<p><strong>ភ្នំពេញៈ</strong> សម្តេចនាយករដ្ឋមន្រ្តីនៅទីបំផុតបាន ផ្តល់យុត្តិធម៌យ៉ាងពិតប្រាកដដល់ប្រជាពលរដ្ឋ<br /> ដែលរស់នៅជុំវិញ សិប្បកម្មផលិតទឹកកក ក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សី<br />កែវ ដោយសម្តេចបានបញ្ជាឲ្យបិទ សិប្បកម្មនេះតែម្តង នៅយប់ថ្ងៃទី១០ ខែឧសភា ឆ្នាំ២០១៣<br />នេះ។ នេះជាការប្រកាស របស់អភិបាលខណ្ឌឬស្សី កែវ លោក ឃ្លាំង ហួត ទៅកាន់ប្រជាពលរដ្ឋ<br />ស្ថិតនៅមុខរោងចក្រសិប្បកម្មផលិតទឹកកក។</p>
<p>ក្រោយពីការប្រកាសនូវបទបញ្ជាដ៏យុត្តិធម៌បំផុតរបស់សម្តេចនាយករដ្ឋមន្រ្តី ហ៊ុន សែន ធ្វើឲ្យប្រ<br />ជាពលរដ្ឋទាំង មូលនាំគ្នាទះដៃអបអរថ្លែងអំណរគុណរកទីបំផុតគ្មាន ដល់សម្តេចនាយករដ្ឋមន្រ្តី<br /> ហ៊ុនសែន។ បទបញ្ជារបស់ នាយករដ្ឋមន្ត្រីបញ្ជាឲ្យបិទរោងចក្រផលិតទឹកកកជាស្ថាពរ បានធ្វើ<br />ឡើងក្រោយពីទទួលព័ត៌មានថា ប្រជាពលរដ្ឋ ជាច្រើននាក់ ជាពិសេសស្ត្រីកូនខ្ចី និងក្មេងតូចៗ <br />ធ្លាក់ខ្លួនឈឺជាបន្តបន្ទាប់ ត្រូវអជ្ញាធរបញ្ជូនទៅមន្ទីរពេទ្យជួយ សង្រ្គោះ។</p>
<p>នៅចំពោះមុខប្រជាពលរដ្ឋលោកអភិបាល ឃ្លាំង ហួត បានមានប្រសាសន៍ថា សម្តេចនាយករដ្ឋ<br />មន្រ្តី បានបញ្ជាឲ្យ បិទសិប្បកម្មផលិតទឹកកកនេះ ជាស្ថាពរតែម្តង។ បើតាមលោក ឃ្លាំង ហួត នេះ<br />ជាលិខិតទី១ ដែលលោកចុះហត្ថ លេខា ហើយត្រូវបានបដិសេធផ្អាកអាជីវកម្មរបស់ខ្លួន។</p>
<p>នៅវេលាម៉ោង ១០ និង៥នាទីយប់ថ្ងៃទី១០ ខែឧសភា ឆ្នាំ២០១៣ ព្រះរាជអាជ្ញារងសាលាដំបូងរាជ<br />ធានីភ្នំពេញ លោក មាស ច័ន្ទពិសិដ្ឋ អភិបាលរាជធានីភ្នំពេញ លោក ប៉ា សុជាតិវង្ស និងស្នងការ<br />នគរបាលរាជធានីភ្នំពេញ លោកឧត្តមសេនីយ៍ឯក ជួន សុវណ្ណ បានអញ្ជើញចុះដល់ទីតាំងសិប្ប<br />កម្មផលិតទឹកកក និងបិទតែម្តង។</p>
<p>កូនប្រុសលោក តុង សេង អភិបាលរងខេត្តកំពង់ស្ពឺ ដែលជាម្ចាស់ទីតាំងសិប្បកម្មផលិតទឹកបង្ក<br />ទុក្ខទោសដល់ ប្រជាពលរដ្ឋនេះ បានសន្យានៅចំពោះមុខអភិបាលរាជធានីភ្នំពេញថា លោកមិន<br />ត្រឹមតែបញ្ឈប់នោះទេ គឺព្រមរើទីតាំង តែម្តង។ ការអះអាងគ្រានេះ គឺផ្ទុយស្រឡះពីគ្រាដំបូង ដែល<br />ហាក់មានចរិតរឹងទទឹង ដោយមិនខ្វល់ពីការតវ៉ារបស់ សមត្ថកិច្ចឡើយ រហូតហ៊ានបោះសំដីថា <br />«សូម្បីតែស្តេច ក៏មិនខ្លាចដែរ»។</p>
<p>បន្ទាប់ពីប្រកាសបិទអាជីវកម្មរោងចក្រសិប្បកម្មខាងលើនេះហើយ លោក ប៉ា សុជាតិវង្ស សមត្ថ<br />កិច្ច និងអាជ្ញាធរជា ច្រើនទៀត បានអញ្ជើញចុះទៅសួរសុខទុក្ខប្រជាពលរដ្ឋ ដែលកំពុងសម្រាក<br />ព្យាបាលជំងឺនៅមន្ទីរពេទ្យផងដែរ។</p>
<p>ក្រុមប្រជាពលរដ្ឋជាមួយសំឡេងហ៊ោកញ្ជ្រៀវសាទរ បានលើកម្រាមដៃទាំង១០ សំពះថ្លែងអំណរ<br />គុណសម្តេចតេ ជោ ហ៊ុន សែន ព្រមទាំងអជ្ញាធរ និងសមត្ថកិច្ចទាំងអស់ ដែលបានព្យាយាមខ្នះ<br />ខ្នែង និងកាត់ក្តីប្រកបដោយមហា យុត្តិធម៌ជូនពួកគាត់ ដើម្បីនាំត្រឡប់មកវិញនូវបរិស្ថានល្អ និង<br />សុខភាពដ៏ប្រសើរជូនពួកគាត់វិញ៕</p>
<div>
<div></div>
</div>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-106.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-108.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-110.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-111.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-112.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>