CamNews

---

កាលពីឆ្នាំ២០១០ Ardi Rizal អាយុ ២ឆ្នាំបានធ្វើអោយមានការភ្ញាក់ផ្អើលនៅពេលដែលរូបភាព
របស់ក្មេងប្រុសម្នាក់នេះជក់បារីបានលេចចេញជាសាធារណៈ Ardi ចេះជក់បារីអស់មួយថ្ងៃ
៤០ដើមតាំងពីនៅអាយុ១៨ខែមកម្លេះ។ ហើយនៅពេលនេះមានម្នាក់ទៀតហើយដែលបាន
បង្កអោយមានភាពភ្ញាក់ផ្អើលដូចគ្នានេះ Ilham អាយុ៨ឆ្នាំជាជនជាតិ ឥណ្ឌូនេស៊ី ដូច Ardi
Rizal ដែរនោះបានចាប់ផ្ដើមចេះជក់បារីតាំងពីនៅអាយុ ៤ឆ្នាំមកម្លេះដោយបន្តជក់មកដល់
សព្វថ្ងៃនេះក្នុងមួយថ្ងៃ ២កញ្ចប់។

បុគ្គលិកក្រុមអ្នកគាំពារកុមារ ឥណ្ឌូនេស៊ី បាននិយាយថានេះគឺជាគំរូមួយដែលរដ្ឋាភិបាល
គ្នានប្រសិទ្ធិភាពក្នុងការគ្រប់គ្រងបញ្ហាថ្នាំជក់ក្នុងប្រទេស។ ក្រៅពីម្ហូបអាហារទៅ បារីគឺជា
ខ្ទង់ចំណាយធំទឺ ២សម្រាប់ប្រជាជននៅអាស៊ីអាគ្នេយ៍ដែលក្នុងមួយគ្រួសារ អាចចំណាយ
ដល់ទៅ ២.៥ដុល្លាសហរដ្ឋអាមេរិកក្នុងមួយថ្ងៃ។

នៅ ឥណ្ឌូនេស៊ី ពុំមានការកំនត់អាយុក្នុងការជក់បារីនោះទេ។ ឪពុករបស់ Ilham ដែលជា
អ្នករត់ម៉ូតូឌុបក្នុងតំបន់បានប្រាប់ថា "កូនខ្ញុំវាចេះជក់ តាំងពីអាយុ ៤ឆ្នាំមកម្លេះ ហើយវាជក់
ជាទម្លាប់គឺ ២កញ្ចប់ក្នុងមួយថ្ងៃ កូនខ្ញុំមួយនេះវាមិនចង់ទៅរៀនទេ វាគិតតែនៅផ្ទះមួយថ្ងៃ
មួយថ្ងៃគិតតែលេងនិងជក់ ហើយប្រសិនបើមិនអោយវាជក់ទេ វាគំរាមដុតផ្ទះចោលទៀត
ផង ជួនកាលវាគប់កញ្ចក់បង្អួច គប់កញ្ចក់ទូរទស្សន៍បែក ដោយសារតែមិនមានបារីអោយ
វាជក់"។