<p><strong>ភ្នំពេញ៖</strong> ផលិតកម្ម ភ្លេងរីខដ ដែលជាមែកធាង របស់ផលិតកម្ម ហង្សមាស បានចាប់កំណើត<br /> យូរក្រែលមកហើយ ខណៈតារាចម្រៀង ប្រុសស្រីជាច្រើនដួង បានរះបញ្ចេញពន្លឺ ព្រោងព្រាត<br /> ក្នុងនោះរួមមាន គៀត សុវណ្ណាឡាង លាង សុផាឡែន សុខ វ៉ានេសា លោក ម៉ុង មានិត លោក<br /> ខេ អាយ និង ចុងក្រោយ គឺលោក វីរៈ សិទ្ធ ។ ចំណែកឯតារាចម្រៀង ដ៏ទៃទៀត ត្រូវបានកប់<br />បាត់ ដោយចេញទាំងអស់ មានចំនួន៦វ៉ុល ខ្លះបានតែ ២បទប៉ុណ្ណោះ។ ដោយហេតុថា តារា<br />ចម្រៀងខ្លះ នៅមានសមត្ថភាព ស្ទើរ ដូចនេះ មិនអាច ទាក់ទាញ ប្រជាប្រិយភាពបាន ។</p>
<p>ចំណែកតារាចម្រៀង រាងតូចច្រឡឹង កញ្ញា ប្រេម៉ា វិញ មានសមត្ថភាព តែហាក់ខ្វះការជំរុញ<br />បន្ថែម ទើបធ្វើឲ្យនាង កប់ពន្លឺ មិនបានមករះឲ្យ ភ្លឺចិញ្ចែងចិញ្ចាច ដូចតារាចម្រៀង រួមទ្រនំនឹង<br />គេ ។ តារាចម្រៀង ប្រេម៉ា ដែលមានឈ្មោះដើមថា ភឿក ច័ន្ទប្រេម៉ា ជានិស្សិតឆ្នាំទិ២ នៃ<br />សកលវិទ្យាល័យបញ្ញាសាស្ត្រ ដែលស្រីស្អាតរាងតូចច្រឡឹងរូបនេះ ទើបតែមានអាយុ ១៩ ឆ្នាំ <br />ប៉ុណ្ណោះ ។ តារាចម្រៀងស្រីរូបនេះ បានចេញបទចម្រៀង ៣បទហើយ គឺបទ "បងមានចិត្ត<br />ប៉ុន្មានសម្រាប់ក្បត់" និងថ្មីៗនេះ នាងបាន ចេញបទចម្រៀង ចំនួន ២ បទបន្ថែមទៀត គឺបទ <br />"មិត្តបងក្បត់មិត្តអូន និង បទញាក់ "Brave" ដែលទើបចេញលក់ លើទីផ្សារ ក្ដៅៗ ។</p>
<p>ផ្ទុយពីតារាចម្រៀងដ៏ទៃ នាង ប្រេម៉ា ហាក់នៅតែសប្បាយជាមួយ ផលិតកម្ម ខុសស្រឡះពី<br />ពាក្យ ដែលគេបានលើកឡើងថា នាងបានច្រណែន ជាមួយនឹង តារាចម្រៀងដ៏ទៃ ដែលបាន<br />បទចម្រៀងច្រើន និងការទំនុកបម្រុងបន្ថែម កំលាំងរុញឲ្យល្បី ដែលអាចទាញប្រជាប្រិយភាព<br /> និងមានអ្នកស្គាល់ច្រើន ។</p>
<p>ជំនួបជាមួយ LookingTODAY តារាចម្រៀងស្រីវ័យក្មេង ប្រេម៉ា បាននិយាយថា នាងមិនបាន<br />ច្រណែន នឹងអ្នកណាវាចាពាក្យ ចចាមអារ៉ាមទេ នាងមានតែសប្បាយចិត្ត ព្រោះផលិតកម្ម <br />បានផ្ដល់ភាពកក់ក្ដៅ មួយសម្រាប់នាង គឺបានរើសនាងចូល ផលិតកម្មតាមរយៈការធ្វើតេស្ត<br />សមត្ថភាព ត្រឹមត្រូវ ។ ពិសេសនាងបានប្រើប្រាស់ សមត្ថភាពរបស់នាង ដូចនេះ នាងមាន<br />ជំនឿចិត្ត លើខ្លួនឯង ។ ផលិតកម្ម មានគោលការណ៍ ច្បាស់លាស់ណាស់ថា បែងចែកបទ<br />ចម្រៀង ប៉ុណ្ណាៗ មិនទុកនាងចោលទេ ។</p>
<p>ប្រេម៉ា បន្តថា នាងក៏មមាញឹក ក្នុងការសិក្សាដែរ អ៊ីចឹងបានប៉ុណ្ណឹង ក៏ល្អពេកទៅហើយ ព្រោះ<br />សិល្បៈជាអ្វីដែល នាងស្រឡាញ់ តែការសិក្សារៀនសូត្រ ជាទុនដ៏ធំ សម្រាប់ជីវិតនាង ព្រោះ<br />សម័យនេះ ត្រូវការអ្នកចេះដឹង ទើបដើរទាន់សម័យនឹងគេ ។ ចំណែករឿង ស្នេហាវិញ នាង<br />និយាយថា មិនទាន់ចង់មានទេ ព្រោះនៅរៀនផង ច្រៀងផង រវល់ណាស់ និងនៅក្មេងទៀត<br /> អត់ទាន់ចង់គិតទេ ៕</p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<span style="color: #0000ff;"> <strong><a href="/News/Category/5/entertainment"><span style="color: #0000ff;">សូមចុចត្រង់នេះ</span></a></strong></span> !!!</span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0814.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0815.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0816.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/August/id-099/v_0817.jpg" alt="" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>