<div class="article-content">
<p><strong>ភ្នំពេញ ៖</strong> ប្រជាពលរដ្ឋ នៅស្រុកបសេដ្ឋ ខេត្តកំពង់ស្ពឺ នៅព្រឹកថ្ងៃទី១៩ ខែមករា ឆ្នាំ២០១៤នេះ មានការភ្ញាក់ ផ្អើលជាខ្លាំង ដោយពួកគេបានឃើញ សាកសពបុរសម្នាក់ ដាច់ក្បាល ដែលត្រូវជន មិនស្គាល់មុខ យកមកប្លុង ចោលដោយមិនដឹងមូលហេតុ ស្ថិតនៅឃុំបសេដ្ឋ ស្រុកបសេដ្ឋ ។</p>
<p>ប្រជាពលរដ្ឋម្នាក់ ក្នុងចំណោមពលរដ្ឋជាច្រើននាក់ ដែលបានចូល រួមក្នុង ហេតុការណ៍ឃើញ សាកសព ដាច់ក្បាលនេះ បានឲ្យដឹងថា មិនដឹងជាមានមូលហេតុអ្វីឲ្យ បានច្បាស់លាស់នោះទេ បានជាមានបុរសម្នាក់ ដែលត្រូវគេសម្លាប់យកមកបោះចោល ដែលធ្វើឲ្យបង្កភ្ញាក់ផ្អើលបែបនេះ តែគេសង្ស័យថា ផ្តើមចេញពីអំពើអាបធ្មប់ ។</p>
<p>លោក សោម បូរ៉ា ស្នងការរងនគរបាលខេត្តកំពង់ស្ពឺ បានថ្លែងឲ្យដឹងថា មិនទាន់មានព័ត៌មាន លំអិតអំពីបញ្ហា នេះនៅឡើយទេ ហើយលោកកំពុងចាត់ឲ្យមន្រ្តី ក្រោមឱវាទ ចុះត្រួតពិនិត្យដើម្បី ស្រាវជ្រាវរកមូលហេតុ ពិតប្រាកដហើយ។</p>
<p>លោកបន្តថា ជាជំហានដំបូងអាចជាករណីបុរសម្នាក់នេះ ចេះធ្វើអំពើអាបធ្មប ។ សមត្ថកិច្ចមូលដ្ឋាន បានឲ្យដឹងថា ជនរងគ្រោះមានឈ្មោះ ខៀវ ប៉ត អាយុ៥៥ឆ្នាំ៕</p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0159.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0160.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0161.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79419-2014-01-19-04-40-16.html"><span style="color: #0000ff;">ដើមអំពិល</span></a></p>
</div>