<div class="article-content">
<p><strong>- តារាចម្រៀង ខេមរៈ សិរីមន្ត ទាមទារសំណង ជិត១០ម៉ឺនដុល្លារ ខណៈជនរងគ្រោះផ្សេងទៀត<br /> ទារជាង២ម៉ឺន ដុល្លារ</strong></p>
<p><strong>ភ្នំពេញៈ</strong> តារាចម្រៀង ខេមរៈ សិរីមន្ត នាយកុយ យាយណាង រួមនិងក្រុមគ្រួសារជនរងគ្រោះក្នុង<br />ឧប្បត្តិហេតុ គ្រោះថ្នាក់ចរាចរនៅខេត្តព្រះសីហនុ បានស្នើសុំសម្តេចតេជោ ហ៊ុន សែន ក៏ដូចជា<br />អាជ្ញាធរពាក់ព័ន្ធទាំងអស់ជួយ ពន្លឿនរឿងក្តីរបស់ខ្លួន ដែលរហូតមកដល់ពេលនេះ មិនទាន់មាន<br />ការចរចា ឬដោះស្រាយពីភាគីក្រុមហ៊ុនបង្ក ហេតុ SK នៅឡើយទេ។</p>
<p>ការថ្លែងស្នើឲ្យអាជ្ញាធរពន្លឿនរឿងក្តីរបស់ក្រុមជនរងគ្រោះជាអ្នកសិល្បៈខាងលើនេះ បានធ្វើឡើង<br />ក្នុងសន្និសីទរួម គ្នាមួយនៅសមាគមសិល្បករកម្ពុជា នៅខណ្ឌដូនពេញ នាព្រឹកថ្ងៃសុក្រ ទី០៥ ខែ<br />មេសា ឆ្នាំ២០១៣នេះ។</p>
<p>នៅក្នុងសន្និសីទនោះ ក្រុមគ្រួសារជនរងគ្រោះទាំងអស់ បានទាមទារសំណងពីក្រុមហ៊ុនក្នុងម្នាក់ៗ<br />ជាង ២ម៉ឺន ដុល្លារ ដោយឡែក តារាចម្រៀង ខេមរៈ សិរីមន្តវិញ ទាមទារសំណងជិត១០ម៉ឺនដុល្លារ។</p>
<p>ជាមួយគ្នានេះ តារាកំប្លែង នាយកុយ និងក្រុមគ្រួសារជនរងគ្រោះផ្សេងទៀត សូមបដិសេធរាល់ពាក្យ<br />ចចាមអារ៉ាម ថា ភាគីក្រុមហ៊ុនបានទូទាត់សំណងក្នុងម្នាក់ជាង២ម៉ឺនដុល្លារ ជូនពួកខ្លួន គឺមិនទាន់មាន<br />ដោះស្រាយអ្វីទាំងអស់។</p>
<p>សូមបញ្ជាក់កាលពីរាត្រីថ្ងៃទី០៧ ខែមីនា រថយន្តកុងតឺន័ររបស់ក្រុមហ៊ុនSK បានបុកពេញទំហឹងទៅ<br />លើរថយន្តក្រុមតារាចម្រៀងរបស់លោក ខេមរៈ សិរីមន្ត បណ្តាលឲ្យអ្នករួមដំណើរ៤នាក់ បានស្លាប់<br />បាត់បង់ជីវិត។ ក្រោយពី កើតគ្រោះថ្នាក់ ទាំង ខេមរៈ សិរីមន្ត និងក្រុមគ្រួសាររងគ្រោះផ្សេងទៀត បាន<br />ដាក់ពាក្យបណ្តឹងទៅសមត្ថកិច្ច ហើយពាក្យបណ្តឹងក៏បានបញ្ជូនទៅសាលាដំបូងខេត្តព្រះសីហនុរួច<br />រាល់ផងដែរ តែរហូតដល់ថ្ងៃទី០៥ ខែមេសា ឆ្នាំ២០១៣ មិនទាន់មានដំណោះស្រាយនៅឡើយនោះ<br />ទេ៕</p>
<p style="text-align: center;"><a class="thickbox" title="" href="/FileManager/Commons/2013/4/5/kosal-0087-05-04-2013--10-14-29.jpg"><img src="/FileManager/Articles/mce/2013/4/5/kosal-0087-05-04-2013--10-14-29.jpg" alt="" width="401" height="226" /></a></p>
<p style="text-align: center;"><img title="" src="http://111.92.240.170:81/dap-news/dap-images/2013/April/id-078/Lay-043.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>