<p><strong>ភ្នំពេញ៖</strong> តារាចម្រៀងស្រីដុះស្លែ របស់ក្រសួងទេសចរណ៍ និងផលិតកម្ម រស្មីហង្សមាស កញ្ញា សុន ស្រីពេជ្រ ត្រូវបានគេមើលឃើញថា នាងជាតារាចម្រៀងម្នាក់ហាក់កាក់កប នឹងមុខរបរច្រៀង តាមរោងការច្រើនជាងគេ ព្រោះត្រូវបានគេដឹងថា ពីមួយខែទៅមួយខែ នាងមានការមមាញឹកខ្លាំង ក្នុងចេញច្រៀងតាមរោងការ ជាងការចេញច្រៀងតាម ប្រគំតន្រ្តីនានា ក្នុងស្ថានីយទូរទស្សន៍។</p>
<p>កាលពីខែកក្កដាកន្លងទៅ សុន ស្រីពេជ្រ ធ្លាប់បានបង្ហើបប្រាប់ LookingTODAY ឲ្យដឹងថា នាងកំពុងតែត្រៀមខ្លួនហោះហើរ ទៅលើទឹកដីអូស្ដ្រាលី ដើម្បីជួបអ្នកគាំទ្រ ជាលើកដំបូង និងយកថវិកាជួយកុមារកំព្រា។ ផ្ទុយពីការលើកឡើងរបស់នាង គេនៅតែឃើញនាងនៅផ្ទះ ម្ដុំក្រោយវត្តសំរោងអណ្ដែត ដដែល ថែមទាំងមិនសូវមានការងារច្រើន ដូចមុនទៀតផង ព្រោះនេះជារដូវចូលព្រះវស្សា មិនសូវមានអ្នករៀបអាពាហ៍ពិពាហ៍។ ដូចនេះនាងដេកផ្ទះស្អាត ព្រោះគ្មានអ្នកជួលទៅច្រៀង ធ្វើឲ្យនាងហាក់ពិបាក ព្រោះក្នុងគ្រួសារមានបន្ទុកជាច្រើនសម្រាប់ ឲ្យនាងរ៉ាប់រង។</p>
<p>ជាថ្មីម្ដងទៀត សុន ស្រីពេជ្រ បាននិយាយថា នាងចាំមើលតែខាងស្ព័នស័រទេ ព្រោះគេជាអ្នករត់ការ និងឯកសារនានា ហើយបើយូរជាងនេះ មិនអាចទៅបានទេ ព្រោះនាងចាប់ផ្ដើមទទួល ការងារក្នុងស្រុក ជាបណ្ដើៗហើយ ព្រោះត្រូវការថវិកា ចាំបាច់នៅក្នុងការ ដោះបំណុលធនាគារ និងដោះស្រាយ បន្ទុកគ្រួសារ៕</p>
<p>សម្រាប់តារាចម្រៀងស្រី សុន ស្រីពេជ្រ ហាក់វេទនាជាងគេ ក្នុងជីវភាពរស់ នៅប្រចាំថ្ងៃ តែនាងនៅតែគិតលើចំណុចវិជ្ជមានជាច្រើន នាំឲ្យជីវិតនាង នៅតែស្រស់បំព្រង ដូចផ្ការីករដូវវស្សា ទោះមានឧបសគ្គ ដូចភ្នំ ក៏នាងមិនរួញរា ពោលគឺតែងតែឆ្ពោះទៅមុខជានិច្ច ដើម្បីគ្រួសារ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0661.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0662.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0663.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0664.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/ID-141/MSP-0665.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33547-2014-08-25-08-00-17.html" target="_blank">ផ្តល់សិទ្ធដោយ ៖ ដើមអម្ពិល</a></p>