<p>ព័ត៌មានអន្តរជាតិ ៖ បើយោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស អាស៊ីវ័ន ដែលទើបតែបានចេញផ្សាយ កាលពីពេលកន្លងទៅនេះ អោយដឹងថា យ៉ាងហោចណាស់ មាននិស្សិតម្នាក់ រងរបួស ក្រោយពីមាន ករណី បាញ់បោះគ្រាប់ពិត នៅឯ បរិវេន សកលវិទ្យាល័យ <span id="Zoom">U.S. South Carolina State University សហរដ្ឋអាមេរិក ។ </span></p>
<p><span><a class="thickbox" title="" href="http://camnews.com.kh/FileManager/Commons/2014/1/25/n-south-carolina-shooting-large570-25-01-2014--10-45-01.jpg"><img src="http://camnews.com.kh/FileManager/Articles/mce/2014/1/25/n-south-carolina-shooting-large570-25-01-2014--10-45-01.jpg" alt="" /></a><br /></span></p>
<p>បើតាមការអោយដឹង ពីនាយកដ្ឋាន ថ្នាក់សិក្សាមូលដ្ឋាន សកលវិទ្យាល័យអោយដឹងថា មកទល់ នឹងខណៈនេះ ប៉ូលីស ក៏កំពុងតែ កំណត់សម្គាល់ តម្រុយ ដើម្បីឈានទៅដល់ការចាប់ឃាត់ខ្លួន ជនសង្ស័យ ទាំង ៤ នាក់ ។បន្ថែមពីលលើនេះ ប្រភពសារព័ត៌មានដដែល បន្តគូសបញ្ជាក់អោយ ដឹងថា ករណី ផ្ទុះអាវុធ បាញ់បោះគ្រាប់ពិត មួយនេះ បានកើតឡើង កាលពីរសៀល ថ្ងៃសុក្រម្សិល មិញនេះ វេលាម៉ោង ប្រមាណជាង ១ និង ៣០ នាទីរសៀល (ម៉ោងក្នុងស្រុក សហរដ្ឋអាមេរិក) ។</p>
<p><a class="thickbox" title="" href="http://camnews.com.kh/FileManager/Commons/2014/1/25/347530us-shooting-25-01-2014--10-45-12.jpg"><img src="http://camnews.com.kh/FileManager/Articles/mce/2014/1/25/347530us-shooting-25-01-2014--10-45-12.jpg" alt="" /></a></p>
<p>ផ្ទុយទៅវិញ បើយោងតាមសេចក្តីថ្លែងការណ៍ ចុងក្រោយបង្អស់ ពីសកលវិទ្យាល័យអោយដឹងថា ក្រុមមន្រ្តីប៉ូលីស ក៏កំពុងតែ ធ្វើការតាមដានស៊ើបអង្កេតរបស់ខ្លួន ក្នុងការតាមប្រមាញ់ជនសង្ស័យ ទាំង ៤ នាក់ បន្ទាប់ពីមានការស្រាយបំភ្លឺ ក៏ដូចជា បញ្ជាក់អត្តសញ្ញាណ ពីសំណាក់សាក្សីដែល បានឃើញហេតុការណ៍ខាងលើ ដោយផ្ទាល់ ។</p>
<p><a class="thickbox" title="" href="http://camnews.com.kh/FileManager/Commons/2014/1/25/south-carolina-state-university-25-01-2014--10-45-22.jpg"><img src="http://camnews.com.kh/FileManager/Articles/mce/2014/1/25/south-carolina-state-university-25-01-2014--10-45-22.jpg" alt="" /></a></p>
<p>គួររំឭកផងដែរថា ជនរងគ្រោះ ដែលបានរងគ្រោះដោយសារតែ ការផ្ទុះអាវុធនោះ បើតាមរបាយកា រណ៍ពុំទាន់ មានប្រភពច្បាស់ការណ៍ណាមួយ បញ្ជាក់អោយដឹងពីស្ថានភាព ជម្ងឺរបស់គេនៅឡើយ ទេ ថាតើ វាពិតជា មានការគម្រាមគំហែង ដល់អាយុជីវិត ឬក៏យ៉ាងណា ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>