<p><span style="color: #000000;"><strong>ភ្នំពេញ៖</strong> តារាចម្រៀងពូកែលេងស្ទីល បែបយុវវ័យប្រចាំ ក្នុងផលិតកម្មសាន់ដេ លោក អ៊ីណូ ត្រូវបានគេមើលថា ក្នុងរយៈកាលចុងឆ្នាំ២០១៤នេះ ភាពមមាញឹកក្នុងអាជីពសិល្បៈ ហាក់កំពុងតែមានសន្ទុះ កើនឡើងទ្វេដង ទាំងការចេញបទចម្រៀង ក្នុងផលិតកម្ម ការប្រគំតន្រ្តី លក់សំបុត្រតាមឆាក ក្នុងខេត្តនានា និងការសម្ដែងរឿងជាដើម។ ជាក់ស្ដែងថ្មីៗនេះ លោក អ៊ីណូ បានបង្ហាញវត្តមាន ឲ្យក្រឡឹមៗក្នុងខ្សែភាពយន្ត របស់ផលិតកម្មសាន់ដេ គឺរឿង "សង្សារខ្មោច" និងកំពុងតែចាក់ញ្ចាំងតាមរោងភាពយន្តនានាទូទាំងប្រទេស។</span></p>
<p><span style="color: #000000;">អ្វីដែលជាការកត់ សម្គាល់ថ្មីមួយទៀត នៅក្នុងរដូវនៃព្រះរាជ ពិធីបុណ្យអុំទូក អកអំបុក និងសំពះព្រះខែ នេះ តារាចម្រៀង អ៊ីណូ ត្រូវបានក្រុមហ៊ុន ដែលធ្វើការប្រគំ តន្រ្តីអបអរសាទរ និងការតាំងពិព័រណ៍ផលិតផលផ្សេងៗ បានចុះកិច្ចសន្យាច្រៀង នៅលើឆាក រយៈពេល៣ថ្ងៃពេញរួចរាល់ ជាហេតុធ្វើឲ្យលោក អ៊ីណូ កាន់តែមានប្រជាប្រិយភាព និងការគាំទ្រខ្លាំងឡើង។</span></p>
<p><span style="color: #000000;">តារាចម្រៀង អ៊ីណូ បានទទួលស្គាល់ថា ឈានចូលដល់ដើមរដូវប្រាំងនេះ ការងារសិល្បៈ របស់លោកពិតជា មានភាពមមាញឹកមែន ហើយបទចម្រៀង ក្នុងផលិតកម្ម ក៏ត្រូវបានចេញលក់ជាហូរហែ ។ ជាក់ស្ដែងដូចជាបទល្បីៗកំពុងពេញនិយម ពីសំណាក់យុវវ័យ រួមមានបទ "បេះដូងស្នេហ៍ផ្ទុះ Boom Boom , ប្រុសក្រញ៉ាញ់ខូចចិត្ត,ពេលបងធ្វើព្រាន ទើបអូនចេះស្មោះ "និងបទ"សង្សារខ្ញុំគេលួច"ជាដើម ។ ជាពិសេសបទ "បែកអូនប្រាំខែ អូនស្អាតជាងមុន" ដែលទើបតែចេញថ្មីៗនេះ កំពុងតែពេញនិយមខ្លាំង នៅលើទីផ្សារចម្រៀង ក្នុងស្រទាប់យុវវ័យ ។</span></p>
<p><span style="color: #000000;">ម្ចាស់បទ "ពេលបងធ្វើព្រាន ទើបអូនចេះស្មោះ" លោក អ៊ីណូ និយាយថា " បាទបង..! ខ្ញុំរវល់មែន នៅចុងឆ្នាំនេះ ព្រោះមានគេទាក់ទងច្រើន ។ នៅក្នុងបុណ្យអំទូក ៣ថ្ងៃហ្នឹង គឺខ្ញុំរវល់ជាប់ៗគ្នាពេញតែម្ដង..! ច្រៀងតាមប៉ុស្ដិ៍ទូរទស្សន៍ ថ្ងៃទី១ ប៉ះជាមួយ តារាចម្រៀងក្នុងផលិតកម្ម ជាមួយគ្នា។ ខ្ញុំគិតថា ការងារសិល្បៈរបស់ខ្ញុំ ចូលដល់ចុង ឆ្នាំ២០១៤នេះ កាន់តែរវល់ច្រើន តែទោះជាយ៉ាងណា ក៏សប្បាយដែរ ព្រោះខ្ញុំពេញចិត្ត នឹងការងារនេះ គឺធ្វើមិនខ្លាចហត់ទេបង..!"។</span></p>
<p><span style="color: #000000;">តារាចម្រៀង ក្នុងផលិតកម្មសាន់ដេ លោក អ៊ីណូ ក្រៅពីព័ត៌មាននៃភាពកាក់កប ក្នុងអាជីពរបស់ខ្លួន ថ្មីៗនេះ លោកក៏បានជំពប់នូវចំហាយរឿងរ៉ាវ ស្នេហ៍ថ្មីថ្មោង ជាមួយនឹងអ្នកសិល្បៈដូចគ្នា ហើយត្រូវបានបណ្ដាញព័ត៌មាននានា ចុះផ្សាយជាហូរហែ ។ ប៉ុន្តែព័ត៌មាននេះ ត្រូវបានស្ងប់ រលប់ទៅវិញ ក្រោយពីតារា រូបនេះ តែងតែចេញមុខបដិសេធថា ពុំមែនជាការពិត ពោលគឺគ្រាន់តែជាពាក្យ ចចាមអារ៉ាម និងការសង្ស័យប៉ុណ្ណោះ៕</span></p>
<p style="text-align: center;"><span style="color: #000000;"><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2014/11/4/theng-9-04-11-2014--13-39-22.jpg"><img src="/FileManager/Articles/mce/2014/11/4/theng-9-04-11-2014--13-39-22.jpg" alt="" /></a></span></p>
<p style="text-align: center;"><a class="thickbox" title="" href="/FileManager/Commons/2014/11/4/theng-4-04-11-2014--13-39-31.jpg"><img src="/FileManager/Articles/mce/2014/11/4/theng-4-04-11-2014--13-39-31.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/11/4/theng-9-04-11-2014--13-39-22.jpg"></a><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/id-140/theng-5.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/id-140/theng-5.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/id-140/theng-6.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/id-140/theng-7.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/November/id-140/theng-8.jpg" alt="" width="600" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>