<p class="Normal">ដូចទៅនឹងបណ្តាព័ត៌មានចចាមអារាម មុននេះពីរថ្ងៃ នៅថ្ងៃនេះ Samsung បានធ្វើការបង្ហាញណែនាំ នូវម៉ូដែល Tablet តំលៃថោកជាងគេបំផុត របស់ខ្លួនគឺ Galaxy Tab 3 Lite។ ជាក់ស្តែងក្រុមហ៊ុន នៅមិន ទាន់ប្រកាសនូវតំលៃលក់ជាផ្លូវការ នៃផលិតផលនេះនៅឡើយទេ ប៉ុន្តែបើតាមព័ត៌មាន កាលពីមុនៗ បានឲ្យដឹងថា Tablet នេះសម្រាប់វើហ្សិនដែលមានតែ Wifi មានតំលៃ ១៦៥ ដុល្លារ រីឯវើហ្សិន ដែលមានទាំង Wifi និង 3G មានតំលៃ ២៦៣ ដុល្លារ (ឈ្មោះកូដ SM-T111) ។</p>
<p class="Normal"><a class="thickbox" title="" href="/FileManager/Commons/2014/1/17/note72-9530-1389892600-17-01-2014--10-48-55.jpg"><img src="/FileManager/Articles/mce/2014/1/17/note72-9530-1389892600-17-01-2014--10-48-55.jpg" alt="" /></a></p>
<p>Galaxy Tab 3 Lite ត្រូវបានបំពាក់នូវអេក្រង់ទំហំ 7 inch កំរិតរីសូលុយហ្សិន 1.024 x 600 pixel។ មានលក្ខណៈសម្បត្តិល្អមធ្យមជាមួយនឹង CPU Dual Core 1,2 GHz, RAM 1 GB និងមានមេម៉ូរី ក្នុងទំហំ 8 GB។ Tablet នេះមិនមានកាមេរ៉ាមុខទេ គឺមានតែកាមេរ៉ាក្រោយមានទំហំ 2 megapixel ជាមួយនឹងបណ្តា Features ដូចជា ថតរូបពេលសើច, ចែករំលែកលឿនរហ័ស, ថត panorama។ ផលិតផលនេះប្រើប្រព័ន្ធប្រតិបត្តិការ Android 4.2 Jelly Bean និងថ្មមានកំរិតថាមពល 3.600 mAh អាចប្រើបាន ៨ម៉ោងជាប់គ្នា។</p>
<p><a class="thickbox" title="" href="/FileManager/Commons/2014/1/17/note8-4476-1389892600-17-01-2014--10-49-06.jpg"><img src="/FileManager/Articles/mce/2014/1/17/note8-4476-1389892600-17-01-2014--10-49-06.jpg" alt="" /></a></p>
<p>បណ្តា Features មួយចំនួនទៀត ដែលបានបំពាក់នៅក្នុងឧបករណ៍រួមមាន Wi-Fi n, Wi-Fi Direct, GPS, Bluetooth 4.0។ អ្នកប្រើប្រាស់អាបន្ថែមនូវមេម៉ូរីក្រៅតាមរយះកាត microSD បានដល់កំរិត អតិបរមា 32 GB។ Galaxy Tab 3 Lite មានពីរពណ៌សម្រាប់ជ្រើសរើសគឺ ពណ៌ស និងខ្មៅ។ </p>
<p>Tab 3 Lite មានកម្រាស់ស្តើងជាង បើធៀបនឹងផលិតផលមានទំហំអេក្រង់ប៉ុនគ្នា នៃស៊េរី Galaxy Tab 3 គឺមានកម្រាស់ 9,7 mm (ប្រៀបជាមួយនឹង 9,9 mm របស់ Tab 3) ប៉ុន្តែបណ្តោយ និងទទឹង មានប្រវែងវែងជាង 5 mm។ ទម្ងន់របស់វាគឺ 310 g សម្រាប់វើហ្សិនដែលមានតែ Wi-Fi៕</p>
<p style="text-align: right;">ប្រែសម្រួល៖ សិលា<br />ប្រភព៖ vexpress</p>