<div class="article-content">
<p><strong>ភ្នំពេញ៖</strong> មន្រ្តីយោធាម្នាក់ពាក់ស័ក្តិ៤ សង្ស័យស្រវឹងខ្លាំង ទប់អារម្មណ៍មិនហ្នឹង ឫមួយខឹងនរណា<br />ម្នាក់ បានជិះរថយន្ត បាញ់អស់ជាច្រើនគ្រាប់ បង្កភាពអណាធិបតេយ្យ នៅតាមដងផ្លូវ ធ្វើឲ្យ ប្រជា<br />ពលរដ្ឋ ដែលធ្វើដំណើរតាមផ្លូវ នាំគ្នាភ័យខ្លាចគ្រប់ៗគ្នា។ យ៉ាងណាក៏ដោយជនបង្ករូបនេះ ត្រូវ<br />បានកម្លាំង នគរបាលខណ្ឌដង្កោ ដឹកនាំបញ្ជាផ្ទាល់ពីសំណាក់ លោក យឹម សារ៉ាន់ អធិការនគរ<br />បាលខណ្ឌ ដេញបង្ក្រាបបាន ដោយឃាត់ខ្លួនជនបង្ករូបនេះ និងរថយន្ត យកមកសួរនាំ រកមូល<br />ហេតុពិត ។</p>
<p>ហេតុការណ៍ ជិះរថយន្ត បាញ់បោះយ៉ាងអណាធិបតេយ្យ នាំឲ្យមានភ្ញាក់ផ្អើល ដល់ប្រជាពលរដ្ឋ<br /> និងកម្លាំងសមត្ថកិច្ច ខាងលើនេះ បានកើតឡើង កាលពីវេលាម៉ោងប្រមាណ ៨៖១០នាទីយប់ថ្ងៃ<br />ទី២៩ ខែតុលា ឆ្នាំ២០១៣ ស្ថិតនៅមុខទីស្នាក់ការ សង្កាត់ពងទឹក ខណ្ឌដង្កោ ក្រោយជននេះបាន<br />ជិះរថយន្តបាញ់ តាមផ្លូវតាំងពីផ្លូវចំការដូង រហូតដល់ផ្លូវព្រៃស ក្នុងខណ្ឌដង្កោ ។</p>
<p>សេចក្តីរាយការណ៍ ពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុគេ ឮសម្លេងផ្ទុះអាវុធ<br />ជាច្រើនគ្រាប់ ដែលធ្វើឲ្យមាន ការភ័យខ្លាច ដល់ប្រជាពលរដ្ឋ ខណៈកំពុងធ្វើដំណើរតាមដង ផ្លូវ<br />ចំការដូង ហេតុដូច្នេះលោកអធិការនគរបាល ខណ្ឌដង្កោ លោក យឹម សារ៉ាន់ ក្រោយទទួលបទ<br />បញ្ជាពីសំណាក់ លោកស្នងការ ជួន សុវណ្ណ និងស្នងការរង ជួន ណារិន្ទ នាំគ្នាដេញបង្ក្រាប និង<br />តាមចាប់ខ្លួនជនបង្ករូបនេះ ។</p>
<p>សមត្ថកិច្ច បានបន្តទៀតថា លុះជនបង្កបើករថយន្ត ម៉ាកលុច្សស៊ីស RX-300 ពណ៌ស ពាក់ស្លាក<br />លេខ ភ្នំពេញ 2V-7027 មកដល់មុខទីស្នាក់ការ សង្កាត់ពងទឹក កម្លាំងនគរបាលបានយកម៉ូតូមួយ<br />គ្រឿង ទៅដាក់ពាំងពីមុខរថយន្ត តែត្រូវជនបង្កបាញ់ តបតជាមួយ សមត្ថកិច្ចមកវិញ ជាហេតុធ្វើ<br />ឲ្យ កម្លាំងសមត្ថកិច្ច បាញ់បំបែកកង់រថយន្ត ហើយឈានទៅដល់ការចាប់ខ្លួនតែម្តង។</p>
<p>ក្រោយការសួរនាំ នៅអធិការដ្ឋាន នគរបាលខណ្ឌដង្កោ នៅយប់ថ្ងៃដដែលនេះ សមត្ថកិច្ច បាន<br />ប្រាប់ថា រូបគេមានឈ្មោះ ប៊ុន ច័ន្ទពិសិដ្ឋ ជាមន្រ្តីយោធា ពាក់ស័ក្តិ៤ និងជាកូនថៅកែហាង គុយ<br />ទាវ យីហោ ពន្លឺច័ន្ទ នៅខណ្ឌពោធិ៍សែនទៀតផង។</p>
<p>យ៉ាងណាក៏ដោយ ក្រោយការសួរនាំរួច កម្លាំងសមត្ថកិច្ចខណ្ឌដង្កោ នឹងចាត់វិធាការណ៍ទៅតាម<br />ផ្លូវច្បាប់ មិនទុកឲ្យជនបង្ករូបនេះ មានសេរីភាពនោះឡើយ។ មិនទាន់ដឹងពីមូលហេតុពិតប្រាកដ នៃការបាញ់បោះបែបអណាធិបតេយ្យខាងលើនេះទេ ពីព្រោះស្ថិតនៅក្រោមការសួរនាំពីសំណាក់<br />សមត្ថកិច្ចនៅអធិការដ្ឋាននគរបាលខណ្ឌដង្កោ ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0494.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0498.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0497.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0495.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0496.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>