<p><span style="color: #000000;">ព័ត៌មានកីឡា៖ ក្រោយលទ្ធផលនៃកិច្ចប្រជុំធំរបស់ សម្ពន្ធកីឡាបាល់ទាត់ អាមេរិកខាងត្បូងសម្រេច កីឡាករខ្សែប្រយុទ្ធជម្រើសជាតិ Brazil បានត្រូវពិន័យ ដកបេក្ខភាពចេញពីការប្រកួត ក្នុងព្រឹត្ដិការណ៍ Copa America ទាំងស្រុងចំនួន ៤ ការប្រកួត ហើយកីឡាករ Colombia ក៏ត្រូវពិន័យដកបេក្ខភាព ២ការប្រកួតផងដែរ។</span></p>
<p><span style="color: #000000;">ខ្សែប្រយុទ្ធវ័យក្មេងរបស់ Barcelona ទៅបំពេញកាតព្វកិច្ចជម្រើសជាតិ Brazil ក្នុងព្រឹត្ដិការណ៍ Copa America បានត្រូវគណៈគ្រប់គ្រងនៅទីនោះ ដកសិទ្ធចូលរួមប្រកួតទាំងស្រុង ខណៈដែលកីឡាករបានមានចេតនាបង្កបញ្ហាជាមួយ កីឡាករ Colombia។ Neymar ត្រូវអាជ្ញាកណ្ដាលសម្រេច ពិន័យកាតការក្រហម ក្រោយពីកីឡាករបានទាត់បាល់ចំកីឡាករ Pablo Armero ទាំងកំហឹង ព្រោះក្រុម ជម្រើសជាតិ របស់ខ្លួន បានចាញ់ Colombia ១-០ ចប់ការប្រកួត។ សេចក្ដីសម្រេចបណ្ដោះអាសន្នលើកទី១ កីឡាករ ត្រូវពិន័យដកបេក្ខភាពចូលលេងជាមួយក្រុម តែមួយប្រកួតតែប៉ុណ្ណោះ តែរហូតមកទល់ពេលនេះ សេចក្ដីសម្រេចចុងក្រោយ កីឡាករ ត្រូវដកសិទ្ធចូលប្រកួត រហូតដល់ទៅ ៤ ការប្រកួត ។ </span></p>
<p><span style="color: #000000;">ទន្ទឹមគ្នានោះផងដែរ កីឡាករជាម្រើសជាតិ Colombia ឈ្មោះថា Carlos Bacca ក៏ត្រូវពិន័យដកបេក្ខភាពចូលរួមប្រកួតដូចគ្នា ប៉ុន្ដែត្រឹមតែពីរការប្រកួតតែប៉ុណ្ណោះ ។ កីឡាកររូបនេះបានរុញច្រានកីឡាករ Neymar ស្ទើរតែដូលពេញមួយ ជំហបន្ទាប់ពីកីឡាករ Neymar បានទាត់បាល់ត្រូវ កីឡាករ Pablo Armero ។ </span></p>
<p><span style="color: #000000;">គួរបញ្ជាក់ផងដែរថាកីឡាករ Neymar មិនត្រឹមតែទទួលការពិន័យដកបេក្ខភាពប្រកួតនោះទេ កីឡាករក៏ត្រូវពិន័យ ជាទឹកប្រាក់ផងដែរ ដែលត្រូវចំណាយរហូតដល់ទៅ ១០០០០ ដុល្លារទៀតផង។</span></p>
<p><span style="color: #000000;"><a class="thickbox" title="" href="/FileManager/Commons/2015/6/20/6-20-2015-8-17-47-am-20-06-2015--08-23-11.png"><img src="/FileManager/Articles/mce/2015/6/20/6-20-2015-8-17-47-am-20-06-2015--08-23-11.png" alt="" /></a></span></p>
<p><span style="color: #0000ff;"><a href="/News/Detail/19703/neymar-receives-provisional-one-match-suspension" target="_blank"><span style="color: #0000ff;">អាន៖ </span></a><a href="/News/Detail/19703/neymar-receives-provisional-one-match-suspension" target="_blank"><span style="color: #0000ff;">Neymar ត្រូវបានសម្រេចដកសិទ្ធ ១ ការប្រកួតសិន រង់ចាំកិច្ចប្រជុំធំត្រូវសម្រេចនឹងជាប់ពិន័យបូកបន្ថែម</span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>