<div class="article-content">
<p><strong>ព្រះសីហនុៈ</strong> គ្រោះថ្នាក់ចរាចរណ៍ មួយថ្មីទៀត បានកើតឡើង កាលពីវេលាម៉ោង ១១ព្រឹក ថ្ងៃទី១៥ ខែកុម្ភៈ ឆ្នាំ២០១៤ នៅចំណុចវិថីផែ មុខស្ថានីយ៍រថភ្លើង ក្នុងភូមិ៣ សង្កាត់លេខ៣ ក្រុងព្រះសីហនុ បណ្តាលឱ្យមនុស្ស២នាក់ រងរបួស ។</p>
<p>គ្រោះថ្នាក់លើដងវិថីថ្មីនេះ ត្រូវបានគេរាយការណ៍ថា បង្កឡើង ដោយរថយន្តកុងតឺន័រ មួយគ្រឿង បើកបុក រថយន្ត លុចស៊ីស RX300 (Lexus RX 300) ដែលបើកបរ ដោយគ្រួសារអ្នកស្រុកព្រៃវែង ចំនួន៧នាក់ ក្នុងគោលបំណង ទៅទេសចរកំសាន្តនៅខេត្តព្រះសីហនុ ក្នុងនោះ រថយន្តកុងតឺន័រ ដែលបើកស្របគ្នា បានបុកពីក្រោយ ហើយរុញរថយន្ត លុចស៊ី ឱ្យផ្ទុបចូល ផ្ទះអ្នកលក់ក្តាមសមុទ្រ រហូតដល់ម្ចាស់ផ្ទះ នាំគ្នាភ័យស្ទើរលោះព្រលឹង រត់ជាន់ជើងគ្នា។</p>
<p>ប្រភពព័ត៌មាន ពីប្រជាពលរដ្ឋ នៅកន្លែងកើតហេតុ បាននិយាយថា អ្នកជិះក្នុងរថយន្ត លុចស៊ីស២នាក់ បានរង របួសធ្ងន់ស្រាល ចំណែករថយន្តកុងតឺន័រ បានបើកទៅឈប់នៅមុខច្រកចូលកំពង់ផែ ហើយអ្នកបើកបរ គេចខ្លួនបាត់ បាត់ទៅហើយ។</p>
<p>សមត្ថកិច្ចបានបញ្ជាក់ថា អ្នកបើកបររថយន្តលុចស៊ីស មានឈ្មោះ ញឹល ជាតិ ភេទប្រុស អាយុ៣១ឆ្នាំ មានទីលំនៅភូមិជ្រៃឃុំព្រៃប្រសិទ្ធិ ស្រុកពារាំង ខេត្តព្រៃវែងរីឯរថយន្តកុងតឺន័រ បង្កហេតុ ម៉ាកនីសាន់ពាក់ស្លាកលេខភ្នំពេញ 3B-6855 ជាកម្មសិទ្ធិឯកជនស៊ីឈ្នួល ដឹកទំនិញ ក្រុមហ៊ុនកាត់ដេសំលៀកបំពាក់មួយ នៅរាជធានីភ្នំពេញ ។</p>
<p>ហេតុការណ៍នេះបណ្តាលអោយខូចខាតរថយន្ត លិចហ្សុសមួយកំណាត់ក្រោយ ចំណែករថយន្តកុងតឺន័រ ខូចខាតផ្នែកខាងមុខបន្តិចបន្តួច ។ ក្រោយកើតហេតុជនរងគ្រោះត្រូវ បានដឹកបញ្ជូនទៅសង្រ្គោះ នៅមន្ទីរពេទ្យក្នុងក្រុងព្រះសីហនុភ្លាមៗ ។ ចំណែកវត្ថុតាងត្រូវបានសមត្ថកិច្ច អូសយករថយន្ត ពាក់ព័ន្ធ ទៅរក្សាទុកនៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ ដើម្បីធ្វើការដោះស្រាយតាមក្រោយ ៕</p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2014/January/id-037/S5297.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-037/S5294.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-037/S5295.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-037/S5296.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-037/S5298.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80948-2014-02-15-08-07-59.html"><span style="color: #0000ff;">ដើមអំពិល</span></a></p>
</div>