<p>អន្តរជាតិ ៖ បើយោងតាមសេចក្តីរាយការណ៍ដែលបានចេញផ្សាយដោយទំព័រសារព័ត៌មាន<br /> បរទេស Happening កាលពីពេលកន្លងទៅនេះ បានបញ្ជាក់អោយដឹងថា ស្រ្តីម្នាក់ត្រូវបាន<br /> ចាប់ឃាត់ខ្លួន បន្ទាប់ពីរកអោយឃើញថា បានខាំដាច់ផ្នែកខ្លះនៃអណ្តាតមិត្តប្រុសរបស់ខ្លួន<br /> ខណៈពេលដែលមានជម្លោះនៅក្នុងអំឡុងថ្ងៃបុណ្យនៃសេចក្តីស្រឡាញ់កាលពីពេលកន្លង<br /> ទៅ។</p>
<p><a class="thickbox" title="" href="/FileManager/Commons/2013/2/22/10-22-02-2013--09-51-34.jpg"><img src="/FileManager/Articles/mce/2013/2/22/10-22-02-2013--09-51-34.jpg" alt="" width="454" height="347" /></a></p>
<p>លើសពីនេះទៅទៀត បើយោងតាមសម្តីមន្រ្តីប៉ូលីសបានបញ្ជាក់អោយដឹងថា ស្រ្តីដែលជា<br /> ជនជាប់ចោទរូបនោះមានឈ្មោះថា Elaine Cook ជាពលរដ្ឋរស់នៅក្នុងរដ្ឋ Illinois សហរដ្ឋ<br /> អាមេរិក។ ដោយឡែក បើយោងតាមប្រភពសារព័ត៌មានដដែលបានអោយដឹងថា នៅក្នុង<br /> អំឡុងថ្ងៃបុណ្យនៃសេចក្តីស្រឡាញ់ គូស្នេហ៍មួយគូនេះ បានចេញទៅក្រៅជាមួយគ្នា លុះ<br /> ពេលត្រលប់មកវិញ បែរជាឈ្លោះប្រកែកគ្នា រហូតដល់ជាកើតមានអំពើហិង្សា ដោយមាន<br /> ពេលមួយនោះ ជនជាប់ចោទក៏បានខាំដាច់ផ្នែកខ្លះនៃអណ្តាតមិត្តបុ្រសរបស់ខ្លួនតែម្តង។</p>
<p>ភ្លាមៗនោះ ក៏មានការអន្តរាគមន៍ពីសំណាក់ក្រុមមន្រ្តីប៉ូលីសដោយបានបញ្ជូនជនរងគ្រោះ<br /> ទៅកាន់មន្ទីរពេទ្យ ស្របពេលដែលជនជាប់ចោទ ត្រូវរងការចោទប្រកាន់ពីបទបង្ករបួស<br /> ស្នាម៕</p>
<p style="text-align: right;">ដោយ ៖ ពិសិដ្ឋ<br /> ប្រភព ៖ Happening</p>