<p><strong>ភ្នំពេញៈ</strong> ក្នុងមួយរយៈ ពេលចុងក្រោយនេះ គេសង្កេតឃើញថាមាន តារាចម្រៀងប្រុសស្រី ក្នុង<br />ផលិតកម្ម M មួយចំនួនកំពុង តែស្ពាយបង្វេច ចាកចេញពី ផលិតកម្មជាបណ្តើរៗ ។ ជាក់ស្តែង<br />កាលពី ពេលថ្មីៗនេះលោក នីកូ និង កញ្ញា ពេជ្រ សូលីកា ដែលជាតារាចម្រៀង មានភាពលេច<br />ធ្លោ ប្រចាំផលិតកម្មក៏ បានចាកចេញពី ផលិតកម្មមួយនេះ ទៅជ្រកក្រោមដំបូល ផលិតកម្ម<br />ផ្សេងមួយទៀត។</p>
<p>មុនពេលតារាចម្រៀងបែបយុវវ័យ ចូលចិត្តចម្លង ស្ទីលពីកូរ៉េ លោក នីកូ និង កញ្ញា សម្បូររឿង<br />អាស្រូវ ស្នេហា ពេជ្រ សូលីកា បង្ខំចិត្តចាកចេញ ពីផលិតកម្ម M ត្រូវបានមហាជន ដឹងយ៉ាង<br />ប្រាកដ ថាមានតារាចម្រៀងប្រុសស្រី ជាច្រើនដួងរួចមកហើយ បានចាកចេញ ជាបន្តបន្ទាប់ <br />ហើយតារាទាំងនោះច្រើន តែលាក់អាថ៌កំបាំង ពុំដែលទម្លាយ ពីទុក្ខលំបាករបស់ ពួកគេខណៈ<br />ដែល កំពុងជ្រកក្នុងផលិកកម្ម មួយនេះទេ។</p>
<p>តារាចម្រៀងដែលត្រូវបានគេដឹងថា ឆ្អែតចិត្តនិងផលិតកម្ម M ហើយបានចាកចេញជា បណ្តើរ<br />មានដូច ជា លោក សូណូ ,លី អ៊ីវ៉ាធីណា ,ស៊ឹម ថៃណា ,អេនជី ,ឆាយ វីរៈយុទ្ធ , អាន គុណកូឡា<br /> និងតារា ចម្រៀង មួយចំនួនទៀតហើយថ្មីៗនេះ ក៏មានវត្តមានតារាប្រុសស្រី លោក នីកូ និង កញ្ញា<br /> ពេជ្រ សូលីកា ក៏ចាកចេញផងដែរ។ </p>
<p>បើតាមប្រភពក្រៅ ផ្លូវការមួយបង្ហើបប្រាប់ Looking TODAY ដឹងថាមូលហេតុដែលធ្វើឲ្យ តារាប្រុស<br />ស្រី ក្នុងផលិតកម្ម M សម្រេចចិត្តចាកចេញ ពីផលិតកម្ម ដោយសារតែខាង ផលិតកម្មមួយនេះ ដាក់<br />សម្ពាធទៅលើតារា ខ្លាំងពេកទាំងការ ចេញខនស៊ឺត ទៅណាមកណាគ្រប់ទីកន្លែង សូម្បីតែការចេញ<br /> ទៅក្រៅប្រទេស សម្តែងម្តងៗ ក៏ត្រូវតែចែក ចំណែកជាភាគរយ ឲ្យទៅខាងក្រុមហ៊ុន ដែលរាល់ការ<br />និយាយស្តី ទៅខាងក្រៅឬក៏ ជាមួយអ្នកកាសែត ត្រូវឆ្លងកាត់ការ អនុញ្ញាតពីក្រុមហ៊ុន ជាមុនសិន។<br />បញ្ហា នេះ ហើយទើបធ្វើឲ្យ តារាមួយចំនួនទ្រាំ មិនបានក៏ចាកចេញ ពីផលិតកម្មតែម្តងទៅ។</p>
<p>ប្រភពដដែលបានបង្ហើប ប្រាប់ឲ្យដឹងទៀតថា ពេលនេះតារាចម្រៀង ល្បីឈ្មោះជាច្រើន បានចាក<br />ចេញ អស់ស្ទើរគ្មានសល់ ហើយក្រៅពី ការដាក់សម្ពាធទៅ លើតារាបែបនេះ សូម្បីតែបទចម្រៀង<br /> ដែលតារា ចម្រៀងក្នុងផលិតកម្មច្រៀង ក៏គ្មានអត្ថន័យក្រើនរំឮក ទៅដល់យុវវ័យ ជំនាន់ក្រោយនោះ<br />ទេ ។ផ្ទុយ ទៅវិញបទចម្រៀងមាន តែរឿងស្នេហាឱបថើប ស្នេហាត្រីកោណ តែប៉ុណ្ណឹង គ្មានន័យអប់រំ<br />ក្នុងសង្គម ហើយបទចម្រៀង នោះទៀតសោត ក៏មិនមានលំនឹង ដូចបទចម្រៀងដទៃ ដោយគ្រាន់តែ<br />ចេញលក់ ទទួលការចាប់អារម្មណ៍ មួយភ្លេក៏ធ្វើឲ្យគេភ្លេចវិញ។</p>
<p>ជាមួយគ្នានោះដែរ Looking TODAY ក៏បានទាក់ទងទៅ កញ្ញា ម៉េង សុខលាង ដែលជាចាងហ្វាង <br />ផលិតកម្ម M ដើម្បីឲ្យលោកអះអាងពីរឿងនេះ តែទូរស័ព្ទចូល ២ដង គ្មានអ្នកទទួល។</p>
<p>ដោយឡែក Looking TODAY ក៏បានទាក់ទងទៅអ្នកគ្រប់គ្រង តារាចម្រៀងនៅផលិតកម្ម M លោក <br />វណ្ណៈ តែ លោកបានប្រាប់ឲ្យដឹង នៅល្ងាចថ្ងៃទី១៥ ខែឧសភា ឆ្នាំ២០១៣នេះថា “ខ្ញុំមិនអាចនិយាយ<br />អ្វីបានទេ ព្រោះជារឿងសម្ងាត់ របស់ផលិតកម្ម”៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/May/id-017/chetha-115.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0327.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>