<p>ព័ត៌មានអន្តរជាតិ ៖ ទំព័រសារព័ត៌មានបរទេស Channelnewsasia របស់សឹង្ហបុរី កាលពីប៉ុន្មានម៉ោង មុននេះបន្តិច បានចេញសម្រង់ អត្ថបទសារព័ត៌មាន អោយដឹងថា យ៉ាងហោចណាស់ មនុស្ស ១៧ នាក់បានទទួលរងរបួស ធ្ងន់ និង ស្រាល ក្រោយពីមានករណី គ្រោះថ្នាក់ធម្មជាតិ រញ្ជួយដី វាយប្រ ហារទៅលើក្រុងតូក្យូ ប្រទេសជប៉ុន កក្រើក និង អង្រួនអស់ បណ្តាសំណង់អាគារខ្ពស់ ដោយនៅ ក្នុងនោះ ពុំមានការប្រកាសអាសន្ន ស្តីពីរលកយក្សស៊ូណាមិនោះទេ ។</p>
<p>សេចក្តីរាយការណ៍ ដដែល បន្តអោយដឹងថា គ្រោះរញ្ជួយដីលើកនេះ មានកម្លាំងដល់ទៅ ៦ រ៉ិចទ័រ ខណៈបានកើតឡើង កាលពីព្រឹកថ្ងៃច័ន្ទ ដើមសប្តាហ៍នេះ ។</p>
<p><a class="thickbox" title="" href="/FileManager/Commons/2014/5/5/51-05-05-2014--15-28-28.jpg"><img src="/FileManager/Articles/mce/2014/5/5/51-05-05-2014--15-28-28.jpg" alt="" /></a></p>
<p><span id="result_box" lang="km"><span class="hps">ទីភ្នាក់ងារ</span><span>ឧតុនិយម</span><span>របស់ជប៉ុន</span><span>បានឱ្យដឹងថា គ្រោះធម្មជាតិមួយនេះ បានកើតឡើង កាលពីវេលា ម៉ោង ៥ និង ១៨ នាទីព្រឹក (ម៉ោងក្នុងស្រុក ប្រទេសជប៉ុន) ដោយនៅក្នុងនោះ ចំនុចនៃការផ្ទុះឡើង គ្រោះរញ្ជួយដី ផ្តើមចេញពីចំនុចកណ្តាលមួយ នៅជិតកោះ Izu Oshima ភាគនិរតី ប្រទេស ជប៉ុន។ </span></span></p>
<p><span lang="km"><span>US Geological Survey បានសរបញ្ជាក់អោយដឹងថា គ្រោះរញ្ជួយដី ដ៏មានឥទ្ធិពលមួយនេះ បាន កើនឡើងពី ៥,៨ រ៉ិចទ័រ មានកម្លាំងអង្រួនចេញពីជម្រៅ ១៥៥ គ.ម និងមានរយៈចម្ងាយពីក្រុងតូក្យូ ប្រមាណ ៩៨ គីឡូម៉ែត្រ ៕</span></span></p>
<p style="text-align: right;">ប្រែសម្រួល ៖ កុសល<br />ប្រភព ៖ channelnewsasia</p>