<div class="article-content">
<p><strong><strong>- កូនប្រុសតារាកំប្លែងនាយកុយម្នាក់ ឈ្មោះ ជី វីរៈ និងម្នាក់ទៀត ជាកូនប្រុស លោកយាយ <br />ណយ សំណាង បានស្លាប់បាត់បង់ជីវិត ក្នុងហេតុការណ៍ដ៏រន្ធត់នេះ</strong><br /></strong></p>
<p><strong>ព្រះសីហនុ៖</strong> យ៉ាងហោចណាស់ បុរសចំនួន៤នាក់ ទំនងជាតារាចម្រៀង និងតារាសម្តែង បាន<br />ស្លាប់ នៅក្នុងរថយន្ត និងស្រ្តីពីរនាក់ បានរងរបួសធ្ងន់ ខណៈតារាចម្រៀង លោក ខេមរៈ សេរីមន្ត<br /> បានរងរបួសស្រាល ក្រោយពេលដែល រថយន្តរបស់ពួកគេ ត្រូវរថយន្ត កុងតឺន័រ របស់ក្រុមហ៊ុន <br />អេសខេ បានបុកពេញ មួយទំហឹង នៅចំណុចបឹងត្រាំង តាមបណ្តោយ ផ្លូវជាតិលេខ៤ ក្នុងស្រុក<br />ព្រៃនុប ខេត្តព្រះសីហនុ កាលពីវេលា ម៉ោង ប្រហែល៩៖៣០នាទី យប់ថ្ងៃទី៧ ខែមីនា ឆ្នាំ២០១៣<br /> នេះ ចំណែកតារាចម្រៀង ហេង ពិទូ មិនស្ថិតក្នុងហេតុការណ៌នោះទេ។</p>
<p>សេចក្តីរាយការណ៍ពី កន្លែងកើតហេតុ បានឲ្យដឹងថា មុនពេលកើតហេតុ រថយន្តម៉ាក ធុនដ្រា មួយ<br />គ្រឿងពណ៌ស ដែលជិះនៅ ក្នុងរថយន្ត រួមមាន តារាចម្រៀង ខេមរៈសេរីមន្ត និងមនុស្សប្រុស-ស្រី<br /> ជិត១០នាក់ផ្សេងទៀត បានធ្វើដំណើរតាម បណ្តោយ ផ្លូវជាតិលេខ៤ ក្នុងទិសដៅ ឆ្ពោះទៅ ខេត្ត<br />ព្រះសីហនុ លុះដល់ ចំណុចកើតហេតុ ស្រាប់តែមាន រថយន្ត កុងតឺន័រមួយគ្រឿង ពេលកំពុងចុះ<br />ចំណត បានបុកមួយទំនឹង បណ្តាលឲ្យ អ្នកជិះនៅក្នុង រថយន្តស្លាប់៤នាក់ និងស្រ្តីពីរនាក់ រងរបួស<br />ធ្ងន់ ខណៈ តារាចម្រៀង ខេមរៈ សេរីមន្ត បានរងរបួសស្រាល ។</p>
<p>ក្រោយពីកើតហេតុភ្លាមៗនោះ ប្រភពពីកន្លែងកើតហេតុបានរាយការណ៍ថា លោក ហេង ពិទូ បានជួប<br />គ្រោះអកុសលក្នុងហេតុការណ៍នេះផងដែរ។ បន្ទាប់ពីដំណឹងផ្សាយបានមួយបានបន្តិច លោក ហេង<br /> ពិទូ ខណៈដែលរូបលោកកំពុងស្ថិតនៅរាជធានីភ្នំពេញនោះ បានទូរស័ព្ទបញ្ជាក់មកមជ្ឈមណ្ឌល ព័ត៌<br />មានដើមអម្ពិលថា រូបលោកមិនបានស្ថិតនៅក្នុងហេតុការណ៍គ្រោះថ្នាក់នេះឡើយ។</p>
<p>ស្នងការនគរបាល ខេត្តព្រះសីហនុ លោកឧត្តសេនីយ៍ តាក់ វណ្ណថា បានថ្លែងឲ្យដឹងថា បុរសចំនួន៤<br />នាក់ បានស្លាប់ និងស្រ្តីពីរនាក់ ផ្សេងទៀត បានរងរបួសធ្ងន់ ខណៈលោក ខេមរៈ សេរីមន្តរងរបួស<br />ស្រាល។</p>
<p>លោក តាក់ វណ្ណថា បានបន្តថា ជនរងគ្រោះ៤នាក់ ដែលបានស្លាប់បាត់បង់ជីវិតនោះ មានម្នាក់ជា<br />កូនប្រុសតារាកំប្លែងនាយកុយ ឈ្មោះ ជី វីរៈ ក្រោយពេលកើតហេតុ ត្រូវបានដឹកបញ្ជូនមករាជធានី<br />ភ្នំពេញហើយ។ ដោយឡែកបុរស៣នាក់ផ្សេងទៀត ដែលម្នាក់ជាបើកបររថយន្ត និងអ្នករាំអមឆាក<br /> ត្រូវបានតម្កល់ទុកក្នុងវត្ត នៅឯខេត្តព្រះសីហនុ។ ជនរងគ្រោះម្នាក់ទៀត ត្រូវបានសមត្ថកិច្ចប្រាប់ឲ្យ<br />ដឹងផងដែរថា ឈ្មោះ ដេន នី និងម្នាក់ទៀត ជាកូនប្រុសរបស់លោកយាយ ណយ សំណាង ដែល<br />ជាអ្នកកំប្លែងមួយរូបដែរនោះ ពួកគេសុទ្ធតែជាអ្នករាំអមឆាកឲ្យលោក ខេមរៈ សេរីមន្ត។</p>
