<div class="article-content">
<p><strong>តាកែវ ៖</strong> ក្មេងស្រីអាយុ ៣ឆ្នាំម្នាក់ បានរងរបួសបាក់ភ្លៅ ដោយសារតែលេងកាំភ្លើង របស់ឪពុក<br />ដែលជានគរបាល ទុកនៅក្នុងរថយន្ត ខណៈដែលម្ដាយ បានយក រថយន្តនោះ បើកមកវេលុយ <br />នៅធនាគារអេស៊ីលីដា នៅក្នុង ក្រុងដូនកែវ ។</p>
<p>ហេតុការណ៏គ្រោះថ្នាក់នេះ បានកើតឡើងកាល ពីវេលាម៉ោង ៣និង៣០នាទីរសៀលថ្ងៃ អង្គារ៏ <br />ទី ២៧ ខែ សីហា ឆ្នាំ ២០១៣នៅចំណុចមុខធនាគាអេស៊ីលីដា ដែលស្ថិតនៅក្នុង សង្កាត់រកា<br />ក្នុង ក្រុងដូនកែវ ។</p>
<p>យោងតាមសាក្សី ដែលកន្លែងកើតហេតុ បានប្រាប់ឲ្យដឹងថា នៅវេលាកើត ហេតុខាងលើគេ <br />បានឃើញស្រីម្នាក់ ឈ្មោះ នៅ សុភាព បានបើករថយន្តម៉ាក តូយ៉ូតា ព្រូស ពណ៌ស្លែ គ្មាន<br />ស្លាកលេខ ហើយដែលនៅក្នុង រថយន្តនោះមានក្មេងពីរនាក់ជិះជាមួយ ។ លុះមកដល់ចំណុច<br />កើតហេតុស្រ្តីជាម្ដាយ បានចុះពីលើរថយន្ត ដោយទុកឲ្យកូនស្រីម្នាក់ឈ្មោះ គឹម ម៉ានីល អាយុ<br />៣ ឆ្នាំនិងកូនប្រុសម្នាក់ទៀតអាយុប្រហែល៥ឆ្នាំ នៅក្នុងរថយន្ត។</p>
<p>សាក្សីដែលនៅស្ថិត នៅក្នុងហេតុការណ៏នោះ បានបន្តថា លុះម្ដាយចូលទៅធនាគារ ដើម្បីវេ<br />ប្រាក់ ក្មេងទាំងពីរនាក់នោះបានយកកាំភ្លើង AKស្វាយបត់ របស់ឪពុកដែលទុកចោល នៅកៅ<br />អីក្រោយ មកលេងដោយកេសកៃកាំភ្លើង លេងតែចៃដន្យកាំភ្លើងនោះបានបញ្ចូលគ្រាប់ហើយ<br />នោះ ក៏បណ្ដាលឲ្យផ្ទុះមួយគ្រាប់ ត្រូវភ្លៅស្ដាំរបស់ក្មេងស្រីនៅ ម៉ានីល រងរបួសបាក់ភ្លៅហើយ<br />ក៏មានការផ្អើលឆោឡោ ឡើង ទើបម្ដាយបានដឹង ក៏ចេញពីធនាគារមកវិញ បីយកកូនស្រីទៅ<br />មន្ទីរ ពេទ្យបង្អែកខេត្តតាកែវ ដែលនៅទល់មុខនោះ។</p>
<p>បន្ទាប់ពីមានការផ្ទុះអាវុធ គេសង្កេតឃើញមន្រ្តី សមត្ថកិច្ចទាំងនគរបាលនិងកងរាជអាវុធហត្ថ<br />ខេត្តតាកែវ ជាច្រើនបានចុះទៅដល់កន្លែង កើតហេតុភ្លាមៗតែម្ដង។</p>
<p>យោងតាមមន្រ្តីសមត្ថកិច្ច ដែលចុះដល់កន្លែងកើតហេតុ បានប្រាប់ឲ្យដឹងថា កាំភ្លើងនេះជា<br />របស់លោក គឹម សាញ់ អធិការរង នគរបាលស្រុកសំរោង ទទួលបន្ទុក ចរាចរណ៏ ដែលបាន<br />យកកាំភ្លើងមកទុកក្នុងរថយន្តហើយពេលដែលប្រពន្ធយករថយន្តមកជិះមិនបានយកកាំភ្លើង<br /> ទុកបណ្ដាលឲ្យហេតុការណ៏ គ្រោះថ្នាក់នេះកើតឡើង។</p>
<p>បើតាមប្រជាពលរដ្ឋដែលនៅក្បែនោះ បាននាំគ្នារិះគន់ ចំពោះការធ្វេសប្រហែស របស់ឪពុក<br />ម្ដាយ ដែលទុកកាំភ្លើង ក្នុងរថយន្តហើយទុកឲ្យកូនតូចៗ នៅក្នុងរថយន្តហើយនេះ សំណាង<br />ហើយ ដែលផ្ទុះត្រូវតែកូនខ្លួនឯង បើត្រូវអ្នក ដទៃ ទៀត និង មានបញ្ហាកាន់តែធំ ជាពិសេស<br />ឪពុក អាចនិងត្រូវប្រឈមមុខចំពោះមុខច្បាប់ ៕</p>
<p><img style="display: block; margin-left: auto; margin-right: auto;" title=" " src="http://image.dap-news.com:81/dap-news/dap-images/2013/August/id-011/Hong-0664.jpg" alt="" width="500" /></p>
<p><img style="display: block; margin-left: auto; margin-right: auto;" title=" " src="http://image.dap-news.com:81/dap-news/dap-images/2013/August/id-011/Hong-0663.jpg" alt="" width="500" /></p>
<p><img style="display: block; margin-left: auto; margin-right: auto;" title=" " src="http://image.dap-news.com:81/dap-news/dap-images/2013/August/id-011/Hong-0665.jpg" alt="" width="500" /></p>
</div>