<div class="article-content">
<p><strong>ភ្នំពេញ៖</strong> អ្នកនាង គង់ សាលីន តារាចម្រៀងខ្មែរ ប្រចាំនៅប្រទេសកាណាដា ដែលទស្សនិកជន<br /> តែងតែឲ្យរហ័សនាមថា ម៉េង កែវពេជ្ជតាទី២ បានបង្ហើបប្រាប់ថា នាងគ្រោងបើកហាងដ៏ធំមួយ<br /> នៅកណ្ដាលរាជធានីភ្នំពេញ ក្នុងពេលឆាប់ៗនេះ ជាមុខជំនួញដំបូង ក្នុងមកបណ្ដាក់ទុនរកស៊ី <br />នៅក្នុងប្រទេសកម្ពុជា ដែលជាប្រទេស កំណើតរបស់ខ្លួន។</p>
<p>គម្រោងបើកហាងនេះ ត្រូវបានតារាចម្រៀង និងជាតារាសម្ដែងកំពុងតែមមាញឹកច្រើន ក្នុងឱកាស<br />ឆ្នាំថ្មី បង្ហើបប្រាប់ថា គឺជាអាជីវកម្មហាងលក់គ្រឿងសំអាង ដែលមកទល់ពេលនេះ អ្នកនាង កំពុង<br />តែឲ្យជាងឌីហ្សាញប្លង់ ហើយគ្រោងនិងដំណើរការ ក្នុងពេលដ៏ខ្លីខាងមុខ ។</p>
<p>តារាចម្រៀងដែលមានមុខមាត់ស្រដៀង និងអ្នកនាងម៉េង កែវពេជ្ជតា រូបនេះ បានបញ្ជាក់ប្រាប់<br /> LookingTODAYថា ដំបូងឡើយអ្នកនាង គ្រោងបើកផលិតកម្មមួយ នៅក្នុងស្រុកខ្មែរ ប៉ុន្តែដោយ<br />សារ មិនមាន អ្នកជួយជ្រោមជ្រែង និងមិនអាចរកអ្នកទុកចិត្តបាន អ្នកនាងក៏សម្រេចចិត្តប្ដូរពីការ<br />បើកផលិតកម្ម មកបើកលក់គ្រឿងសំអាងវិញ។ អ្នកនាងបានបញ្ជាក់ប្រាប់ទៀតថា គ្រឿងសំអាង<br />ដែលអ្នកនាង គ្រោងនឹងយកមកលក់ គឺជាគ្រឿងសំអាងដែលនាំចូលពីបរទេស ដោយនៅក្នុងនោះ<br />មានដូចជា ប្រទេសថៃ សាំងហ្គាពួរ និងជប៉ុន ជាដើម។</p>
<p>អ្នកនាង គង់ សាលីន បានប្រាប់បន្ថែមទៀតថា "បច្ចុប្បន្នខ្ញុំកំពុងតែ រត់ការឯកសារទៅ ក្រសួង<br />ពាណិជ្ជកម្ម និងក្រសួងសេដ្ឋកិច្ច និងហិរញ្ញវត្ថុ ដើម្បីនាំចូលនូវផលិតផលទាំងនោះ យកមកលក់<br />ក្នុងហាងរបស់ខ្ញុំ"។ តារាចម្រៀងសំនៀងក្រអួនក្រអៅរូបនេះ បានបង្ហើបទៀតថា មូលហេតុដែល<br />នាំអ្នកនាង ចង់បើកហាងលក់គ្រឿងសំអាង ក៏ព្រោះតែអ្នកនាងយល់ឃើញថា នៅក្នុងប្រទេសកម្ពុជា នៅមិនទាន់មានហាងគ្រឿងសំអាងមួយណា ដែលមាននាំចូល គ្រឿងសំអាងពីបរទេស ដូចអ្នកនាង<br />គ្រោងនឹង នាំចូលនោះឡើយ។</p>
<p>ជាមួយគ្នានោះអ្នកនាង បញ្ជាក់បន្ថែមថា មុននឹងនាំចូលនូវផលិតផល គ្រឿងសំអាងទាំងនោះ អ្នក<br />នាងបានស្ទាបស្ទង់ នៅលើទីផ្សារក្នុង ប្រទេសកម្ពុជារួចអស់ហើយ ជាពិសេសគឺសម្រាប់អ្នកសិល្បៈ<br />ខ្មែរតែម្ដង។ ដោយឆ្លងកាត់ ការស្ទាបស្ទង់នេះ អ្នកនាងរកឃើញថា មានអតិថិជនគាំទ្រច្រើន ទើប<br />សម្រេចចិត្ត ធ្វើរឿងនេះឡើង។</p>
<p>អ្នកនាង គង់ សាលីន បានបង្ហើបសំដីប្រាប់ថា មុខរបរដែលនាងគ្រោងនឹងបើកនេះ អតិថិជននៅលើ<br />ពិភពលោកគេចាប់អារម្មណ៍ខ្លាំងណាស់ ជាពិសេសនោះ គឺអ្នកសិល្បៈតែម្ដង។ ជាមួយគ្នានេះ អ្នកនាង<br />សង្ឃឹមយ៉ាងមុតមាំថា អាជីវកម្មមួយនេះ និងទទួលបានជោគជ័យ តាមការគ្រោងទុកជាក់ជាមិនខាន<br />ឡើយ។</p>
<p>ទីតាំងដែលគ្រោងនឹងបើក គឺខាងក្រោយអតីតរោងកុនគិរីរម្យ ដោយបច្ចុប្បន្ន បានរៀបចំបានជាង <br />៨០% រួចមកហើយ ។ ចំពោះហាងដែលនាងបើកនោះមានឈ្មោះថា" សាលីនសាឡន" ដោយគ្រោង<br />នឹងចំណាយប្រាក់ ប្រហែលជាជាង៥ម៉ឺនដុល្លារ ក្នុងការធ្វើដើមទុន បើកហាងនេះឡើង។</p>
<p>អ្នកនាងបញ្ជាក់ជាចុងក្រោយថា ហាង" សាលីនសាឡន" គ្រោងសម្ពោធក្រោយពី ចូលឆ្នាំខ្មែររួច <br />ដោយក្នុងពិធីនោះអ្នកនាង នឹងអញ្ជើញអ្នកសិល្បៈ ព្រមទាំងអ្នកសារ ព័ត៌មានជាច្រើនមកចូលរួម<br /> ជាច្រើននាក់ផងដែរ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-087.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-088.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-089.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-090.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>