<p><strong>ភ្នំពេញៈ</strong> បន្ទាប់ពី សុខ ពិសី បានបង្ហាញពន្លឺ ដោយបើកចំហរថា នាង កំពុងតែសម្លឹងរកមើល<br /> ទីតាំងបើកហាងកែសម្ផស្ស ដោយត្រៀមចាយទុន កន្លះលានដុល្លារ ជាជំនួញដំបូងរបស់នាង <br />ពុំធ្លាប់មានទេ ចាប់តាំងពី សុខ ពិសី បានទៅលួចរៀនជំនាញនេះ ទាំងមិនប្រក្រតី នៅប្រទេស<br />សឹង្ហបុរី កាលពីពាក់កណ្ដាល ឆ្នាំ២០១២រួចមក។ ប៉ុន្តែជំនួញជះលុយដ៏ ច្រើនសន្ធឹកសន្ធាប់នេះ<br /> មិនទាន់ទាំងលេច ចេញជារូបរាងផង សុខ ពិសី ក៏ចេញមុខប្រកាសថា ខ្លាចរអាមិនទាន់ ហ៊ាន<br />ប្រថុយ បើកជំនួញពេលនេះទេ ខ្លាចឡុងចុង ខាតទាំងចុងខាតទាំងដើម ។</p>
<p>កាលពីពេលថ្មីៗនេះ ស្រីស្រស់ច្រមុះស្រួច កញ្ញា សុខ ពិសី ធ្លាប់បានប្រកាសក្តែងៗថា នាង <br />និងគ្រួសារកំពុងតែមាន គម្រោងចង់រៀបចំបើក ហាងកែសម្ផស្សជាលក្ខណៈ ទ្រង់ទ្រាយធំមួយ<br /> នៅម្តុំផ្សារថ្មី ក្នុងរាជធានីភ្នំពេញ ដោយនាងសម្អាងថា មាន ជំនាញក្នុង ការថែរក្សាសម្រស់ ពី<br />ក្រៅប្រទេសមកហើយ ។ ម្យ៉ាងវិញទៀតនាង ក៏មានបំណងចង់ មានមុខរបររក ស៊ីផ្ទាល់ខ្លួនមួយ<br /> សម្រាប់ចិញ្ចឹមជីវិត ទៅថ្ងៃក្រោយ។</p>
<p>ថ្លែងប្រាប់ LookingTODAY តាមទូរស័ព្ទ តារាចម្រៀងល្បីឈ្មោះ ប្រចាំផលិតកម្ម សាន់ដេ កញ្ញា<br /> សុខ ពិសី បានប្រាប់ឲ្យដឹងថា សម្រាប់គម្រោង ដែលនាងចង់បើកនោះ ប្រហែលជាត្រូវផ្អាកមួយ<br />រយៈពេលសិន មិនទាន់ ចាប់ផ្តើមដំណើរការទេ ព្រោះថាពេលនេះ នាងកំពុងតែជាប់ដៃជាមួយ <br />ការងារសិល្បៈ គ្មានពេលទំនេរនោះទេ ។ បើសិនជានាងបើកហាងនេះ ក៏គ្មាន អ្នកចាំមើលការ<br />ខុសត្រូវដែរ ព្រោះថាគ្រួសាររបស់ នាងសុទ្ធតែមនុស្សប្រុស និងពុំមានជំនាញផ្នែកនេះ ។ ដូច្នេះ<br />ហើយ បើនាងបើក ត្រូវទាមទារឲ្យមាន ពេលគ្រប់គ្រងគ្រប់គ្រាន់ តែបើបើកហើយគ្មាន ពេលទេ<br /> កុំបើកល្អជាងកុំឲ្យ បិទទ្វារជាលើកទី២ ។</p>
<p>តារាចម្រៀង និងជាតួឯកស្រីក្នុងរឿង “ព្រាយក្បាលប្រាំបី” សុខ ពិសី បាន ប្រាប់ទៀតថា "ដំបូង<br />ឡើយ ខ្ញុំមានបំណងចង់ បើកមុខជំនួញមែន តែដោយសារគិត ចុះគិតឡើងទៅ.. ខ្ញុំគិតថាគ្មាន<br />ពេលគ្រប់គ្រាន់ ខ្ញុំក៏សម្រេចចិត្ត ផ្អាកគម្រោងនេះ បណ្តោះអាសន្នសិន ។ ម្យ៉ាងវិញទៀតកន្លង<br />មកខ្ញុំ ធ្លាប់មាន បទពិសោធន៍បិទហាង លក់សំលៀកបំពាក់ម្តងហើយ ដោយ សារតែខ្ញុំមាន ការ<br />ធ្វេសប្រហែស មិនគិតមិនគូរ។ ពេលនេះខ្ញុំមិនចង់ បើកមុខរបរថ្មី ដោយមិនមាន ពេលគ្រប់គ្រាន់<br />ទេ ខ្លាចដើរតាមគន្លងចាស់ ខ្ញុំមិនហ៊ានប្រថុយទេ ខ្លាចឡុងចុង និងមិនចង់មាន វិប្បដិសារីទៀត<br />ទេ" ។</p>
<p>តារាចម្រៀងស្រីស្អាតរូបស្រស់ សុខ ពិសី បានប្រាប់ឲ្យដឹងទៀតថា សម្រាប់ការពន្យារពេល <br />មិនទាន់បើកហាងនេះ មិនមែនមកពី នាងខ្វះទុននោះទេ ព្រោះថាជូនកាលនាង និយាយបែប<br />នេះ ប្រហែលជាធ្វើឲ្យ ទស្សនិកជនមួយចំនួន គិតថានាងមិនមានទុន ឬក៏ថា នាងអួតហួសក្បួន ។<br /> តែ សុខ ពិសី ចង់បញ្ជាក់ថា “សម្រាប់ជីវិតខ្ញុំ និងគ្រួសារ អាចមានសមត្ថភាពគ្រប់គ្រាន់ ក្នុងការ<br />បោះទុនរកស៊ី មិនចាំបាច់ទទួល ការឧបត្ថម្ភពីខាងណាទេ ហើយក៏មិនចង់ឲ្យ មានពាក្យចចាម<br />អារ៉ាម បោកបក់មកលើខ្ញុំ ម្តងជាពីរដងនោះដែរ"៕</p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0212.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0213.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0214.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0215.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0216.jpg" alt="" width="470" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>