<p style="text-align: left;">BikeCaffe គឺជាប្រភេទ “ហាង” កាហ្វេចល័តប្លែកភ្នែកមួយ នៅប្រទេសអង់គ្លេស ដែលអនុញ្ញាតឱ្យអតិថិជន ទទួលបទពិសោធនៃរសជាតិកាហ្វេ ពិតប្រាកដ។</p>
<p style="text-align: center;"><a class="thickbox" title="" href="/FileManager/Commons/2013/9/12/bikecaffe-success-in-europe-and-america-12-09-2013--11-16-42.jpg"><img src="/FileManager/Articles/mce/2013/9/12/bikecaffe-success-in-europe-and-america-12-09-2013--11-16-42.jpg" alt="" width="598" height="274" /></a><br />កាកាហ្វេកង់រទេះ BikeCaffe កំពុងទទួលបានជោគជ័យ ដោយសារ “ចល័ត អនាម័យ <br />សេវាដល់កន្លែង និងកាហ្វេគ្រប់ប្រភេទ</p>
<p style="text-align: justify;">“ហាង” កាហ្វេចល័តនេះ ធាតុពិត គឺជារទេះកង់ មួយប្រភេទដែលមានទម្ងន់ប្រហែល ៤០០គីឡូក្រាម និងមានសម្ភារៈគ្រប់គ្រាន់ ដើម្បីឱ្យអ្នកលក់អាចឆុងកាហ្វេ បានគ្រប់ប្រភេទ មិនខុសនឹងហាងកាហ្វេធំៗនោះទេ បើទោះជាវាតូចជាងហាងអចល័តនានាក៏ដោយ។<br /><br />ដោយសារតែមានម៉ាស៊ីនឆុងកាហ្វេ espresso Astoria ម៉ាស៊ីនកិនផ្លែឈើ ទូរបង្អែម ទូរទឹកកក ឡាបូ លាងដៃ បញ្ជីមុខភេសជៈ និងកម្រាលតុ BikeCaffe អាចបម្រើភ្ញៀវនូវភេសជ្ជៈដ៏ទាក់ទាញ តាំងពី espresso, latte, cappuccino រហូតដល់ទឹកតែ តែទឹកដោះគោ ទឹកផ្លែឈើ ជាដើម រួមនឹងបង្អែមជាច្រើនមុខផងដែរ។ BikeCaffe បានបង្ហាញវត្តមានរបស់ខ្លួនដំបូង នៅទីប្រជុំជន Shakespeare - Stratford-Upon-Avon ជាយក្រុង London ប្រទេសអង់គ្លេស។</p>
<p style="text-align: center;"><a class="thickbox" title="" href="/FileManager/Commons/2013/9/12/img3805-12-09-2013--11-29-28.jpg"><img src="/FileManager/Articles/mce/2013/9/12/img3805-12-09-2013--11-29-28.jpg" alt="" /></a></p>
<p style="text-align: justify;">BikeCaffe គឺជា “កូន” សំណព្វរបស់បុរស ស្រឡាញ់កាហ្វេម្នាក់ ឈ្មោះ Will Shakesheff ។ លោកស្រឡាញ់កាហ្វេ ដល់ថ្នាក់មានអារម្មណ៍ថា ហាងកាហ្វេធំៗនានា កំពុងតែបំផ្លាញរសជាតិដ៏អស្ចារ្យរបស់កាហ្វេ។ បន្ទាប់ពីបានធ្វើគម្រោងសាកល្បង និងទទួលបរាជ័យជាច្រើនលើក បច្ចុប្បន្ន BikeCaffe បានចុះកិច្ចសន្យាជាមួយបណ្ដាក្រុមហ៊ុនផលិតកាហ្វេទាំងអស់ ក្នុងអង្គការ Fair Trade ។ <br /><br />ដោយមានគោលដៅ “សង” កាហ្វេដល់ពិភពលោក Will Shakesheff ក៏បានធ្វើការកំណត់សម្រាប់ BikeCaffe នោះគឺការប្រើប្រាស់កាហ្វេ និងតែ ១០០% ដែលទិញមកពីក្រុមអ្នកផលិត ដែលដាំទៅតាមរបៀបការពារជីវិសាស្ដ្រ និងអភិវឌ្ឍចេរភាព។<br /><br />កាហ្វេប្រភេទថ្មី ចម្លែកនេះ បានទាក់ទាញការយកចិត្តទុកដាក់ពីសំណាក់សាធារណជនយ៉ាងឆាប់រហ័ស ហើយទទួលបានការគាំទ្រច្រើន ពីអតិថិជនអង់គ្លេស។ Will Shakesheff ឱ្យដឹងថា ជាមធ្យម “សាខា” BikeCaffe មួយ អាចលក់បាន ៥០០កែវ ក្នុងមួយថ្ងៃ។</p>
<p style="text-align: center;"><a class="thickbox" title="" href="/FileManager/Commons/2013/9/12/bikecaffe-success-in-europe-and-americajpgf-12-09-2013--11-28-47.jpg"><img src="/FileManager/Articles/mce/2013/9/12/bikecaffe-success-in-europe-and-americajpgf-12-09-2013--11-28-47.jpg" alt="" /></a></p>
<p style="text-align: justify;">ទំព័រ Village Coffee ឱ្យដឹងថា កាហ្វេចល័តនេះ កំពុងរីកចម្រើននៅពាសពេញអឺរ៉ុប ហើយរូបភាពនៃការលក់កាហ្វេបែបនេះ ទទួលបានការចូលចិត្តពីមនុស្សគ្រប់ឋានៈ ដោយសារតែភាពអនាម័យ រហ័សទាន់ចិត្ត និងមិនចាំបាច់ធ្វើដំណើរទៅរកហាងដែលនៅឆ្ងាយពីផ្ទះ ឬការិយាល័យ។ បច្ចុប្បន្ន BikeCaffe បានផ្ដល់សិទ្ធិពាណិជ្ជកម្មនៅអាមេរិក ហើយមានវត្តមាននៅក្នុងរដ្ឋ Denver, Phoenix និង Philadelphia ។</p>
<p style="text-align: right;"><br />ដោយ ៖ តារា<br />ប្រភព ៖ bikecaffe/ village coffee<br /><br /></p>