<div class="article-content">
<p><strong>-អធិការស្រុកកំពង់ត្របែក បង្កកសំណុំ រឿង មិនបញ្ជូនទៅថ្នាក់លើ និងតុលាការ</strong></p>
<p><strong>ព្រៃវែង ៖</strong> បុរសវ័យ ៥២ឆ្នាំម្នាក់ បាន រងរបួសធ្ងន់ ស្ទើរស្លាប់បាត់បង់ជីវិតដោយ សារតែបុរស<br />ម្នាក់ កាប់នឹងកាំបិតប៉័ងតោ ប្រមាណ ១០កាំបិត រួចហើយរត់គេចខ្លួន បាត់ ប៉ុន្ដែ ក្រោយពីមាន<br />ការដាក់ពាក្យ បណ្ដឹងរួចមក ទើបសមត្ថកិច្ចបានហៅភាគី ទាំងពីរ មកសម្រុះសម្រួលគ្នាតាមរយៈ<br />ការ សងលុយ ចំនួន ៨លានរៀល ទៅឱ្យភាគី ជនរងគ្រោះ ។ ប៉ុន្ដែ បើទោះបីភាគីទាំងពីរ បាន<br />យល់ព្រមបង់លុយ និងទទួលលុយ ដែលជាសំណងរដ្ឋប្បវេណី ក៏ដោយនោះ រីឯ បទល្មើស<br />ព្រហ្មទណ្ឌ ដែលជាបណ្ដឹងអាជ្ញា មិនទាន់ចប់នៅឡើយទេ ពោលជនបង្កត្រូវ តែទទួលទោស<br />តាមផ្លូវច្បាប់ ។ ផ្ទុយទៅ វិញ ជនបង្កវ័យ ៣២ឆ្នាំ នៅបន្ដមានសេរី ភាព ហើយថែមទាំងបោះពាក្យ<br />សំដីទៅជន រងគ្រោះ និងសាច់ញាតិថា កាប់ ៤-១០ កាំបិត យ៉ាងច្រើនបង់លុយ ១០លានរៀល<br /> ជាការស្រេច ។</p>
<p>ជាមួយគ្នានេះ អធិការនគរបាលស្រុក កំពង់ត្របែក ខេត្ដព្រៃវែង បានរងការចោទ ប្រកាន់ថា បាន<br />បង្កកសំណុំរឿងដោយមិន បានបញ្ជូន ទៅកាន់ស្នងការដ្ឋាននគរបាល ខេត្ដព្រៃវែង និងព្រះរាជ<br />អាជ្ញាដំបូងខេត្ដ ពី ព្រោះសំណុំរឿងនេះ បណ្ដឹងអាជ្ញាមិនទាន់ បានបញ្ចប់នៅឡើយទេ ។ នេះបើ<br />យោង តាមការលើកឡើង របស់សាច់ញាតិជនរង គ្រោះ ដែលជាអ្នកចេះច្បាប់មួយរូបផង នោះ។</p>
<p>គួរបញ្ជាក់ថា កាលពីថ្ងៃទី១៨ ខែមេសា ឆ្នាំ ២០១៣ កន្លងទៅ មានករណីបង្ករបួស ស្នាមមួយបាន<br />កើតឡើង ដោយសារតែជន បង្កឈ្មោះ អួន សុភាព អាយុ ៣២ឆ្នាំ បាន ទាញកាំបិតប៉័ងតោ ទៅ<br />កាប់ជនរងគ្រោះ ឈ្មោះ នូវ នី អាយុ ៥២ឆ្នាំ ស្ថិតនៅក្នុងភូមិ ក្រចាប់ក្រោម ឃុំទាមមន្ទា ស្រុកកំ<br />ពង់ត្របែក ខេត្ដព្រៃវែង បណ្ដាលឱ្យជនរង គ្រោះ រងរបួសធ្ងន់លើក្បាល និងដងខ្លួន ស្ទើរស្លាប់<br />បាត់បង់ជីវិត ។ សាច់ញាតិជនរង គ្រោះ បានប្រាប់មជ្ឈមណ្ឌលព័ត៌មានដើម អម្ពិលថា មុនពេល<br />កើតហេតុជនរងគ្រោះ បានអង្គុយផឹកជាមួយឪពុកជនបង្ក ឈ្មោះ នូវ អៀន ស្រាប់តែពេលនោះ<br />មានជម្លោះ ពាក្យសំដីជាមួយគ្នា ហើយក៏បែកទៅផ្ទះ រៀងៗខ្លួន ខណៈដែលជនរងគ្រោះធ្វើ ដំ<br />ណើរទៅរោងចិញ្ចឹមទា ។ សាច់ញាតិជន រងគ្រោះបានបន្ដថា នៅពេលត្រឡប់ទៅផ្ទះ នោះ ឪពុក<br />ជនបង្កបានប្រាប់កូនប្រុសរបស់ ខ្លួនថា មានរឿងជាមួយឈ្មោះ នូវ នី ។ ពេលនោះ ជនបង្ក អួន <br />សុភាព ខឹងច្រឡោតតោតតូង បានទាញកាំបិតប៉័តតោទៅស្រែក ជេរជនរងគ្រោះ នៅកន្លែងរោង<br />ចិញ្ចឹមទា ហើយកាប់ប្រមាណ ១០កាំបិត បណ្ដាលឱ្យ រងរបួសធ្ងន់ ។</p>
<p>ក្រោយបង្កអំពើហិង្សា បណ្ដាលឱ្យជនរងគ្រោះស្ទើរស្លាប់ ជនបង្ករូបនេះបានរត់គេចខ្លួនបាត់ ប៉ុន្ដែ<br /> ដោយសារការដាក់ពាក្យ បណ្ដឹងរបស់សមត្ថកិច្ច ទើបនៅថ្ងៃទី ១៣ ខែឧសភា ឆ្នាំ ២០១៣ មាន<br />ការសម្រប សម្រួលគ្នា ដោយភាគីជនបង្ក ព្រមបង់ លុយចំនួន ៨លានរៀល ។ ក្រោយពីសង <br />លុយរួចហើយ ជនបង្ករូបនេះបានត្រឡប់ មកភូមិវិញ ហើយដើរហើរមានសេរីភាព ព្រមទាំងបោះ<br />ពាក្យសំដីឱ្យជនរងគ្រោះ និង សាច់ញាតិជនរងគ្រោះថា កាប់ ៤-១០ កាំបិត សងលុយ ១០លាន<br />រៀល ជាការ ស្រេច ។</p>
<p>ការគំរាមពាក្យសំដីខាងលើនេះ ធ្វើឱ្យ ជនរងគ្រោះ និងសាច់ញាតិនៅតែមាន អារម្មណ៍ភ័យខ្លាច<br /> ហើយអំពាវនាវឱ្យ សមត្ថកិច្ច មេត្ដាចាត់ការរឿងនេះទៅតាម ផ្លូវច្បាប់ផង ។ ការអំពាវនាវយ៉ាង<br />ដូច្នេះ ដោយសារថាសំណុំរឿងមួយនេះបើទោះបី ភាគីបង្កយល់ព្រមបង់លុយចំនួន ៨លានរៀល<br /> ទៅឱ្យភាគីជនរងគ្រោះក៏ដោយ ប៉ុន្ដែ ដាច់ខាត ត្រូវតែបញ្ជូនសំណុំរឿងទៅកាន់ តុលាការ ផ្ទុយ<br />ទៅវិញ អធិការនគរបាល ស្រុកកំពង់ត្របែក មិនបានបញ្ជូនសំណុំរឿង ទៅលើដែលជាបទល្មើស<br />ព្រហ្មទណ្ឌឡើយ បើទោះបីការសងលុយគ្រាន់តែជាបទល្មើស រដ្ឋប្បវេណីនោះ ។</p>
<p>ជុំវិញករណីនេះ មជ្ឈមណ្ឌលព័ត៌មានដើមអម្ពិល មិនទាន់អាចសុំការបកស្រាយ ពីអធិការនគរបាល<br /> ស្រុកកំពង់ត្របែកនៅ ឡើយទេ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-067/CH-0649.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>