<div class="article-content">
<p><strong>ភ្នំពេញ ៖</strong> ចោរឆក់កាបូប ចំនួន២នាក់ ក្នុងនោះម្នាក់ជាសិស្សថ្នាក់ទី១២ នៅវិទ្យា ល័យ ឥន្ទ្រទេវី <br />ត្រូវបានកម្លាំងនគរបាល ខណ្ឌទួលគោក ដេញតាមពីក្រោយ ហើយឈានទៅដល់ការចាប់ខ្លួន <br />ក្រោយពីទទួល សេចក្ដីរាយការណ៍ថា ពួកគេទាំង២នាក់នេះ បានធ្វើសកម្មភាពឆក់កាបូបពីនារី<br />រងគ្រោះម្នាក់ ដែលសមត្ថកិច្ចប្រាប់ថា ជានិស្សិតនៅ សកលវិទ្យាល័យអន្ដរជាតិ <strong>(IU)</strong> ខណៈ<br />ដែល នារីរងគ្រោះរូបនេះ កំពុងជិះម៉ូតូតែម្នាក់ ឯងនៅតាមដងផ្លូវ ។</p>
<p>សកម្មភាពឆក់កាបូប ដែលបង្កឡើង ដោយសិស្សវិទ្យាល័យឥន្ទ្រទេវី និង បក្ខពួក ដែលមានមុខ<br />របរ មិនពិតប្រាកដខាងលើនេះ បានកើតឡើងបង្កឱ្យមានការភ្ញាក់ផ្អើល កាលពីវេលាម៉ោង ៨<br />និង៣០នាទីព្រឹក ថ្ងៃ ទី២៣ ខែសីហា ឆ្នាំ២០១៣ ស្ថិតនៅលើកំណាត់ ផ្លូវ៣១៧ កែងផ្លូវលេខ <br />៥៩៨ សង្កាត់ បឹងកក់ទី២ ខណ្ឌទួលគោក ប៉ុន្ដែ ក្រោយពី ធ្វើសកម្មភាពឆក់មួយសន្ទុះធំក្រោយ<br />មក កម្លាំងសមត្ថកិច្ច បានចាប់ជនសង្ស័យទាំង ២នាក់នេះ នៅម្ដុំត្រឡោកបែក ខណ្ឌទួលគោក<br /> ព្រមទាំងរឹបអូស១គ្រឿង ដែលពួក វាជិះធ្វើសកម្មភាពឆក់ និងកាបូបដៃរបស់ នាងរងគ្រោះ ។</p>
<p>យោងតាមប្រភពព័ត៌មាន ពីសាក្សីនៅ កន្លែងកើតហេតុបានឱ្យដឹងថា ខណៈដែល នារីរងគ្រោះ<br /> កំពុងជិះម៉ូតូម្នាក់ឯងក្នុងទិស ដៅពីជើងទៅត្បូងស្រាប់តែដល់ចំណុចកើតហេតុ ក៏លេចមុខជន<br />សង្ស័យទាំង២នាក់ ជិះ ម៉ូតូ១គ្រឿង ម៉ាកសេ ១២៥ ពណ៌ខ្មៅ ស៊េរី ឆ្នាំ២០១៣ ពាក់ស្លាកលេខ<br />ភ្នំពេញ 1BU-1294 រួចហើយ ជនសង្ស័យដែលអង្គុយពី ក្រោយ បានធ្វើសកម្មភាពឆក់កាបូបពី<br />នារី រងគ្រោះបានសម្រេចតែម្ដង ។</p>
<p>សាក្សីបានបន្ដទៀតថា ភ្លាមៗនោះនារី រងគ្រោះបានស្រែកឆោឡោ បង្កឱ្យមានការ ភ្ញាក់ផ្អើល <br />គាប់ជួននឹងកម្លាំងសមត្ថកិច្ច ដែលកំពុងចុះល្បាតនៅក្បែរនោះ បានដេញ តាមជនសង្ស័យ<br />ទាំង២នាក់ ហើយឈាន ទៅដល់ការឃាត់ខ្លួន នៅម្ដុំត្រឡោកបែក។</p>
<p>យោងតាមប្រភពព័ត៌មាន ពីមន្ដ្រីនគរបាល បឹងកក់ទី២ ខណ្ឌទួលគោក បានឱ្យដឹង ថា ជន<br />សង្ស័យទី១ ឈ្មោះ ទេព ថុងណា អាយុ ១៧ឆ្នាំ ថ្នាក់ទី១២ នៅវិទ្យាល័យឥន្ទ្រទេវី ស្នាក់នៅផ្ទះ<br />លេខ ៦៧ សង្កាត់បឹង កក់ទី២ ខណ្ឌទួលគោក និងទី២ឈ្មោះ អ៊ឹម ជីវ៉ា ភេទប្រុស អាយុ១៧ឆ្នាំ <br />ស្នាក់នៅម្ដុំវត្ដ នាគវ័ន្ដ មុខរបរ មិនពិតប្រាកដ ។</p>
<p>ដោយ ឡែកនារីរងគ្រោះមឿន ម៉ាល័យ អាយុ ២០ ឆ្នាំ ជានិស្សិតឆ្នាំទី២ នៅសកលវិទ្យាល័យ <br />អន្ដរជាតិ ។ <br />មន្ដ្រីនគរបាលបឹងកក់ទី២ បានបន្ដទៀត ថា ក្រោយពីការចាប់ខ្លួនពួកគេកម្លាំងសមត្ថ កិច្ចបាន<br />រឹបអូសម៉ូតូ និងកាបូបរបស់នាងរង គ្រោះ ដោយមានលុយ និង ទូរស័ព្ទនៅក្នុង នោះ ហើយ<br />ប្រគល់ឱ្យនារីរងគ្រោះវិញ ។</p>
<p>សម្រាប់ជនសង្ស័យទាំង២នាក់ បច្ចុប្បន្នស្ថិត ក្រោមការសាកសួររបស់សមត្ថកិច្ចដើម្បីកសាង<br />សំណុំរឿង បញ្ជូនទៅតុលាការចាត់ ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-078/Lay-207.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-078/Lay-209.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-078/Lay-208.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>