<div class="article-content">
<p><strong>ភ្នំពេញៈ</strong> ស្ត្រីម្នាក់ត្រូវបានគេប្រទះ ឃើញដួលសន្លប់ ស្តូកស្តឹង នៅខាងមុខហាងក្រោម ស្លាក<br />ខារ៉ាអូខេ រាត្រីសេកុង ធ្វើឲ្យ មានការភ្ញាក់ផ្អើល ដល់ប្រជាពលរដ្ឋ ដែលរស់នៅជិតខាង និងនារី<br />បំរើការ នៅខារ៉ាអូខេសាច់សខ្ចីចេញមក មើលព្រោងព្រាត កាលពីវេលាម៉ោង៩និង២០នាទី យប់<br />ថ្ងៃទី២១ ខែមីនា ឆ្នាំ២០១៣ ស្ថិតនៅតាមបណ្តោយផ្លូវ២០០៤ ក្នុងភូមិត្រពាំងល្វា សង្កាត់ កាកាប<br /> ខណ្ឌពោធិ៍សែនជ័យ រាជធានីភ្នំពេញ។</p>
<p>មន្រ្តីនគរបាល មូលដ្ឋានបានឲ្យដឹងថា ស្រ្តីរងគ្រោះ ពុំត្រូវបានគេស្គាល់ឈ្មោះទេ មានអាយុប្រ-<br />ហែលជា២០ឆ្នាំ រស់នៅម្តុំ ផ្សារជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ ចំណែកឯប្តី របស់<br />នាងពុំត្រូវបានគេស្គាល់ ឈ្មោះនោះទេ ។</p>
<p>យោងតាមសាក្សី នៅកន្លែងកើតហេតុ បានឲ្យដឹងថា ស្រ្តីរូបរងគ្រោះ មានវិបត្តិដោយសារប្តីរបស់<br />នាង មានស្រីនៅក្នុងខារ៉ា អូខេខាងលើ ហើយមុន ពេលកើតហេតុ នាងបានចេញពីផ្ទះ ដើរតាម<br />រកប្តីមកដល់ខាង មុខហាងរាត្រីសេកុងអង្គុយ នៅខាង មុខហាងរាត្រីសេកុង ដោយនិយាយជា <br />មួយនារីបំរើការនៅទីនោះ អំពីការលំបាករបស់នាង ជាមួយប្តី បន្ទាប់ពីប្តីរបស់នាង បានស្រឡាញ់<br />នារី នៅក្នុងខារ៉ាអូខេនេះរួចមក គឺបានធ្វើបាបផ្លូវចិត្តរបស់នាងយ៉ាងខ្លាំង ហើយថែមទាំងចង់ផ្តាច់<br />សង្វាក់ មេត្រីភាពជាមួយនឹងនាងទៀតផង ។</p>
<p>សាក្សីបានបន្តទៀតថា បន្ទាប់ពីនាងនិយាយចប់ ក៏បានទាញថ្នាំជាច្រើនលេប រួចហើយក៏មាន<br />សភាពទន់ដៃ ទន់ជើងដួលសន្លប់តែម្តងទៅ ទើបមានការភ្ញាក់ផ្អើលកើតឡើងតែម្តងទៅ។</p>
<p>ក្រោយកើតហេតុ នគរបាលមូលដ្ឋាន បានចុះទៅដល់កន្លែងកើត ហេតុភ្លាមៗជួយធ្វើអន្តរាគមន៍ <br />យកនារីរងគ្រោះ ហើយនាង បានដឹងខ្លួន មួយភ្លែត ទើបសន្លប់វិញ ប៉ុន្តែខណៈនាងដឹងខ្លួននោះ <br />នគរបាលបានធ្វើការសាកសួរ បាននិយាយតិចៗថា នាង ផឹកថ្នាំច្រើនណាស់ ដើម្បីសម្លាប់ខ្លួន <br />ដោយសារតែតូចចិត្តនិងប្តីមានស្រី នៅក្នុងហាងបន្ទាប់មកនាង ក៏សន្លប់បាត់ស្មារតី ទៅវិញ នគរ<br />បាលក៏បានហៅសាមុយបង្អែកក្រុង មកដឹកស្រ្តីរងគ្រោះយកទៅសង្គ្រោះជា បន្ទាន់។</p>
<p>ប្រភពនៅកន្លែងកើតហេតុផ្សេង មួយទៀតបាននិយាយថា ស្រ្តីម្នាក់នេះ ធ្លាប់មកនិយាយ នៅខាង<br />មុខខារ៉ាអូខេថា នាងមាន ប្តី ប៉ុន្តែទំនងជាប្តីមិន ទាន់ពេញសិទ្ធិ ហើយបុរសម្នាក់ ដែលនាងអះអាង<br />ថា ជាប្តីរបស់នាង គឺធ្លាប់ឃើញមកខារ៉ាអូខេហ្នឹងមែន ថែមទាំងមានស្រីកំណាន់ម្នាក់ នៅក្នុង ខារ៉ា<br />អូខេនេះផង ប៉ុន្តែគេពុំអាចដឹងឲ្យបានច្បាស់ថា ជាប្តីរបស់ឬមួយយ៉ាងណានោះទេ ហើយមុនពេល<br />កើតហេតុនាង បានដើរចេញមកពីទិស ខាងត្បូងរួចមកអង្គុយត្អូញត្អែ ពីស្នេហាប្រះឆា របស់នាង<br />នៅខាងមុខ ហាងបន្ទាប់ពីនិយាយចប់សព្វគ្រប់ក៏ទាញថ្នាំ ពីហោប៉ៅស្ទើរតែមួយទូកដៃ ផឹកដើម្បី<br />បញ្ចប់ជីវិត ធ្វើឲ្យមានការភ្ញាក់ ផ្អើលដល់ នគរបាលមូលដ្ឋាន រួចហើយបានហៅសាមុយបង្អែក<br />រាជធានី ដឹកយកទៅសង្គ្រោះនៅ មន្ទីរពេទ្យរាជធានី ។ ប៉ុន្តែគេពុំទាន់ ទទួល បានថា តើស្រី្តរូប<br />នោះមាន សភាពយ៉ាងណានោះទេ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0424.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0423.jpg" alt="www.dap-news.com" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-067/CH-0422.jpg" alt="www.dap-news.com" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>