<p>ព័ត៌មានអន្តរជាតិ ៖ ដោយសីតុណ្ហភាពចេះតែកើនកំដៅ បាឡុងហោះ ដែលផ្ទុកមនុស្សដល់<br />ទៅ ១១ នាក់ បានផ្ទុះ និងធ្លាក់ចូលទៅបឹងមួយកន្លែង ក្នុងប្រទេស ហូឡង់ នេះបើតាមការ<br />ដកស្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយ ដែលទើបតែបានចេញ<br />ផ្សាយកាលពីកន្លងទៅនេះ។</p>
<p>ជាសំណាងល្អ ក្រុមមនុស្សទាំង ១១ នាក់នោះ មិនបានស្លាប់បាត់បង់ជីវិតអ្វីនោះទេ ក្រោយ<br />ពីជួបឧបទ្ទេវហេតុមួយនេះ ពោលគឺ ទទួលរងរបួសតែ ២ នាក់តែប៉ុណ្ណោះ ។ គួររំឭកផងដែរ<br />ថា ករណីគ្រោះថ្នាក់ផ្ទុះធា្លក់បាឡុងហោះមួយនេះ បានកើតឡើងនៅឯបឹង Gooi ក្រុង Alme-<br />re ប្រទេស ហូឡង់ ។</p>
<p><a class="thickbox" title="" href="http://camnews.com.kh/FileManager/Commons/2013/7/24/hot-air-balloon-crash-caught-on-camera-24-07-2013--15-58-40.jpg"><img src="http://camnews.com.kh/FileManager/Articles/mce/2013/7/24/hot-air-balloon-crash-caught-on-camera-24-07-2013--15-58-40.jpg" alt="" width="444" height="263" /></a></p>
<p>ភ្លាមៗនោះ កាលដែលបានដឹងឮ ថាបាឡុងហោះ ជួបនឹងឧបទ្ទេវហេតុផ្ទុះធ្លាក់ហើយនោះ<br />ក្រុមមន្រ្តីជួយសង្រ្គោះដែលនៅក្នុងនោះរួមមាន ៖ ភ្នាក់ងារខាងពន្លត់អគ្គីភ័យ មន្រ្តីប៉ូលីស<br />ឆ្មាំសមុទ្រ ក៏ដូចជារថយន្តសង្គ្រោះបន្ទាន់ ក៏បានចុះអន្តរាគមន៍ ទៅដល់កន្លែងកើតហេតុ<br />មួយរំពេច ខណៈពេល ដែលមួយសន្ទុះក្រោយមក មនុស្សពីរនាក់ ត្រូវបានបញ្ជូនទៅកាន់<br />មន្ទីរពេទ្យ ដើម្បីធ្វើការជួយសង្គ្រោះ។</p>
<p>គួរបញ្ជាក់ផងដែរថា ករណីខាងលើនេះ បានកើតឡើងកាលពីថ្ងៃអង្គារកន្លងទៅនេះ ស្រប<br />ពេលដែលមូលហេតុ ដែលនាំអោយមានការផ្ទុះធ្លាក់ ក៏កំពុងតែស្ថិតនៅក្រោមការតាមដាន<br />ស៊ើបអង្កេតនៅឡើយ តែបើតាមការអះអាងជាជំហានដំបង ថាបណ្តាលមកពីអាកាសធាតុ<br />ក្តៅពេក៕</p>
<p><object width="440" height="377" data="http://www.youtube.com/v/hUlX5N8vs0Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/hUlX5N8vs0Y&rel=1" /></object></p>
<p style="text-align: right;">ដោយ ៖ ពិសិដ្ឋ<br />ប្រភព ៖ ស្កាយ</p>