<p>បើទោះជាងាយស្រួលប្រើប្រាស់ ងាយស្លៀកពាក់រួមផ្សំនឹងសម្លៀកបំពាក់ដទៃ ប៉ុន្ដែ ពាលខ្លះ យើងពិបាកនឹងបញ្ចេញឱ្យអស់នូវគុណប្រយោជន៍នៃ item នេះ ព្រោះថា រូបរាងរបស់មនុស្សម្នាក់ៗ តែងស័ក្ដិសមទៅនឹងស្ទីល cardigan ផ្សេងៗគ្នា។<br /><br />នៅពេលដែលចុងរដូវរំហើយជិតមកដល់ អាវ cardigan ក៏ក្លាយជារបស់ដែលស្ទើរតែមិនអាចខ្វះបាន សម្រាប់នារីទាន់សម័យ។ ខ្យល់បក់ត្រសៀកៗមកពីទិសខាងជើង រួមនឹងអាកាសធាតុរាងត្រជាក់បន្ដិច ដូចជាដាស់ឱ្យយើងដឹងថា ដល់ពេលនឹងត្រូវប្រើប្រាស់អាវ cardigan ដែលកំពុងនៅស្ងៀមក្នុងទូរ អស់រយៈពេលជាងកន្លះឆ្នាំមកនេះ។ ឱ្យតែមានអាវ cardigan អ្នកនឹងមិនចាំបាច់ទិញសម្លៀកបំពាក់អ្វីច្រើននោះទេ គ្រាន់តែប្រើប្រាស់ឈុតខោអាវសម្រាប់រដូវក្ដៅ និងពាក់អាវ cardigan នេះពីលើ គឺជាការគ្រប់គ្រាន់។<br /><br />ទោះយ៉ាងនេះក្ដី ប្រសិនមិនយកចិត្តទុកដាក់ចំពោះរូបរាងរបស់អ្នក នៅពេលប្រើប្រាស់អាវប្រភេទ cardigan នោះទេ អ្នកប្រហែលជាមិនអាចបញ្ចេញបាននូវភាពស្រស់ស្អាតរបស់ខ្លួននោះដែរ។ ឧទាហរណ៍ដូចជា cardigan ខ្លី រឹប នឹងស័ក្ដិសមជាមួយតែនារីដែលមានរូបរាងទាប តូចច្រលឹង។</p>
<p>ដើម្បីបានជ្រាបច្បាស់ សូមតាមដានវិធីប្រើប្រាស់អាវ cardigan ទៅតាមរូបរាង ដូចខាងក្រោម ៖<br /><br /><strong>រាងផ្លែប៉ោម</strong></p>
<p style="text-align: center;"><a class="thickbox" title="" href="/FileManager/Commons/2013/10/22/appleshap1-22-10-2013--13-18-22.jpg"><img src="/FileManager/Articles/mce/2013/10/22/appleshap1-22-10-2013--13-18-22.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/10/22/appleshap3-22-10-2013--13-18-53.JPG"><img src="/FileManager/Articles/mce/2013/10/22/appleshap3-22-10-2013--13-18-53.JPG" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/10/22/appleshap4-22-10-2013--13-19-34.jpg"><img src="/FileManager/Articles/mce/2013/10/22/appleshap4-22-10-2013--13-19-34.jpg" alt="" /></a></p>
<p style="text-align: left;">ជាមួយនឹងរូបរាង ធំលើ តូចក្រោម អ្នកគួរតែជ្រើសរើស ប្រើអាវ cardigan ដែលមានប្រវែងត្រឹមកណ្ដាលគូទ មានព័ណ៌តែមួយ(គួរជាពណ៌ងងឹត) ។ ដោយសារមានស្មារ និងសាច់ដុំដៃធំ ដូច្នេះ ល្អបំផុតគឺគួរតែពាក់អាវ cardigan ដែលធ្វើអំពីក្រណាត់ស្ដើង យឺត និងរឹបរាង។ ដើម្បីបានស្រឡូនជាងនេះ អ្នកគួរបិទឡេវកណ្ដាលចំនួន ពីរ ឬបី ដើម្បីធ្វើឱ្យក មានរាងជាអក្សរ V ជួយឱ្យក មានសភាពវែងជាងមុន ទំហំទទឹងត្រង់ស្មារ ត្រូវបានកាត់បន្ថយ។ ជាងនេះ អ្នកគួរប្រើខ្សែក្រវាត់បន្ទះ ដើម្បីបែងចែករាងកាយជាពីរស្មើគ្នា។</p>
<p><br /><strong>រាងផ្លែសារី</strong><br /><br />អាវ cardigan វែង និងមានឆ្នូតទទឹងដងខ្លួន ជាមួយនឹងឡេវធំៗចាប់ពីកអាវមកក្រោម គឺស័ក្ដិសមបំផុត សម្រាប់នារីមានរាងផ្លែសារី។ កអាវរាងជ្រៅ រួមនឹងឡេវដែលតម្រៀបគ្នា អូសបន្លាយមកក្រោម នឹងជួយធ្វើឱ្យផ្នែកខាងលើនៃរូបរាង មានភាពទាក់ទាញជាងផ្នែកខាងក្រោម។ អាវ cardigan វែងនឹងជួយលាក់បាំងភាពមិនស្មើគ្នា រវាងចង្កេះ និងត្រគាក ធ្វើឱ្យរូបរាងផ្នែកខាងលើ និងខាងក្រោម មានតុល្យភាព។ ក្រៅពី cardigan វែង អ្នកក៏គួរយកចិត្តទុកដាក់ចំពោះភាពក្រាស់របស់វា ល្អបំផុត គួរប្រើអាវ cardigan ធ្វើអំពីក្រណាត់ក្រាស់។</p>
