<div class="article-content">
<p><strong>ភ្នំពេញ ៖</strong> ជនសង្ស័យ២នាក់ ជិះម៉ូតូ ម៉ាកនិច ពណ៌ស មិនចាំស្លាកលេខ បានធ្វើសកម្មភាពបាញ់ប្លន់ យកម៉ូតូម៉ាក សេ១២៥ មួយគ្រឿង ពីបុរសម្នាក់ បណ្តាលឲ្យធ្លាយពោះ កាលពីវេលា ម៉ោងប្រមាណ ៩៖០០នាទី យប់ថ្ងៃទី១២ ខែកុម្ភះ ឆ្នាំ២០១៤នេះ ស្ថិតនៅមុខ ផ្ទះលេខ២អា ផ្លូវ៦៩បេតេ សង្កាត់បឹង ទំពុន ខណ្ឌមានជ័យ ។</p>
<p>សេចក្តីរាយការណ៍ បានឲ្យដឹងថា ខណៈជនរងគ្រោះ កំពុងជិះម៉ូតូ ម៉ាកសេ១២៥ មួយគ្រឿងពណ៌ខ្មៅ សេរីឆ្នាំ២០១៤ ស្រាប់តែលេចមុខ ជនសង្ស័យ២នាក់ ដកកាំភ្លើង បាញ់ចំនួន៣គ្រាប់ បណ្តាលធ្លាយ ពោះ រងរបួសធ្ងន់ រួចហើយប្លន់យកម៉ូតូជិះគេចខ្លួនបាត់ ។</p>
<p>ក្រោយកើតហេតុ សមត្ថកិច្ចមូលដ្ឋាន និងកម្លាំងនគរបាល ជំនាញព្រហ្មទណ្ឌ រាជធានីភ្នំពេញ បាន ចុះទៅជួយអន្តរាគមន៍ ខណៈជនរងគ្រោះ ត្រូវបានគេដឹកយកទៅសង្គ្រោះនៅមន្ទីរពេទ្យរុស្ស៊ី៕</p>
<p style="text-align: center;"><img src="http://111.92.240.170:81//dap-news/dap-images/2014/February/id-007/Pheak-0019.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/February/id-007/Pheak-0020.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/February/id-007/Pheak-0021.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80779-2014-02-12-14-16-27.html"><span style="color: #0000ff;">ដើមអំពិល</span></a></p>
</div>