<p>ដោយឡែកតារាចម្រៀងវ័យក្មេង ខេមរៈ សេរីមន្ត ក្រោយពេលបញ្ជូនដល់មន្ទីរពេទ្យ បានគេចខ្លួនបាត់<br /> មិនដឹងជាទៅទីណាទេ កម្លាំងសមត្ថកិច្ចកំពុងតាមរក។ ការគេចខ្លួននេះ សមត្ថកិច្ចសន្និដ្ឋានប្រហែល<br />ជារូបគាត់កំពុងតក់ស្លុត និងរន្ធត់ ហើយមិនចង់ផ្តល់ព័ត៌មានអ្វីច្រើន។ រីឯស្ត្រី២នាក់ ដែលរងរបួសធ្ងន់<br /> ស្រ្តីម្នាក់ជាអ្នករាំអមឆាក ខណៈដែលស្ត្រីម្នាក់ទៀត ត្រូវបានប្រភពមួយចំនួន សង្ស័យថា ជាប្អូនស្រីពៅ<br /> របស់លោក ខេមរៈ សេរីមន្ត គឺកញ្ញា ខេមរៈ ស្រីពៅ។</p>
<p>បើតាមលោក តាក់ វណ្ណថា គ្រោះថ្នាក់ចរាចរដ៏រន្ធត់ខាងលើនេះ បណ្តាលមកពីរថយន្តកុងតឺន័រ ដែល<br />សង្ស័យថា ដាច់ហ្រ្វាំង ឬក៏អ្នកបើកងងុយដេកនោះ បានជ្រុលមកបុករថយន្តរបស់លោក ខេមរៈ សេរី<br />មន្ត ខណៈរថយន្តនេះ បានធ្វើដំណើរនៅអែបផ្លូវម្ខាងទៀតនោះ។</p>
<p>តារាកំប្លែងនាយកុយ បានទូរស័ព្ទប្រាប់មជ្ឈមណ្ឌលព័ត៌មានដើមអម្ពិលដោយក្តីក្តុកក្តួលទាំងយប់ថា <br />ក្នុងហេតុការណ៍គ្រោះថ្នាក់ចរាចរនេះ បានសម្លាប់កូនប្រុសគាត់ម្នាក់ ឈ្មោះ ជី វីរៈ ដែលជាកូនប្រពន្ធ<br />ក្រោយ មានអាយុទើប ១៧ឆ្នាំប៉ុណ្ណោះ។ លោកបន្តថា កូនប្រុសរបស់គាត់ ជាសមាជិកក្រុមរាំឲ្យខេមរៈ<br /> សេរីមន្ត។</p>
<p>នាយកុយ បានមានប្រសាសន៍ទាំងអួលដើមកទៀតថា នៅវេលាម៉ោង រហូតដល់វេលាម៉ងជាង ១២<br />យប់រំលងអាធ្រាត្រឈានចូលថ្ងៃទី៨ ខែមីនា រូបលោកកំពុងរង់ចាំទទួល សពកូន ដែលដឹកបញ្ជូន<br />មកពីក្រុងព្រះសីហនុ។</p>
<p>យ៉ាងណាក៏ដោយ លោកស្នងការ បានបញ្ជាក់ថានៅកន្លែងកើហេតុ មានភ្លៀងធ្លាក់ ខ្លាំងពេក ដែល<br />ជាហេតុ នាំឲ្យពិបាក ជួយអន្តរាគមន៍ ។ ប៉ុន្តែលោកបានបញ្ជូន ជនរងគ្រោះទៅ កាន់មន្ទីរពេទ្យ ហើយ<br /> និងបានបញ្ជូនកម្លាំង សមត្ថកិច្ច ចុះទៅកន្លែងកើតហេតុ ៕</p>
<br />
<p style="text-align: center;"><img src="http://111.92.240.170:81/dap-news/dap-images/2013/March/id-009/S-066.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-067.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-068.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-069.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-070.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-071.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-072.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-073.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-074.jpg" alt="Photo by DAP-NEWS" width="500" /></p>
<br />
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>