<p>ព័ត៌មានអន្តរជាតិ ៖ បើតាមប្រភពជាច្រើន បានឲ្យដឹង នៅថ្ងៃពុធថា ប្រទេស ឥណ្ឌា បានលក់នាវា ផ្ទុកយន្តហោះជា លើកដំបូង របស់ខ្លួន ឈ្មោះ INS Vikrant ដែលបានប្រើប្រាស់ កាលពីឆ្នាំ១៩៦១ ក្នុងតម្លៃ ១០លានដុល្លារអាម៉េរិក បន្ទាប់ពីការដេញថ្លៃ រួចមក។</p>
<p>ទីភ្នាក់ងារព័ត៌មាន ចិនស៊ិនហួ ចេញផ្សាយនៅថ្ងៃពុធ ទី០៩ ខែមេសា ឆ្នាំ២០១៤ ដោយផ្អែកតាម ប្រភពនោះថា «នាវាជើងទឹក របស់ឥណ្ឌា បានលក់ទៅឲ្យ ក្រុមហ៊ុនមួយ ឈ្មោះ I.B. Commercial Pvt Ltd។</p>
<p>នាវាមួយគ្រឿងនោះ ត្រូវបានគេប្រើប្រាស់ សម្រាប់កងនាវិកឥណ្ឌា កាលពីឆ្នាំ១៩៦១ ក្រោយមកនៅខែមករា ឆ្នាំ១៩៩៧ នាវា មួយគ្រឿងនេះ ត្រូវបានគេយក មករក្សាទុក នៅក្នុងសារមន្ទីរ ខាសហ្វី ផារ៉េដ ក្នុងទីក្រុង ម៉ុមបៃ៕</p>
<p><a class="thickbox" title="" href="/FileManager/Commons/2014/4/9/v0253-09-04-2014--11-30-49.jpg"><img src="/FileManager/Articles/mce/2014/4/9/v0253-09-04-2014--11-30-49.jpg" alt="" /></a></p>
<p style="text-align: right;"><a href="http://lookingtoday.com/index.php/entertainment-general-news/29348-2014-04-09-04-17-20.html" target="_blank">ផ្តល់សិទ្ធដោយ ៖ ដើមអម្ពិល</a></p>