<p><span style="color: #000000;"><strong>ភ្នំពេញ៖</strong> តារាចម្រៀងប្រចាំក្នុងផលិតកម្ម ហង្សមាស កញ្ញា សុន ស្រីពេជ្រ ធ្លាប់បាននិយាយប្រាប់ គេហទំព័រ LookingTODAY ថា ក្រោយពី ពិធីបុណ្យអុំទូកបញ្ចប់រួចរាល់ នាងនឹងធ្វើដំណើរទៅជួបលោកតា ប្រាជ្ញ ឈួន តាមសំណូមពរ និងក៏ជាកិត្តិយស ដ៏ធំធេងមួយសម្រាប់នាង ក៏ដូចជាក្រុមគ្រួសារ ដែលអ្នកចម្រៀងចាប៉ី ល្បីរាប់ឆ្នាំម្នាក់នេះចង់ជួបមុខនាង។</span></p>
<p><span style="color: #000000;">ក្រោយពីពិធីបុណ្យអុំទូក បានបញ្ចប់ទៅ សុន ស្រីពេជ្រ ក៏ប្រញាប់ប្រញាល់ បំពេញតាមពាក្យសន្យា ។ នាងមិនបានសម្រាក់ យកកម្លាំងទេ ទោះបានដើរច្រៀងពេញ កោះពេជ្រ តាមទូរទស្សន៍នានា ឡើងហត់នឿយ ស្ទើរតែគ្មានកម្លាំងកំហែង នាងនៅតែប្រឹងប្រែង បំពេញពាក្យសន្យា ។ គេហដ្ឋានលោកតា ប្រាជ្ញ ឈួន ស្ថិតនៅក្នុងខេត្តតាកែវ ហើយបងប្អូននៅទីនោះ រួសរាយរាក់រាក់ សម្បើមណាស់ ។</span></p>
<p><span style="color: #000000;">សុន ស្រីពេជ្រ មិនត្រឹមតែទៅម្នាក់ឯងទេ នាងក៏បានយកឪពុកទៅជាមួយ រួមទាំងប្អូនប្រុសម្នាក់ទៀតផង ។ វត្តមានរបស់តារាចម្រៀង សុន ស្រីពេជ្រ ធ្វើឲ្យលោកតា ប្រាជ្ញ ឈួន រំភើបចិត្តឥតឧបមា ព្រោះលោកតា ហាក់មានចិត្តស្រឡាញ់ ចំពោះទឹកដមសំឡេង និងអត្តចរិកដ៏ថ្លៃថ្នូរ សុភាពរាបសា របស់នាង ព្រោះជាតារាចម្រៀង បែបប្រពៃណី ចេះច្រៀងបានល្អ ការស្លៀកពាក់ តុបតែងសមរម្យជានារីខ្មែរ មិនលេចលើលេចក្រោម ។</span></p>
<p><span style="color: #000000;">ចំណែកតារាចម្រៀងសុន ស្រីពេជ្រ បាននិយាយថា ពិតជាសប្បាយ ពេលបានជួបជាមួយវិរៈសិល្បករ បុរាណជើងចាស់ លោកតា ប្រាជ្ញ ឈួន ដែលបានធូស្បើយពីជំងឺ។ ទោះបីជាហត់នឿយបន្តិច ក្រោយថ្ងៃអុំទូក នាងត្រូវតែឆ្លៀតពេលទៅជួបលោកតា ព្រោះនាងមិនអាចបង្អង់យូរបានទេ ។ ម្យ៉ាងនេះ ជាកិត្តិយសរបស់នាង ខ្លាំងណាស់ កម្រមានសិល្បករ ជើងចាស់ណា ចង់ជួបតារាចម្រៀងក្មេងៗ បែបនេះណាស់ ជាមានសំណាងរបស់នាង៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/10/11-10-2014-2-28-33-pm-10-11-2014--14-33-22.jpg"><img src="/FileManager/Articles/mce/2014/11/10/11-10-2014-2-28-33-pm-10-11-2014--14-33-22.jpg" alt="" /></a></span></p>
<p><a class="thickbox" title="" href="/FileManager/Commons/2014/11/10/11-10-2014-2-28-10-pm-10-11-2014--14-33-35.jpg"><img src="/FileManager/Articles/mce/2014/11/10/11-10-2014-2-28-10-pm-10-11-2014--14-33-35.jpg" alt="" /></a></p>
<p><a class="thickbox" title="" href="/FileManager/Commons/2014/11/10/11-10-2014-2-27-44-pm-10-11-2014--14-33-48.jpg"><img src="/FileManager/Articles/mce/2014/11/10/11-10-2014-2-27-44-pm-10-11-2014--14-33-48.jpg" alt="" /></a></p>
<p><object width="500" height="400" data="http://www.youtube.com/v/8NUYkffqfkM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/8NUYkffqfkM&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ looking today</span></p>