<p style="text-align: center;"><a class="thickbox" title="" href="/FileManager/Commons/2013/10/22/pear-shaped1-22-10-2013--13-20-17.JPG"><img src="/FileManager/Articles/mce/2013/10/22/pear-shaped1-22-10-2013--13-20-17.JPG" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/10/22/pear-shaped2-22-10-2013--13-21-04.JPG"><img src="/FileManager/Articles/mce/2013/10/22/pear-shaped2-22-10-2013--13-21-04.JPG" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/10/22/pear-shaped3-22-10-2013--13-21-38.JPG"><img src="/FileManager/Articles/mce/2013/10/22/pear-shaped3-22-10-2013--13-21-38.JPG" alt="" /></a></p>
<p><br /><strong>រាងបន្ទាត់ស្ដើង</strong><br /><br />ដោយសារតែមានរាងស្គមស្ដើង អ្នកប្រាកដជាត្រូវការបន្ថែមភាពក្រាស់សម្រាប់រាងកាយ ដោយការពាក់អាវ cardigan ក្រាស់ និងប៉ោង ដែលមានដៃវែង ឬអាវ cardigan ខ្លីដែលមានផ្នែកខាងក្រោមក្ដោបត្រង់ត្រគាក។ ល្អបំផុត គួរប្រើអាវ cardigan ដែលមានកខ្ពស់ៗ ដើម្បីជួយឱ្យអ្នកមានរូបរាងពេញលេញជាងធម្មតា។ ក្រៅពីនេះ ក៏គួរជ្រើសរើសអាវ cardigan ដែលមានរូបទទឹងដងខ្លួន ដើម្បីពង្រីកមាឌរបស់អ្នក។</p>
<p style="text-align: center;"><a class="thickbox" title="" href="/FileManager/Commons/2013/10/22/ruler-body-shape-1-22-10-2013--13-22-13.JPG"><img src="/FileManager/Articles/mce/2013/10/22/ruler-body-shape-1-22-10-2013--13-22-13.JPG" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/10/22/ruler-body-shape-2-22-10-2013--13-22-41.JPG"><img src="/FileManager/Articles/mce/2013/10/22/ruler-body-shape-2-22-10-2013--13-22-41.JPG" alt="" /></a></p>
<p>ប៉ុន្ដែ អ្នកក៏មិនត្រូវប្រើប្រាស់អាវ cardigan ដែលមានទំហំធំពេកនោះដែរ ព្រោះវានឹងធ្វើឱ្យអ្នក ហាក់ស្ថិតក្នុងស្ថានភាព “កង្កែមក្នុងក្អម” ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/74806/t-shirt-for-office-girls-in-cool-season"><span style="color: #3366ff;">អាវយឺតដៃវែង សម្រាប់នារីការិយាល័យ បញ្ចេញសម្រស់ ពេលត្រជាក់</span></a></span></p>
<p><span style="color: #3366ff;"><a href="/News/Detail/80435/dress-for-pear-shaped-body"><span style="color: #3366ff;">នារីដែលមានរាងដូចផ្លែសារី គួរតែស្លៀកពាក់រ៉ូប បែបណា?</span></a><strong></strong></span></p>
<p><span style="color: #3366ff;"><a href="/News/Detail/61859/the-era%E2%80%8B-of-hot-pants"><span style="color: #3366ff;">ខោខ្លី Hot pants “ឡើងគ្រងរាជ” ក្នុងយុគសម័យស៊ិចស៊ី</span></a></span><strong><br /></strong></p>
<p> </p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ k14<br /><br /></p>