាំនេះ Samsung នឹងធ្វើការឧទ្ទេសនាម Galaxy Note 5 មុនកាលវិភាគ ក្នុង គោលបំណងដើម្បីប្រកួតប្រជែងដណ្តើមទីផ្សារមុន iPhone 6S និង 6S Plus។ កាលពីឆ្នាំទៅ ភាព ជោគជ័យយ៉ាងខ្លាំងរបស់ iPhone 6 និង 6 Plus បានជះឥទ្ធិពលច្រើនគួរសមទៅដល់បរិមាណលក់ របស់ phablet Galaxy Note 4 របស់ Samsung។</p>
<p><a href="http://www.camnews.com.kh/News/Detail/85023/lg-g4-pro-metal-shell-will-use-snapdragon--820"><span style="color: #3366ff;"><em>អាន៖ ឮមកថា LG G4 Pro នឹងមានសំបកធ្វើពីអាលុយមីញ៉ូម ប្រើ chip SnapDragon 820 កាមេរ៉ា 27MP RAM ដល់ទៅ 4GB?</em></span></a></p>
<p>បើយោងតាមរបាយការណ៍ថ្មីបំផុតបានឲ្យដឹងថា ក្រុមហ៊ុន Samsung បានធ្វើការចរចារជាមួយនឹង បណ្តាក្រុមហ៊ុនបណ្តាញទូរស័ព្ទចល័តតៃវ៉ាន់ ហើយបើសិននេះជាការពិតមែននោះ ការចរចារស្រដៀង គ្នានេះ ក៏កំពុងតែបានអនុវត្តធ្វើនៅតាមបណ្តាប្រទេសផ្សេងទៀត ទូទាំងពិភពលោកដែរ។</p>
<p>នៅក្នុងបណ្តាព័ត៌មានចចាមអារាមកាលពីមុនៗ បានឲ្យដឹងថា Samsung Galaxy Note 5 នឹងមាន អេក្រង់ទំហំ 5.7 inch រីសូលុយហ្សិន Quad HD ថាមពលថ្ម 4100mAh រន្ធតំណភ្ជាប់ USB Type-C អង្គផ្ទុកទិន្នន័យ UFS 2.0 Flash និងមានអង្គដំណើរការ 8 core Exynos 7422៕</p>
<p><a href="http://www.camnews.com.kh/News/Detail/78690/blackberry-venice-running-android-wil-launch-on-november"><span style="color: #3366ff;"><em>អាន៖ BlackBerry Venice ប្រើ Android នឹងបង្ហាញខ្លួន នៅខែវិច្ឆិកា ជាមួយលក្ខណៈសម្បត្តិ មិនអន់ នោះទេ</em></span></a></p>
<p> </p>
<p style="text-align: right;">ប្រែសម្រួល៖ ករុណា<br />ប្រភព៖ <em>GforGames, Vreview</em></p>