ក្នុងដំណើរទេសចរណ៍ទៅកាន់ខេត្ដសៀបរាប យើងតែងគិតថាតម្លៃសណ្ឋាគារនៅទីនោះ
ថ្លៃ ប៉ុន្ដែប្រសិនបានធ្វើដំណើរកំសាន្ដតាមកប៉ាលបែបសណ្ឋាគារខាងក្រោមនេះ តើអ្នក
យល់យ៉ាងណា?
Norwegian Breakaway

កប៉ាលដែលមានឈ្មោះថា Breakaway នេះ មិនត្រឹមតែប្រណិតនោះទេ តែវាក៏អាចផ្ទុក
មនុស្សបានរហូតដល់ ៤.០០០នាក់។ បន្ទប់និមួយៗនៅលើកប៉ាល់សុទ្ធតែមានរាននៅក្បែរ
ដើម្បីអោយភ្ញៀវទេសចរណ៍អាចគយគន់ទេសភាព។ បើទោះជារហូតដល់ឆ្នាំ ២០១៣ ទើប
កប៉ាល់នេះដំណើរការជាផ្លូវការ ប៉ុន្ដែតម្លៃសម្រាប់មួយយប់នៅលើកប៉ាល់ប្រណិតនេះត្រូវ
បានគេអោយដឹងថា មានតម្លៃដល់ទៅ ១.៣៤៩ដុល្លារអាមេរិក។
Canival Spirit

កប៉ាល់នេះ ត្រូវបានគេប្រៀបប្រដូចទៅនឹងសណ្ឋាគារប្រណិត ដោយសារថាវាមានបន្ទប់
កាស៊ីណូមួយសម្រាប់អោយភ្ញៀវលេងល្បែង រួមជាមួយនឹងបន្ទប់ស្ប៉ា រោងកុន និងក្លិប
ផ្សេងៗជាច្រើនទៀត។ ក្រៅពីនេះ កប៉ាលត្រូវបានធ្វើឡើងពីប្រភេទឈើ និងកញ្ចក់ធុន
ប្រណិតៗផងដែរ។ តម្លៃសំបុតសម្រាប់មួយយប់ស្នាក់នៅលើកប៉ាល់នេះគឺ ១.៦៤៩ដុល្លារ
អាមេរិក។
Crystal Serenity

Crystal Serenity ធ្លាប់ត្រូវបានគេហទំព័រទេសចរណ៍ Cond� Nast Traveler សរសើរថា ជា
កប៉ាល់ល្អឯក ដំណើររបស់កប៉ាល់នេះគឺចាប់ផ្ដើមពី ឡូសអនជឺឡេស ទៅកាន់ ហាវ៉ៃ។ តម្លៃ
សម្រាប់មនុស្សម្នាក់ គឺ ១៥.៤៩០ដុល្លារអាមេរិក។
Destiny Dream

កប៉ាល់ប្រណិត Destiny Dream មានអាងហែលទឹកចំនួន ៣ ប្រភេទផ្សេងៗគ្នា ១សម្រាប់
ក្មេង ១ទៀតសម្រាប់មនុស្សពេញវ័យ និង ១ផ្សេងទៀតសម្រាប់ក្រុមគ្រួសារ។ ជាងនេះទៅ
ទៀត វាក៏មានក្លឹបរាត្រីចំនួន ៥ រួមនឹងភោជ្ជនីយដ្ឋានលំដាប់ខ្ពស់ជាច្រើន និងរោងកុន 3D
១ទៀតផងដែរ។
Herbidean Princess

ដើម្បីអោយភ្ញៀវម្នាក់ៗទទួលអារម្មណ៍ថា បានក្លាយជាម្ចាស់កប៉ាល់នេះរៀងៗខ្លួន Herbidean
Princess ទទួលភ្ញៀវត្រឹមតែ ៥០នាក់ប៉ុណ្ណោះ។ តម្លៃសំបុតសម្រាប់មនុស្សម្នាក់ក្នុង ៧យប់
នៅលើកប៉ាល់នេះគឺ ៦.៧៩០ដុល្លារ។
Gauguin Cruises

នៅលើកប៉ាល់ Gauguin Cruises នេះ អ្នកអាចហែលទឹក មុជទឹក និងលេងល្បែងនៅក្នុង
កាស៊ីណូបាន។ ប៉ុន្ដែ តម្លៃរបស់វាមិនមែនថោកនោះទេ គឺ ៨.៧២៧ដុល្លារសម្រាប់ ៧យប់៕
ដោយ ៖ សូរីយ៉ា
ប្រភព ៖ VE