<div class="article-content">
<p><strong>បន្ទាយមានជ័យ៖</strong> ជនសង្ស័យម្នាក់ កំពុងធ្វើសកម្មភាព ឡើងលួចទ្រព្យសម្បត្តិគេ ពេលរាត្រីត្រូវ<br /> ម្ចាស់ផ្ទះ និង ប្រជាពលរដ្ឋជាច្រើននាក់ ប្រដាប់ដោយដំបង កាំបិត និងពូថៅ ដេញវាយនិងកាប់<br />បណ្តាលឲ្យ របួសយ៉ាងធ្ងន់ធ្ងរ ក្នុងថ្លុកឈាម ហើយចាប់ប្រគល់ឲ្យសមត្ថកិច្ចចាត់ការតាមច្បាប់ <br />កាលពី វេលាម៉ោង៣និង២៥នាទី ទាបភ្លឺថ្ងៃទី៨ ខែវិច្ឆិកា ឆ្នាំ២០១៣ នៅចំណុចដីសរ ក្រោយ<br />ភោជនីយ៍ដ្ឋាន ពន្លឺនាគទិព្វ ក្នុងភូមិក្បាលស្ពាន១ សង្កាត់/ក្រុង ប៉ោយប៉ែត ខេត្តបន្ទាយមានជ័យ។</p>
<p>លោក អ៊ុំ សុផល អធិការនគរបាលក្រុងប៉ោយប៉ែត បានឲ្យដឹងថា ជនសង្ស័យមាន ឈ្មោះ ដែន<br /> សេរី ភេទប្រុស អាយុ៣១ឆ្នាំ រស់នៅ ស្រុកថ្មគោល ខេត្តបាត់ដំបង បច្ចុប្បន្នរស់ នៅម្តុំផ្សារយួន <br />ភូមិក្បាលស្ពាន១ សង្កាត់/ក្រុង ប៉ោយប៉ែត ខេត្តបន្ទាយមានជ័យ មានមុខរបរជាកម្មករស៊ីឈ្នួល<br />លីសែងផ្លែឈើដាក់រថយន្តនៅផ្សាររោងគ្លឿ។</p>
<p>លោកអធិការបានបន្តថា ចំពោះរឿងនេះ ជាបឋមប្រជាពលរដ្ឋបានចោទថាជនសង្ស័យ ជាចោរ <br />និងបានប្រើហិង្សា កាប់បណ្តាលឲ្យជនសង្ស័យរបួសជាទម្ងន់ មិនទាន់អាច សួរនាំបានពេលនេះ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ដែលមានការយាមកាម យ៉ាងតឹងរឹងពីនគរបាល។<br /> លោកបានបញ្ជាក់ថា ជួនកាល ជារឿងគំនុំ ហើយក៏បង្កាច់គេថា ជាចោរក៏មាន តែទោះបីយ៉ាង<br />សមត្ថកិច្ចកំពុងបើកការស្រាវជ្រាវ ចំពោះករណី នេះហើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-44.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-45.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>