<p>ព័ត៌មានអន្តរជាតិ ៖ វេលាម៉ោង ៧ និង ៥០ នាទីព្រឹក ថ្ងៃពុធ នេះ បើតាមការអោយដឹងពីគេហទំព័រសារ ព័ត៌មានរដ្ឋចិន ស៊ិនហួរ បានចេញ អត្ថបទផ្សាយ អោយដឹងថា នៅឯភាគខាងកើត ប្រទេសឯណោះ វិញ ករណីគ្រោះអគ្គីភ័យ ឆាបឆេះ រោងចក្រស្បែកជើង មួយកន្លែង បានបណ្តាលអោយកម្មករ ១៦នាក់ ស្លាប់បាត់បង់ជីវិត យ៉ាងអណោចអធម ។</p>
<p><a class="thickbox" title="" href="http://camnews.com.kh/FileManager/Commons/2014/1/15/shoe-factory-fire-01-15-01-2014--09-32-36.jpg"><img src="http://camnews.com.kh/FileManager/Articles/mce/2014/1/15/shoe-factory-fire-01-15-01-2014--09-32-36.jpg" alt="" /></a></p>
<p>លើសពីនេះ ប្រភពសារព័ត៌មាន ដដែលគូសបញ្ជាក់អោយដឹងថា ករណីគ្រោះអគ្គីភ័យ ឆាបឆេះ រោង ចក្រស្បែកជើង មួយនេះ បានកើតឡើង នៅឯក្រុង <span id="content" class="bai14">Wenling នាខេត្តភាគខាងកើតប្រទេស ខេត្ត <span id="content" class="bai14">Zhe- jiang </span></span>កាលពីវេលាម៉ោង ២ និង ៥២ នាទី រសៀល ថ្ងៃទី ១៤ ខែមករា ឆ្នាំ ២០១៤ ម្សិលមិញនេះ។</p>
<p><a class="thickbox" title="" href="http://camnews.com.kh/FileManager/Commons/2014/1/15/shoe-factory-fire-03-15-01-2014--09-32-46.jpg"><img src="http://camnews.com.kh/FileManager/Articles/mce/2014/1/15/shoe-factory-fire-03-15-01-2014--09-32-46.jpg" alt="" /></a></p>
<p>គួរបញ្ជាក់ផងដែរថា បើយោងតាម សេចក្តីថ្លែងការណ៍ របស់អាជ្ញាធរ ប្រចាំតំបន់ បានគូសបញ្ជាក់ អោយដឹងថា ក្រោយពីបានកើតមានឡើង នូវគ្រោះអគ្គីភ័យមួយនេះ មិនត្រឹមតែបានបណ្តាលអោយ កម្មករ ១៦ នាក់ ស្លាប់បាត់បង់ជីវិត តែប៉ុណ្ណោះទេ តែនៅក្នុងនោះ ក៏បានបណ្តាលអោយ កម្មករជា ច្រើននាក់ផ្សេងទៀត ទទួលរងរបួសធ្ងន់ និង ស្រាល ដូចគ្នាដែរ ។</p>
<p><a class="thickbox" title="" href="http://camnews.com.kh/FileManager/Commons/2014/1/15/shoe-factory-fire02-15-01-2014--09-32-55.jpg"><img src="http://camnews.com.kh/FileManager/Articles/mce/2014/1/15/shoe-factory-fire02-15-01-2014--09-32-55.jpg" alt="" /></a></p>
<p>គួររំឭកផងដែរថា ភ្លាមៗនោះ ក៏មានកិច្ចអន្តរាគមន៍ ពីសំណាក់មន្រ្តីជំនាញ ប្រចាំតំបន់ ដោយបានចុះ ទៅដល់កន្លែងកើតហេតុ និងព្យាយាមជួយសង្គ្រោះ ក៏ដូចជា រុករក ក្រុមមនុស្ស ដែលរស់រានមានជីវិត ផ្ទុយទៅវិញ មូលហេតុដែលនាំ អោយកើតមានគ្រោះអគ្គីភ័យមួយនេះ ពុំទាន់បានដឹងច្បាស់នៅឡើយ ទេពោលគឺ ស្ថិតនៅក្រោមការតាមដានស៊ើបអង្កេតនៅឡើយ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>