<div class="article-content">
<p><strong>ភ្នំពេញ៖</strong> អ្នកសុំទានម្នាក់ផ្ទុះអំពើហិង្សាចាក់សម្លាប់ នាយកសាលាបឋមសិក្សាទួលស្លែង ព្រោះខឹង<br />លោកនាយក ដេញមិនឲ្យសុំទាននៅមុខសាលា កាលពីម៉ោង ២ និង ៥៥ នាទីរសៀលថ្ងៃទី២៣ ខែ<br />មិថុនា ឆ្នាំ២០១៣ នៅទល់ មុខសាលាបឋមសិក្សាទួលស្លែង ផ្លូវលេខ១៧៣ សង្កាត់ទួលស្វាយព្រៃ<br />ទី១ ខណ្ឌចំការមន។</p>
<p>លោកនាយកសាលា ដែលស្លាប់បាត់បង់ជីវិត ពេលបញ្ជូនដល់មន្ទីរពេទ្យ ក្រោមចុងកាំបិតអ្នកសុំ<br />ទានមានឈ្មោះ ស្រ៊ី ឆៃគីម អាយុ ៦៣ឆ្នាំ។ ចំណែកជនល្មើសជាអ្នកសុំទាន មានឈ្មោះ សំ ជៀន<br /> ភេទប្រុស អាយុ ៤០ ឆ្នាំ មាន ស្រុកកំណើតនៅផ្ទះលេខ ១៦២ ភូមិភ្លៅ ឃុំព្រៃឈរ ស្រុកកំពងត្រ<br />បែក ខេត្តព្រៃវែង។</p>
<p>ជុំវិញករណីឃាតកម្មនេះ សាក្សីនៅកន្លែងកើតហេតុបាននិយាយរៀបរាប់ប្រាប់សមត្ថកិច្ចថា មុន<br />ពេលកើតហេតុ លោកនាយក ស្រ៊ី ឆៃគីម បានដើរមកខាងក្រៅសាលា ហើយឃើញជនល្មើស សំ <br />ជៀន កំពុងដើរសុំទានសិស្ស សាលា នៅមុខសាលា នាំឲ្យបាត់បង់សណ្តាប់ធ្នាប់ជិតសាលារៀន<br />នោះ លោកនាយកបានទៅនិយាយណែនាំ បុរសសុំទានកុំឲ្យមកប្រព្រឹត្តសកម្មភាពនេះ នៅមុខ<br />ក្មេងៗ ជាសិស្សសាលា នឹងបាននិយាយថា រូបរាងកាយរឹងមាំ ប៉ុណ្ណឹងដែរ ហេតុអ្វីមិនទៅរកការងារ <br />ចាំបាច់មកដើរសុំទានបែបនេះ។</p>
<p>គ្រាន់តែបានឮសម្តីរបស់លោកនាយកសាលាប្រាប់ដូច្នេះ បុរសសុំទាន សំ ជៀន ខឹងសម្បាយ៉ាង<br />ខ្លាំង សម្រេចដក កូនកាំបិតពីក្នុងកាបូបស្ពាយស្ទុះមកចាក់នាយកសាលា ចំក្រោមឃ្លៀកមួយកាំ<br />បិតបណ្តាលឲ្យលោកនាយករងរបួស ធ្ងន់ធ្ងរ ហូរឈាមស្រោចពេញខ្លួន និងស្លាប់ពេលបញ្ជូនដល់<br />មន្ទីរពេទ្យ។ ចំណែកជនល្មើស បានរត់គេចខ្លួន ឆ្ងាយ ពីកន្លែងកើតហេតុ ជិតមួយគីឡូម៉ែត្រ ក៏ត្រូវ<br />សមត្ថកិច្ចមូលដ្ឋានចុះមកអន្តរាគមន៍ តាមចាប់ឃាត់ខ្លួន បានយកទៅ កាន់ទីស្នាក់ការនគរបាល<br />ប៉ុស្តិ៍ទួលស្វាយព្រៃទី១ ដើម្បីធ្វើការសាកសួរ។</p>
<p>ពាក់ព័ន្ធករណីខាងលើនេះ សមត្ថកិច្ចកំពុងធ្វើការសាកសួរ និងរៀបចំកសាងសំណុំរឿង ដើម្បី<br />បញ្ជូនទៅសាលា ដំបូងរាជធានីភ្នំពេញ រង់ចាំដោះស្រាយតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-220.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-221.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-222.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>