<div class="article-content">
<p><strong>ភ្នំពេញ ៖</strong> មន្ដ្រីយោធាម្នាក់ ត្រូវបាន កម្លាំងអាវុធហត្ថខណ្ឌមានជ័យចុះទៅឃាត់ ខ្លួនភ្លាមៗ<br /> រួចហើយបញ្ជូនទៅទីបញ្ជាការ ដ្ឋានអាវុធហត្ថរាជធានីភ្នំពេញ ចាត់ការ តាមផ្លូវច្បាប់ ដោយ<br />សារតែមន្ដ្រីយោធារូប នេះ មានជម្លោះជាមួយម្ដាយក្មេក និងបង ថ្លៃ ហើយឈានទៅដល់<br />ការបាញ់ចំនួន ២ គ្រាប់ បង្កឱ្យមានការភ្ញាក់ផ្អើលដល់ សមត្ថ កិច្ច និងប្រជាពលរដ្ឋក្បែរ<br />កន្លែងកើតហេតុ។</p>
<p>មន្ដ្រីអាវុធហត្ថខណ្ឌមានជ័យ បានថ្លែង ឱ្យដឹងថា ករណីកូនប្រសារឈ្លោះជាមួយ ម្ដាយក្មេក <br />ដែលគេដឹងថា បណ្ដាលមកពី កូនប្រសារ ជាមន្ដ្រីយោធារូបនេះខឹងទិញ ផ្ទះល្វែងឱ្យខ្លួន ប៉ុន្ដែ <br />មិនដាក់ឈ្មោះរបស់ ខ្លួន បែរជាទៅដាក់ឈ្មោះប្រពន្ធខាងលើ នេះ បានកើតឡើងកាលពី<br />វេលាម៉ោង ប្រមាណ ១២ និង៣០នាទីរសៀល ថ្ងៃទី ១៦ ខែមិថុនា ឆ្នាំ ២០១៣ ស្ថិតនៅតាម<br /> បណ្ដោយផ្លូវជាតិលេខ ២ ក្នុងភូមិទួលរកា សង្កាត់ចាក់អង្រែក្រោម ខណ្ឌមានជ័យ ។</p>
<p>មន្ដ្រីអាវុធហត្ថខណ្ឌមានជ័យ បានបន្ដ ទៀតថា ដំណើររឿងនោះដោយផ្ដើមចេញ ពីដំបូង<br />ឡើយ មន្ដ្រីយោធារូបនេះ និងប្រពន្ធ របស់ខ្លួនរស់នៅមិនទាន់មានផ្ទះ សម្បែង នឹង គេ ហេតុ<br />ដូច្នេះហើយម្ដាយក្មេកដោយសារ តែអាណិតកូន ក៏បានទិញផ្ទះល្វែងឱ្យដោយ ដាក់ឈ្មោះកូន<br />ស្រីបង្កើត មិនបានដាក់ឈ្មោះ កូនប្រសាររូបនេះ ។ ដោយផ្ដើមចេញការ មិនដាក់ឈ្មោះជា<br />កម្មសិទ្ធិផ្ទះល្វែងរបស់ខ្លួន ខាងលើនេះ នាំឱ្យមន្ដ្រីយោធាដែលសមត្ថ កិច្ចប្រាប់ថា មានឈ្មោះ<br /> ស៊ាន សិលា អាយុ ៣៣ឆ្នាំ ខឹងដោយគិតថា ម្ដាយក្មេករបស់ ខ្លួនមិនទុកចិត្ដ បែរជាដាក់ឈ្មោះ<br />កូនបង្កើត ទៅវិញ ។</p>
<p>មន្ដ្រីអាវុធហត្ថខណ្ឌមានជ័យ បានបន្ដ ឱ្យដឹងទៀតថា ក្រោយពីទទួលបានផ្ទះល្វែង ដែល<br />ម្ដាយក្មេកទិញឱ្យនោះ ឈ្មោះ ស៊ាន សិលា ដោយសារតែខឹងមិនទាន់បាត់ ក៏សុំ លុយម្ដាយ<br />ក្មេក និងបងថ្លៃស្រីចំនួន ៥ម៉ឺន ដុល្លារ យកមករកស៊ីថែមទៀត ។</p>
