<p><span style="color: #000000;"><strong>ភ្នំពេញ៖</strong> ការផ្លាស់ប្ដូរ ក្នុងពិភពសិល្បៈ មិនមែនជារឿងចំឡែកនោះទេ ដូចជាតារាចម្រៀងផ្លាស់ ប្តូរ ពីផលិតកម្មមួយ ទៅផលិតកម្មមួយ តារាកំប្លែង ផ្លាស់ប្តូរពីក្រុមមួយ ទៅក្រុមមួយទៀត គ្រាន់ តែការផ្លាស់ប្តូរខ្លះ អាចទទួលជោគជ័យ ខ្លះក៏បរាជ័យ រហូតបាត់ឈ្មោះបាត់សំឡេងពីសិល្បៈ ដោយមិនដឹងខ្លួន ក៏មានដែរ ។ គេសង្កេតឃើញថា អ្នកកំប្លែង ដែលផ្លាស់ប្ដូរទ្រនំជោគជ័យ មាន តែអ្នកនាង កាតុ ម្នាក់ប៉ុណ្ណោះ ព្រោះអ្នកនាង បានចាកចេញពីក្រុមនាយក្រឹម រួចក៏រសាត់អណ្ដែត តាមទូរទស្សន៍នានា ។ សំណាងល្អ កាតុ ក៏បានក្លាយ ជាគណកម្មការរបស់កម្មវិធី "ពេញចិត្តអត់?" ធ្វើឲ្យឡើងកូដស្រឺតៗ នឹងបានទទួលតំណែងនានា ក្នុងកម្មវិធីផ្សេងៗរបស់ ទូរទស្សន៍ ម៉ាយធីវី យ៉ាងគ្រឹកគគ្រេង ។</span></p>
<p><span style="color: #000000;">មិនខុសពីអ្នកនាង កាតុ អ្នកនាង លន់ ដាណេ ឯណេះវិញ ដែលជាតារាកំប្លែងសម្ដីខ្លាំង មិនចាញ់ គ្នា ក៏បានចាកចេញពីក្រុមនាយក្រឹម បន្ទាប់ពីសាងកេរ្តិ៍ឈ្មោះ បានល្បីល្បាញគួរសម ។ មហា ជន ជាច្រើនបានស្គាល់ អ្នកនាងថា ជាតារាកំប្លែងល្បីម្នាក់ ស្របពេល ដែលក្រុម នាយ ពាក់មី មិន ទាន់ល្បីខ្លាំង ដូចនេះប្រជាប្រិយភាព ក្រុមនាយក្រឹម នៅខ្លាំងជាងក្រុមដទៃ ។ គួរឲ្យស្ដាយអ្នកនាង លន់ ដាណេ មិនអាច ស្ដារប្រជាប្រិយភាព របស់ខ្លួនបានទេ គឺមានតែស្រុតចុះជាងមុន ខណៈ ដែលអ្នកនាង ត្រូវបានអ្នករៀបចំកម្មវិធី របស់ប៉ុស្ដិ៍ អប្សរា ឲ្យតំណែងជាពីធីការិនីមួយរយៈ ប៉ុន្តែ ក្រោយមក ក៏ដកចេញវិញ រួចថែមទាំងនិយាយដើម អ្នកនាង ថា និយាយមិនសូវបានល្អ រដិបរដុប ដែលភាសានេះ ហាក់មើលងាយអ្នកនាងជាខ្លាំង ។</span></p>
<p><span style="color: #000000;">សម្រាប់ លន់ ដាណេ តារាកំប្លែងស្រីស្រស់ស្អាត បានទាំងសម្ដី និងរូបសម្រស់ បើទោះបីជាមិន សូវល្បីល្បាញខ្លាំងខាងជំនាញកំប្លែង តែនាង ហាក់ហ៊ីហា សំញ៉ែងគេហដ្ឋាន ដ៏ស្កឹមស្កៃ មិនចាញ់ អ្នកល្បីឈ្មោះកប់ពពកឡើយ។ ថ្មីៗនេះគេបានសង្កេតឃើញថា តាមបណ្ដាញសង្គមហ្វេសប៊ុក របស់នាង បានបង្ហាញអារម្មណ៍ស្កប់ស្កល់ ខ្លាំងណាស់ ស្របពេលអ្នកនាង បង្អួតភាពហ៊ឺហា ខុស ប្លែកពីធម្មតា ខណៈមហាជនជាច្រើន បែរជាមានមន្ទិលសង្ស័យ ចំពោះអ្នកនាងទៅ លើភាពហ៊ីហា នេះ ព្រោះកាងារសិល្បៈរបស់ លន់ ដាណេ ហាក់ស្ងប់ស្ងាត់ស្ទើរតែហៅមិនឮទៅហើយ ។ រីឯមុខ របររកស៊ី អ្នកនាង លន់ ដាណេ ក៏បានបិទរួចជាស្រេច ទៅហើយ តែអ្នកនាងនៅតែ សប្បាយ រីករាយ ដូចគ្មានអ្វីកើតឡើង ។</span></p>
<p><span style="color: #000000;">គេហទំព័រ LookingTODAY បានព្យាយាមទាក់ទងអ្នកនាង លន់ ដាណេ ដើម្បីបំភ្លឺ ប៉ុន្តែទូរស័ព្ទ មិនអាចទាក់ទងបានទេ កាលពីរសៀលថ្ងៃទី២០ ខែមិថុនានេះ ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1269.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1270.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1271.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1272.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1273.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1274.jpg" alt="" width="500" /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល</span></p>