<p>យន្ដហោះខ្នាតតូចមួយគ្រឿង បានហោះបុកផ្ទះមួយខ្នង ក្នុងតំបន់ដែលមានប្រជាជនរស់នៅច្រើន<br /> ក្បែរព្រលានយន្ដហោះ Midway នៅ Chicago អាមេរិក កាលពីថ្ងៃទី ១៨កន្លងទៅ បណ្ដាលឱ្យអ្នក<br />បើកបរយន្ដហោះម្នាក់ បាត់បង់ជីវិត។</p>
<p style="text-align: center;"><a class="thickbox" title="" href="/FileManager/Commons/2014/11/19/usa0-19-11-2014--13-41-03.jpg"><img src="/FileManager/Articles/mce/2014/11/19/usa0-19-11-2014--13-41-03.jpg" alt="" width="442" height="382" /></a></p>
<p>មន្ទីរពន្លត់អគ្គិភ័យ ឱ្យដឹងថា គេមិនទាន់ដឹងច្បាស់អំពីអត្តសញ្ញាណរបស់អ្នកបើកបរយន្ដហោះនេះ ដែលជាមនុស្សតែម្នាក់គាត់នៅលើយន្ដហោះ។ យន្ដហោះខាងលើនេះ បានហោះទៅបុកទម្លុះផ្ទះ<br />មួយខ្នង នៅតាមបណ្ដោយដងផ្លូវ S.Knox។</p>
<p>ចំណែកប្ដីប្រពន្ធវ័យចំណាស់មួយគូ ដែលរស់នៅក្នុងផ្ទះនេះ មិនទទួលរងរបួសស្នាមអ្វីនោះទេ <br />ដោយបន្ទាប់ពីកើតហេតុភ្លាម អ្នកជិតខាងម្នាក់ បានជួយនាំពួកគាត់ចេញពីផ្ទះ។ គ្រោះថ្នាក់យន្ដ<br />ហោះដែលបានកើតឡើងកាលពីវេលាម៉ោង ២ និង ៤០នាទីទាបភ្លឺ (ម៉ោងក្នុងស្រុក) នេះ មិនបាន<br />បង្កឱ្យមានការផ្ទុះឆេះនោះដែរ។</p>
<p style="text-align: center;"><a class="thickbox" title="" href="/FileManager/Commons/2014/11/19/usa5-19-11-2014--13-42-59.jpg"><img src="/FileManager/Articles/mce/2014/11/19/usa5-19-11-2014--13-42-59.jpg" alt="" /></a></p>
<p>Michael Fox អគ្គនាយករបស់មន្ទីរពន្លត់អគ្គិភ័យនៅ Chicago ឱ្យដឹងថា ម្ចាស់ផ្ទះ កំពុងសម្រាន្ត<br />នៅក្នុងបន្ទប់មួយក្បែរបន្ទប់ទទួលភ្ញៀវ ហើយបន្ទប់ទទួលភ្ញៀវ ត្រូវខូចខាតទាំងស្រុង។</p>
<p>ក្រុមបុគ្គលិកពន្លត់អគ្គិភ័យ ត្រូវរង់ចាំនៅខាងក្រៅមួយរយៈពេល ទើបអាចចូលទៅខាងក្នុងផ្ទះ <br />ដោយសារតែផ្ទះនេះ មិនមានសុវត្ថិភាព ក្រោយពីគ្រោះថ្នាក់។</p>
<p style="text-align: center;"><a class="thickbox" title="" href="/FileManager/Commons/2014/11/19/usa1-19-11-2014--13-41-48.jpg"><img src="/FileManager/Articles/mce/2014/11/19/usa1-19-11-2014--13-41-48.jpg" alt="" width="490" height="276" /></a></p>
<p>នាយកដ្ឋានអាកាសចរណ៍អាមេរិក (FAA) ក៏បានឱ្យដឹងថា អ្នកបើកបរយន្ដហោះដែលជួបគ្រោះ<br />ថ្នាក់នេះ បានរាយការណ៍អំពីបញ្ហាម៉ាស៊ីនភ្លាមៗ បន្ទាប់ពីបានហោះឡើង ហើយបានព្យាយាម<br />ហោះត្រឡប់មកព្រលានយន្ដហោះ Midway នៅ Chicago មុនពេលជ្រុលទៅបុកផ្ទះ។</p>
<p><object style="display: block; margin-left: auto; margin-right: auto;" width="502" height="430" data="http://www.youtube.com/v/OkYsN_HxzNE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/OkYsN_HxzNE&rel=1" /></object></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ RT/Youtube</p>