<p>រឿងរ៉ាវខាងលើនេះ បានឈានទៅដល់ ការឈ្លោះទាស់ទែងគ្នា នៅក្នុងរង្វង់គ្រួសារ រហូត<br />ដល់ឈ្មោះ ស៊ាន សិលា បានប្រើអំពើ ហិង្សា ដោយវាយនារីម្នាក់ឈ្មោះ យ៉ន លីន នី អាយុ <br />១៧ឆ្នាំ ដែលជាឈ្នួលបម្រើនៅផ្ទះ បងថ្លៃស្រីរបស់ខ្លួន ។ ក្រោយពីបង្កអំពើ ហិង្សារួចហើយ <br />មន្ដ្រីយោធារូបនេះបានធ្វើ ដំណើរទៅបន្ទាយរបស់ខ្លួន ហើយត្រូវស្ដ្រី ជាម្ដាយក្មេក ឈ្មោះ<br /> ហែម សុជាតា អាយុ ៤៧ឆ្នាំ រួមជាមួយក្រុមគ្រួសារ សរុប ៤នាក់ បានជិះរថយន្ដម៉ាក អូឌី <br />ពណ៌ខ្មៅ ពាក់ស្លាក លេខ ភ្នំពេញ 2V-7797 ទៅរកកូនប្រសារ ដល់បន្ទាយ ។ ប៉ុន្ដែ ពេល<br />ទៅដល់បន្ទាយ មិនឃើញកូនប្រសារនៅទីនោះ ស្ដ្រីជាម្ដាយ ក្មេក និងក្រុមគ្រួសារ បានជិះ<br />រថយន្ដត្រឡប់ មកវិញ ប៉ុន្ដែ ចៃដន្យក៏បានជួបកូនប្រសារ ស៊ាន សិលា កំពុងបើករថយន្ដ<br />ម៉ាក វីស្ដូ ពណ៌លឿង ពាក់ស្លាកលេខ 2W-0360 នៅតាមផ្លូវជាតិលេខ ២ ក្នុងភូមិទួលរកា <br />សង្កាត់ ចាក់ង្រែក្រោម ខណ្ឌមានជ័យ ។</p>
<p>បើតាមសមត្ថកិច្ចអាវុធហត្ថ នៅពេល ដែលឃើញកូនប្រសាររបស់ខ្លួន កំពុងបើក រថយន្ដ <br />ស្ដ្រីជាម្ដាយក្មេកបានប្រាប់ឱ្យឈប់ ប៉ុន្ដែ ឈ្មោះ ស៊ាន សិលា មិនបានឈប់នោះ ទេ នៅបន្ដ<br />បើករថយន្ដទៅមុខ ពេលនោះ អ្នកស្រី ហែម សុជាតា បានប្រាប់ឱ្យអ្នក បើករថយន្ដរបស់ខ្លួន<br /> បើកទៅកៀររថយន្ដ កូនប្រសារ ទើបបង្កឱ្យមានការភ្ញាក់ផ្អើល នៅតាមផ្លូវដល់ប្រជាពលរដ្ឋ<br /> និងសមត្ថកិច្ច មូលដ្ឋាន ។ ក្រោយពីឃើញរថយន្ដម្ដាយ ក្មេកកៀរយ៉ាងដូច្នេះ មន្ដ្រីយោធា<br />ដែលជា កូនប្រសាររូបនេះ បានឈប់រថយន្ដហើយ បើកទ្វាររត់ឡើងទៅលើផ្ទះប្រជាពលរដ្ឋ<br />នៅ តាមផ្លូវ រួចហើយបានដកកាំភ្លើងពីចង្កេះ បាញ់គំរាមចំនួន ២គ្រាប់ បង្កឱ្យមានការ ភ្ញាក់<br />ផ្អើលយ៉ាងខ្លាំង ។</p>
<p>ក្រោយពីទទួលព័ត៌មានខាងលើនេះ កម្លាំងអាវុធហត្ថខណ្ឌមានជ័យ បានចុះទៅ ជួយអន្ដរា<br />គមន៍ភ្លាមៗ រួចហើយឃាត់ជន នេះយកទៅសួរនាំ និងបញ្ជូនបន្ដទៅកាន់ ទីបញ្ជាការដ្ឋាន<br />អាវុធហត្ថ រាជធានីភ្នំពេញ ដើម្បីចាត់ការបន្ដទៀត ។ បច្ចុប្បន្នមន្ដ្រី យោធាខាងលើ ស្ថិត<br />ក្រោមការសាកសួរ បន្ដទៀត ពីអាវុធហត្ថរាជធានីភ្នំពេញដើម្បី ចាត់ការបន្ដ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0547.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0548.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0549.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>