<p><strong>ភ្នំពេញ៖</strong> ល្ងាចថ្ងៃទី២៤ ខែមករាម្សិលមិញ កម្លាំងអាវុធហត្ថ រាជធានីភ្នំពេញ ដឹកនាំដោយលោក ឧត្តមសេនីយ រ័ត្ន ស៊្រាង មេបញ្ជាការអាវុធហត្ថ ក្រុងភ្នំពេញ ចាប់បានជនដៃដល់ពីរនាក់ ពាក់ព័ន្ធ និងករណីបាញ់ សម្លាប់ដ៏សាហាវ ទៅលើនិស្សិតម្នាក់នៅ មុខក្លឹបកម្សាន្តហូលីដេ ស្ថិតក្នុងខណ្ឌដូន ពេញ ព្រោះតែរឿងដើរជាន់ជើង កាលពីពេល កន្លងទៅ។</p>
<p>តាមសមត្ថកិច្ចបានបញ្ជាក់ថា ជនដៃដល់ទាំងពីរនាក់ដែលអាវុធហត្ថឃាត់ខ្លួននោះ មានម្នាក់ជាម្ចាស់ កាំភ្លើងឈ្មោះ ឃី វិសាល អាយុ២៨ឆ្នាំ មុខរបរមិនពិតប្រាកដ រស់នៅភូមិតានង ស្រុកកោះសូទិន ខេត្តកំពង់ចាម និងម្នាក់ទៀត ជាអ្នកបាញ់ឈ្មោះ ស គឹមផល្លា អាយុ៣២ឆ្នាំ មុខរបរទិញលក់ម៉ូតូ រស់នៅផ្ទះលេខ១៦ ផ្លូវលេខ១១៣១ ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ ចំណែកជនរង គ្រោះជានិស្សិតឆ្នាំទី២ នៅវិទ្យាស្ថានវ៉ាន់ដា គណនេយ្យ ឈ្មោះ សាប់ គង់ដាវីត អាយុ២៦ឆ្នាំ។</p>
<p>តាមរបាយការណ៍របស់សមត្ថកិច្ចបានបញ្ជាក់ថា ក្នុងករណីបាញ់នោះ គឺពុំមែនជាជនទំនាស់ក្នុងក្លឹប នោះទេ គឺជនដៃដល់បាញ់ច្រឡំមនុស្ស ហើយការបាញ់សម្លាប់នោះ បាញ់រហូតដល់ ៧ទៅ៨គ្រាប់។</p>
<p>សូមជម្រាបថា កាលពីថ្ងៃទី១៣ ខែធ្នូ ឆ្នាំ២០១៣ នៅក្លឹបហូលីដេ មានករណីបាញ់សម្លាប់មនុស្សម្នាក់ ព្រោះតែដើរ ជាន់ជើងក្នុងក្លឹប ធ្វើឲ្យជនដៃដល់ពីរនាក់ខាងលើនេះ បានជិះម៉ូតូទៅយកកាំភ្លើង ហើយ មកចាំមុខក្លឹប លុះពេល ជនរងគ្រោះចេញមក បាញ់សម្លាប់តែម្តង ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-370.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-362.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-363.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-364.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-365.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-366.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-367.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-368.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-369.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79816-2014-01-25-08-22-06.html"><span style="color: #0000ff;">ដើមអំពិល</span></a></p>